5 മിനിറ്റിൽ ബ്രേക്ക്ഫാസ്റ്റ് റെഡി, ഒരു കപ്പ് റവയും തേങ്ങയും മതി

വേറിട്ട രുചികളും വിഭവങ്ങളും പരീക്ഷിക്കാൻ ഇഷ്ടപ്പെടാത്തവരുണ്ടോ? ഇഡ്ഡലി, ദോശ, പുട്ട്, അപ്പം, ചപ്പാത്തി, പൂരി തുടങ്ങിയ സ്ഥിരം ബ്രേക്ക് ഫാസ്റ്റ് വിഭവങ്ങൾ തന്നെ കഴിച്ചു മടുത്തവർക്ക് വളരെ എളുപ്പത്തിൽ ഉണ്ടാക്കാവുന്ന ഒരു റെസിപ്പി പരിചയപ്പെടുത്താം. റവയും തേങ്ങയുമാണ് ഇതിന് പ്രധാനമായും വേണ്ട ചേരുവകൾ.

Also Read: ഒരു തുള്ളി എണ്ണ ചേർക്കാതെ ചപ്പാത്തി സോഫ്റ്റായി ചുട്ടെടുക്കാം, ഈ പൊടിക്കൈ ട്രൈ ചെയ്യൂ

റവ എന്നു കേൾക്കുമ്പോൾ ഉപ്പുമാവായിരിക്കാം ഓർം വരിക? എന്നാൽ അതിനെ വെല്ലുന്ന ഒരു കിടിലൻ റെസിപ്പിയാണ് ഇത്.  രഹ്ന തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: മാവ് അരയ്ക്കേണ്ട പുളിപ്പിച്ചെടുക്കേണ്ട, ഇനി ബ്രേക്ക്ഫാസ്റ്റ് രുചികരമായി തയ്യാറാക്കാം ഒരു കപ്പ് റവ ഉപയോഗിച്ച്

ചേരുവകൾ

• റവ- 1 കപ്പ്
• തേങ്ങ- 1/2 കപ്പ്
• ചുവന്നുള്ളി- 4 എണ്ണം
• ഉപ്പ്- ആവശ്യത്തിന്

Also Read: ഒരു ഉരുളക്കിഴങ്ങും കുറച്ച് തൈരും മാത്രം മതി, ഞൊടിയിടയിൽ ഊണിന് കറി തയ്യാർ

Also Read: വീട്ടിൽ തേങ്ങയില്ലേ? വിഷമിക്കേണ്ട, 2 മിനിറ്റിൽ തയ്യാറാക്കാം രുചികരമായ ഈ ചമ്മന്തി

തയ്യാറാക്കുന്ന വിധം

• ഒരു കപ്പ് റവയിലേയ്ക്ക് അര കപ്പ് തേങ്ങ ചേർത്ത് മിക്സിയിൽ അരയ്ക്കാം.
• അതിലേയ്ക്ക് ചുവന്നുള്ളി രണ്ട് കഷ്ണങ്ങളാക്കിയതും ആവശ്യത്തിന് ഉപ്പും ചേർത്ത് വെള്ളം ഒഴിച്ച് ഒരിക്കൽ കൂടി അരയ്ക്കാം.
• ഇത് ഒരു ചെറിയ ബൗളിലേയ്ക്കു മാറ്റാം.
• അരച്ചെടുത്ത മാവിലേയ്ക്ക് ഒരു നുള്ള് ചെറിയ ജീരകം ചേർത്ത് നന്നായി ഇളക്കിയെടുക്കാം.
• ഒരു പാ​ൻ അടുപ്പിൽ വച്ചു ചൂടാക്കാം.​ അതിലേയ്ക്ക് കുറച്ച് എണ്ണ പുരട്ടാം.
• പാൻ നന്നായി ചൂടായതിനു ശേഷം മാവിൽ നിന്നും ആവശ്യത്തിന് ഒഴിക്കാം.
• ദോശ ചുടുന്നതു പോലെ പരത്തിയെടുക്കേണ്ട ആവശ്യമില്ല.
• പകരം ഇരുവശങ്ങളും നന്നായി വേവിച്ചെടുക്കാം. ഇനി ചൂടോടെ കഴിച്ചു നോക്കൂ. 

Read More: അരിയും ഉഴുന്നും വേണ്ട തലേദിവസം മാവ് അരച്ചും വയ്‌ക്കേണ്ട, പഞ്ഞി പോലെ സോഫ്റ്റ് ദോശ ഇങ്ങനെയും തയ്യാറാക്കാം