വീട്ടിൽ തേങ്ങയില്ലേ? വിഷമിക്കേണ്ട, 2 മിനിറ്റിൽ തയ്യാറാക്കാം രുചികരമായ ഈ ചമ്മന്തി

ചമ്മന്തി പ്രേമിയാണോ?. തേങ്ങ ചമ്മന്തി മാത്രമല്ല വ്യത്യസ്തമായ പലതരം ചമ്മന്തികളുണ്ട്. അതിലൊന്നാണ് നിലക്കടല ചമ്മന്തി. വറുത്ത നിലക്കടലയോടൊപ്പം തേങ്ങയും, വറ്റൽമുളകും, ചുവന്നുള്ളിയും ചേർത്ത് അരച്ചെടുത്താൽ മതിയാകും. തേങ്ങയും, ചുവന്നുള്ളിയും ലഭ്യമാണെങ്കിൽ മാത്രം ചേർത്താൽ മതിയാകും. ചുവന്നുള്ളിയ്ക്കു പകരം സവാള ചേർക്കാവുന്നതാണ്. നീതാസ് ടേസ്റ്റ് ലാൻഡാണ് നിലക്കടല ചമ്മന്തി തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: മാവ് അരയ്ക്കാൻ മറന്നോ? എങ്കിൽ പാലും പഴവും ഉപയോഗിച്ച് ഒരു കിടിലൻ ബ്രേക്ക്ഫാസ്റ്റ് തയ്യാറാക്കാം

ചേരുവകൾ

• നിലക്കടല- 75 ഗ്രാം
• തേങ്ങ ചിരകിയത്- 3 ടേബിൾസ്പൂൺ
• വെളുത്തുള്ളി- 3 അല്ലി
• ഇഞ്ചി- ചെറിയ കഷ്ണം
• ചുവന്നുള്ളി- 4-5 എണ്ണം
• വറ്റൽമുളക്- 3
• കാശ്മീരിമുളകുപൊടി- ആവശ്യത്തിന്
• വെള്ളം- 3/4 കപ്പ്

Also Read: അരിയും ഉഴുന്നും അല്ല, മുളപ്പിച്ചെടുത്ത ചെറുപയർ കൊണ്ടും തയ്യാറാക്കാം രുചികരമായ ദോശ

Also Read: സോഫ്റ്റും രുചികരവുമായ ദോശ തയ്യാറാക്കാം, ഉഴുന്നിനൊപ്പം ഈ പൊടി കൂടി ചേർത്ത് മാവ് അരയ്ക്കൂ

തയ്യാറാക്കുന്ന വിധം

• ഒരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി  നിലക്കടല ചേർത്ത് വറുത്തു മാറ്റാം.
• അതേ പാനിൽ അൽപ്പം കൂടി എണ്ണയൊഴിച്ച് മുക്കാൽ ടീസ്പൂൺ ഉഴുന്ന് ചേർത്ത് വറുക്കാം.
• അര ടീസ്പൂൺ ജീരകം ചേർത്തിളക്കാം.
• ഇഞ്ചി ചെറിയ കഷ്ണങ്ങളാക്കിയത്, നാല് ചുവന്നുള്ളി അരിഞ്ഞത്, മൂന്ന് വെളുത്തുള്ളി അല്ലി, മൂന്ന് വറ്റൽമുളക് എന്നിവ ചേർത്ത് വേവിക്കാം.
• ഒരു തണ്ട് കറിവേപ്പിലയും ചേർത്തിളക്കാം.
• തീ കുറച്ച് മൂന്ന് ടേബിൾസ്പൂൺ തേങ്ങ ചിരകിയതു ചേർത്തിളക്കി അടുപ്പണയ്ക്കാം.
  അതിലേയ്ക്ക് ഒരു നുള്ള് കായപ്പൊടി കൂടി ചേർക്കാം.
• ഇതിലേയ്ക്ക് ആവശ്യത്തിന് ഉപ്പ് ചേർത്തിളക്കാം.
• ചൂടാറിയതിനു ശേഷം ഇതിലേയ്ക്ക് നിലക്കടലയും ആവശ്യത്തിന് വെള്ളവും ഒഴിച്ച് അരച്ചെടുക്കാം.
• ഒരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി കുറച്ച് കടുക് ചേർത്ത് പൊടിക്കാം.
• തുടർന്ന് കറിവേപ്പില, വറ്റൽമുളക് എന്നിവ ചേർത്ത് വറുത്തെടുക്കുക. അരപ്പിലേയ്ക്ക് ഇതു കൂടി ചേർത്ത് വിളമ്പാം. 

Read More: മാവ് അരയ്ക്കേണ്ട പുളിപ്പിച്ചെടുക്കേണ്ട, ഇനി ബ്രേക്ക്ഫാസ്റ്റ് രുചികരമായി തയ്യാറാക്കാം ഒരു കപ്പ് റവ ഉപയോഗിച്ച്