ബീറ്റ്റൂട്ട് ഒരിക്കൽ ഇങ്ങനെ ചെയ്തു നോക്കൂ, ഇനി കറുമുറു കഴിക്കാൻ ചിപ്സ് വാങ്ങി സൂക്ഷിക്കേണ്ട

ചക്ക ഉപ്പേരിക്ക് ബദലായി മറ്റെന്തെങ്കിലും ഉണ്ടോ? കലോറി കുറഞ്ഞ ഹെൽത്തിയായിട്ടുള്ള ബീറ്റ്റൂട്ട് ചിപ്സ് ആണെങ്കിലോ? കായും ചക്കയും വറുത്തെടുക്കുന്നതു പോലെ തന്നെ രുചികരമായി ഇത്  തയ്യാറാക്കാം. ശരീരത്തിൻ്റെയും ചർമ്മത്തിൻ്റെയും ആരോഗ്യം നിലനിർത്താൻ സഹായിക്കുന്ന ധാരാളം പോഷകങ്ങൾ ബീറ്റ്റൂട്ടിൽ അടങ്ങിയിട്ടുണ്ട്. പ്രവീൺ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ഓണ സദ്യയിലെ മധുരപ്രിയനായ ശർക്കരവരട്ടിയെ ഇനി ക്രിസ്പിയായി വറുത്തെടുക്കാം, ഇതൊരു നുള്ള് ചേർത്താൽ മതി

ചേരുവകൾ

• ബീറ്റ്റൂട്ട് - 2
• ഉപ്പ് - ആവശ്യത്തിന്
• മുളകുപൊടി - 1/2 ടീസ്പൂൺ
• എണ്ണ - ആവശ്യത്തിന്

Also Read: മുറുക്ക് ക്രിസ്പി മാത്രമല്ല കൂടുതൽ രുചികരവുമാക്കാം, മാവിലേയ്ക്ക് ഇത് ഒഴിച്ചിളക്കി യോജിപ്പിക്കാം

View this post on Instagram

A post shared by PRAVEEN KUMAR M P (@pravzkitchen)

Also Read: അരിപ്പൊടിയിൽ ഇത് ഒരു കപ്പ് ഒഴിച്ച് മാവ് കുഴച്ചെടുക്കൂ, മുറുക്ക് ക്രിസ്പിയാക്കാൻ ഇനി മറ്റൊന്നും വേണ്ട

തയ്യാറാക്കുന്ന വിധം

• ബീറ്റ്റൂട്ട് നന്നായി കഴുകി തൊലി കളഞ്ഞ് വൃത്തിയാക്കിയെടുക്കാം.
• ശേഷം അത് ഒരേ വീതിയിലും കട്ടിയിലും നീളത്തിൽ അരിഞ്ഞെടുക്കാം.
• അരിഞ്ഞെടുത്ത ബീറ്റ്റൂട്ട് കഷ്ണങ്ങൾ ഒരു ബൗളിലേയ്ക്കു മാറ്റാം.
• അതിലേയ്ക്ക് ആവശ്യത്തിന് ഉപ്പും, മുളകുപൊടിയും ചേർത്തിളക്കി യോജിപ്പിക്കാം. അടി കട്ടിയുള്ള ഒരു ചീനച്ചട്ടിയിൽ വെളിച്ചെണ്ണ ചേർത്തു ചൂടാക്കാം.
• എണ്ണ തിളച്ചു കഴിയുമ്പോൾ തീ കുറച്ചു വയ്ക്കാം.
• അതിലേയ്ക്ക് ബീറ്റ്റൂട്ട് കഷ്ണങ്ങൾ ചേർത്തു വറുക്കാം.
• കരിഞ്ഞു പോകുന്നതിനു മുമ്പ് അവ എണ്ണയിൽ നിന്നു കോരിയെടുക്കാം.
• അത് ടിഷ്യൂ പേപ്പറിൽ വച്ച് അധികം എണ്ണ നീക്കം ചെയ്യാം.
• ഇത് വായു സഞ്ചാരമില്ലാത്ത പാത്രത്തിലേയ്ക്കു മാറ്റി സൂക്ഷിക്കാം, ഇഷ്ടം പോലെ കഴിക്കാം. 

Read More: കടയിൽ നിന്നു വാങ്ങുന്നതിനേക്കാൾ രുചിയിൽ വീട്ടിൽ വറുത്തെടുക്കാം ചീട, ഈ 5 ചേരുവകൾ മതി