പഴുപ്പ് കൂടിയ ഒരു നേന്ത്രപ്പഴം കൊണ്ട് പഞ്ഞിപോലുള്ള ഇടിയപ്പം തയ്യാറാക്കാം

കേരളീയരുടെ വിഭവങ്ങളിൽ അൽപം സ്പെഷ്യലാണ് ഇടിയപ്പം അഥവാ നൂൽപ്പുട്ട്. ഇതിൻ്റെ ആകൃതിയാണ് പേരിനു പിന്നിൽ. അരിപ്പൊടി ഉപയോഗിച്ച് ആവിയിൽ വേവിച്ചാണ് ഇതു തയ്യാറാക്കുന്നത്. തയ്യാറാക്കിയ ഇടിയപ്പത്തിനു മുകളിലായി അൽപ്പം തേങ്ങ ചിരിയതു കൂടി വിതറി ഇഷ്ടമുള്ള എന്തു കറിക്കൊപ്പവും കഴിക്കാം. കേരളത്തിൽ മാത്രമല്ല ശ്രീലങ്കയിലും പ്രധാനപ്പെട്ട ഒരു പ്രഭാത ഭക്ഷണമാണ് ഇടിയപ്പം.

Also Read: ഒരു മുട്ട കൊണ്ട് ഇഷ്ടം പോലെ ബജ്ജി കഴിക്കാം, ഇതാണാ സിംപിൾ റെസിപ്പി

രാവിലെ തയ്യാറാക്കിയ ഇടിയപ്പത്തിൻ്റെ മാവ് ബാക്കി വന്നാൽ എന്തു ചെയ്യും?. വൈകിട്ടും ഇതേ ഇടിയപ്പം തന്നെയാണെങ്കിൽ മടുപ്പ് തോന്നിയേക്കാം. എന്നാൽ ഒന്നോ രണ്ടോ നേന്ത്രപ്പഴം ഉടച്ചെടുത്ത് ഈ മാവിലേയ്ക്ക് ചേർത്തോളൂ. കൂടുതൽ രുചികരവും വ്യത്യസ്തവുമായ ഇടിയപ്പം തയ്യാർ. വില്ലേജ് കുക്കിങ് എന്ന യൂട്യൂബ് ചാനലാണ് നേന്ത്രപ്പഴം കൊണ്ടുള്ള ഇടിയപ്പത്തിൻ്റെ റെസിപ്പി പരിചയപ്പെടുത്തി തരുന്നത്.

ചേരുവകൾ

• നേന്ത്രപ്പഴം
• തേങ്ങ
• അരിപ്പൊടി
• ഉപ്പ്
• ചൂടുവെള്ളം

Also Read: അരിയും ഉഴുന്നും വേണ്ട തലേദിവസം മാവ് അരച്ചും വയ്‌ക്കേണ്ട, പഞ്ഞി പോലെ സോഫ്റ്റ് ദോശ ഇങ്ങനെയും തയ്യാറാക്കാം

Also Read: ഒരു കപ്പ് റവയും തേങ്ങയും ഉണ്ടെങ്കിൽ 5 മിനിറ്റിൽ ബ്രേക്ക്ഫാസ്റ്റ് റെഡി

തയ്യാറാക്കുന്ന വിധം

• നന്നായി പഴുത്ത നേന്ത്രപ്പഴം ആവിയിൽ വേവിച്ചെടുക്കാം.
• അത് തണുത്തതിനു ശേഷം തൊലി കളഞ്ഞ് ചെറിയ കഷ്ണങ്ങളാക്കി ഉടച്ചെടുക്കാം.
• ഇതിലേയ്ക്ക് അരിപ്പൊടി ചേർത്തിളക്കി യോജിപ്പിക്കാം.
• ഒപ്പം ആവശ്യത്തിന് ഉപ്പും ചൂടുവെള്ളവും ഒഴിച്ച് നന്നായി ഇളക്കി യോജിപ്പിക്കാം.
• ഇത് 5 മിനിറ്റ് മാറ്റി വയ്ക്കാം. സേവനാഴിയിലേയ്ക്ക് ഈ മാവ് എടുത്ത് ഇടിയപ്പത്തട്ടിലേയ്ക്ക് മാറ്റി ആവിയിൽ വേവിക്കാം.
• ആവി പറക്കുന്ന ഈ ഇടിയപ്പം ചൂടോടെ കഴിക്കൂ. 

Read More: പാലപ്പം മാത്രമല്ല അരിപ്പൊടിയുണ്ടെങ്കിൽ 10 മിനിറ്റിൽ ദോശയും ചുട്ടെടുക്കാം