സദ്യ സ്റ്റൈലിൽ കൂട്ടുകറി തയ്യാറാക്കാം ഇനി സിംപിളായി, ഇവ കൂടി ചേർത്തു വേവിക്കൂ

സദ്യയ്ക്കും ആഘോഷങ്ങൾക്കും ഒഴിവാക്കാനാകാത്ത ഒരു വിഭവമാണ് കൂട്ടുകറി. വറുത്തരച്ച കറി എന്നൊരു പേരു കൂടി ഇതിനുണ്ട്. കടലയും, ചേനയും, പച്ചക്കായയും, തേങ്ങയുമാണ് ഇതിലെ പ്രധാന ചേരുവകൾ. പുഴുക്കിനോട് സാമ്യം തോന്നുമെങ്കിലും രുചിയിൽ വ്യത്യസ്തമാണ്. തേങ്ങ അരച്ചും, വറുത്തു ചേർത്തും വരട്ടിയെടുക്കുന്നതാണ് ഇതിൻ്റെ പാചക രീതി. പേരു സൂചിപ്പിക്കുന്നതു പോലെ വ്യത്യസ്ത പച്ചക്കറികളും ചേരുവകളും ഒരുമിച്ച് ചേർത്ത് പാകം ചെയ്യുന്നതാണ് കൂട്ടുകറി. ചേനയും കായും മാത്രമല്ല കപ്പ, വെള്ളരി തുടങ്ങിയവയും ഇതിൽ ചേർക്കാവുന്നതാണ്. ഷാൻ ജിയോ തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ഓണ സദ്യക്ക് മാറ്റ് കൂട്ടാൻ അടിപൊളി ഇഞ്ചി കറി ഇത്തവണ ആലപ്പുഴ സ്റ്റൈലിൽ ട്രൈ ചെയ്യൂ

ചേരുവകൾ

• കടല
• മഞ്ഞൾപ്പൊടി
• മുളകുപൊടി
• ഉപ്പ്
• വെള്ളം
• ചേന
• കായ
• തേങ്ങ
• ജീരകം
• വെള്ളം
• വെളിച്ചെണ്ണ
• കടുക്
• ഉഴുന്ന്
• കറിവേപ്പില
• വറ്റൽമുളക്
• കുരുമുളകുപൊടി

Also Read: ഒരു തവണ​ ചോറ് ഇങ്ങനെ വേവിച്ചു നോക്കൂ, ബിരിയാണിയെ വെല്ലുന്ന രുചിയാണ്

Also Read: ബീറ്റ്റൂട്ട് ഒരിക്കൽ ഇങ്ങനെ ചെയ്തു നോക്കൂ, ഇനി കറുമുറു കഴിക്കാൻ ചിപ്സ് വാങ്ങി സൂക്ഷിക്കേണ്ട

തയ്യാറാക്കുന്നവിധം

• അര കപ്പ് കടല വെള്ളത്തിൽ കഴുകി കുക്കറിലെടുത്ത് അരടീസ്പൂൺ മഞ്ഞൾപ്പൊടി, അര ടീസ്പൂൺ മുളകുപൊടി, അര ടീസ്പൂൺ ഉപ്പ്, ഒരു കപ്പ് വെള്ളം എന്നിവ ഒഴിച്ച് ഒരു വിസിൽ അടിക്കുന്നതു വരെ അടുപ്പിൽ വെയ്ക്കാം.
• അടി കട്ടിയുള്ള മറ്റൊരു പാത്രത്തിൽ ചേന ചെറിയ കഷ്ണങ്ങളായി അരിഞ്ഞത്, കായ അരിഞ്ഞത് ഒരു കപ്പ്, എന്നിവയോടൊപ്പം അര ടീസ്പൂൺ മുളുകപൊടി, കാൽ ടീസ്പൂൺ മഞ്ഞൾപ്പൊടി, അര ടീസ്പൂൺ ഉപ്പ്, ഒരു കപ്പ് വെള്ളം എന്നിവ ചേർത്ത് വേവിക്കാം.
• അര കപ്പ് തേങ്ങ, അര ടീസ്പൂൺ ജീരകം, കാൽ കപ്പ് വെള്ളം എന്നിവ ചേർത്ത് അരച്ചെടുക്കാം.
• ഒരു പാൻ അടുപ്പിൽ വെച്ച് രണ്ട് ടേബിൾസ്പൂൺ വെളിച്ചെണ്ണയൊഴിച്ചു ചൂടാക്കി ഒരു ടേബിൾസ്പൂൺ കടുക് ചേർത്ത് പൊട്ടിക്കുക, ഒരു ടേബിൾസ്പൂൺ ഉഴുന്ന് ചേർത്ത് വറുക്കാം.
• അതിലേയ്ക്ക് രണ്ട് വറ്റൽമുളക്, ഒരു കപ്പ് തേങ്ങ ചേർത്ത് വറുക്കാം.
  ചേനയും കായും വെന്തതിലേയ്ക്ക് കടല ചേർത്തിളക്കാം.
  ഇതിലേയ്ക്ക് തേങ്ങ അരച്ചതു ചേർത്ത് വേവിക്കാം.
  വറുത്ത തേങ്ങ ചേർത്തിളക്കി അടുപ്പിൽ നിന്നും മാറ്റാം.

Read More: അച്ചാർ കിടിലൻ രുചിയിൽ തയ്യാറാക്കാം, ഈ മാസക്കൂട്ട് ചേർത്തു നോക്കൂ