ദോശമാവ് കൈയ്യിലുണ്ടോ? ബേക്കറിയിൽ കിട്ടുന്നതിലും രുചിയിൽ ജിലേബി സിംപിളായി വീട്ടിൽ തയ്യാറാക്കാം

മധുരപലഹാരങ്ങളോട് പ്രിയമില്ലാത്തവർ കുറവായിരിക്കും. പ്രത്യേകിച്ച് ജിലേബിയോടും ലഡ്ഡുവിനോടും. മൈദ മാവ് പ്രത്യേകം തയ്യാറാക്കി എണ്ണയിൽ വറുത്തെടുക്കുന്ന ജിലേബി വീട്ടിൽ തയ്യാറാക്കാൻ പ്രയാസകരമായി തോന്നിയിട്ടുണ്ടോ. എങ്കിൽ വ്യത്യസ്തമായ രീതിയിൽ ജിലേബി തയ്യാറാക്കി നോക്കൂ.

Also Read: ചായപ്പീടികയിലെ ഉള്ളി വട ഇനി കൂടുതൽ ക്രിസ്പിയായി തയ്യാറാക്കാം, മാവിലേയ്ക്ക് ഇവ ചേർത്തു നോക്കൂ

ദിവസവും രാവിലെ ബ്രേക്ക്ഫാസ്റ്റിനു വേണ്ടി തയ്യാറാക്കുന്ന ദോശമാവ് മതി ഇനി അഞ്ച് മിനിറ്റിൽ ക്രിസ്പിയായിട്ടുള്ള ജിലേബി റെഡി. അപർണ തൻ്റെ യൂട്യൂബ് ചാനലിലൂടെയാണ് ഇതിൻ്റെ റെസിപ്പി പരിചയപ്പെടുത്തി തരുന്നത്. 

Also Read: ശരീരഭാരം നിയന്ത്രിക്കാം ചർമ്മാരോഗ്യം നിലനിർത്താം, ചിയ വിത്ത് ഒരു തവണ ഇങ്ങനെ കഴിച്ചു നോക്കൂ

ചേരുവകൾ

• ദോശമാവ്
• ഗോതമ്പു പൊടി
• ഫുഡ് കളർ
• പഞ്ചസാര
• നാരങ്ങ

Also Read: ചൂടൻ ഉഴുന്നു വട മധുരിച്ചാലും കിടില​ൻ രുചിയാണ്

Also Read: വായിലിട്ടാൽ അലിഞ്ഞു പോകും, ഇങ്ങനൊരു പുഡ്ഡിംഗ് നിങ്ങൾ കഴിച്ചിട്ടുണ്ടോ?

തയ്യാറാക്കുന്ന വിധം

• ഒരു കപ്പ് പഞ്ചസാരയിൽ അര കപ്പ് വെള്ളം ചേർത്ത് തിളപ്പിക്കുക. ഇതിലേക്ക് ഒരു ടീസ്പൂൺ ചെറുനാരങ്ങ നീര് ചേർത്തിളക്കി ഷുഗർ സിറപ്പ് തയ്യാറാക്കാം.
• ദോശമാവിലേയ്ക്ക് രണ്ട്  ടേബിൾ സ്പൂൺ ഗോതമ്പുപൊടി ചേർത്ത് നന്നായി ഇളക്കി അൽപ്പം ഫുഡ് കളർ ആവശ്യമെങ്കിൽ ചേർക്കാം.
• ഒരു നുള്ള് ബേക്കിങ് സോഡ ചേർത്തിളക്കാം.
• അടികട്ടിയുള്ള പാത്രം അടുപ്പിൽ വെച്ച് ആവശ്യത്തിന് എണ്ണയൊഴിച്ചു ചൂടാക്കാം.
• ആകൃതിയിൽ കിട്ടാൻ അറ്റം അൽപ്പം മുറിച്ച കവറിനുള്ളിൽ തയ്യാറാക്കിയ മാവ് നിറച്ച് എണ്ണയിലേയ്ക്ക് ഒഴിച്ച് വറുത്തെടുക്കാം.  
• ശേഷം പഞ്ചസാര ലായനിൽ മുക്കി പാത്രത്തിലേയ്ക്കു മാറ്റി ആവശ്യാനുസരണം കഴിക്കാം.

Read More: പഴുപ്പ് കൂടിയ ഒരു നേന്ത്രപ്പഴം കൊണ്ട് പഞ്ഞിപോലുള്ള ഇടിയപ്പം തയ്യാറാക്കാം