ഒരു തുള്ളി എണ്ണ പോലും വേണ്ട, ഇനി ക്രിസ്പി വട ഇങ്ങനെ തയ്യാറാക്കാം

വട എന്ന് കേൾക്കുമ്പോൾ തന്നെ നമുക്ക് ഓർമ്മ വരുന്നത് എണ്ണയിൽ വറുത്തെടുക്കുന്നതാണ് എന്നാൽ ആരോഗ്യകാര്യത്തിൽ അതീവ ശ്രദ്ധ പുലർത്തുന്നവർക്കും ഉയർന്ന രക്തസമ്മർദ്ദവും പ്രമേഹവും ഉള്ളവർക്കും ഈ രുചികരമായ ഇത്തരം എണ്ണയിൽ വറുത്ത പലഹാരങ്ങൾ ആസ്വദിച്ചു കഴിക്കാൻ സാധിക്കില്ല. എന്നാൽ അത് ഹെൽത്തിയായി വറുത്തെടുത്താലോ. ഒരു തുള്ളി എണ്ണ​ ചേർക്കാതെ വട വറുത്തെടുക്കാനുള്ള വിദ്യ പരിചയപ്പെടാം. 

Also Read: മിനിറ്റുകൾക്കുള്ളിൽ സോഫ്റ്റ് ഒറോട്ടി ചുട്ടെടുക്കാം, ഇത്രമാത്രം ചെയ്താൽ മതി

ചേരുവകൾ

• വാഴക്കൂമ്പ് - 1
• കടല പരിപ്പ് - 200 ഗ്രാം
• ഉള്ളി - 1
• പച്ചമുളക് - 5
• പെരുംജീരകം
• ഉപ്പ്
• കറിവേപ്പില
• മല്ലിയില
• കായം
• മോര്

Also Read: വെറും 2 ചേരുവ മതി, 5 മിനിറ്റിൽ തയ്യാറാക്കാം കിടിലൻ സ്നാക്ക്

തയ്യാറാക്കുന്ന വിധം

• കടല പരിപ്പ് നന്നായി കഴുകി രണ്ട് മണിക്കൂറെങ്കിലും വെള്ളത്തിൽ കുതിർത്തു വയ്ക്കാം. ശേഷം വാഴക്കൂമ്പ് കഴുകിയെടുത്ത് പൊടിയായി അരിഞ്ഞെടുക്കാം. മോരിലേയ്ക്ക് കുറച്ച് വെള്ളം ചേർത്ത് അത് വാഴക്കൂമ്പ് അരിഞ്ഞതിൽ ചേർത്തിളക്കി മാറ്റിവയ്ക്കാം. 
• കുതിർത്ത കടല പരിപ്പ് നന്നായി അരിച്ചെടുക്കാം. അതിലേയ്ക്ക് ആവശ്യത്തിന് ഉപ്പും പച്ചമുളകും ചേർത്ത് ഒരിക്കൽ കൂടി അരയ്ക്കാം. ആവശ്യത്തിന് പെരും ജീരകം, കറിവേപ്പില ചെറുതായി അരിഞ്ഞത്, കായപ്പൊടി എന്നിവ ചേർത്തിളക്കാം. ഒരു നുള്ള് മഞ്ഞൾപ്പൊടി കൂടി ചേർത്ത് യോജിപ്പിക്കാം. 

Also Read: എളുപ്പത്തിലുണ്ടാക്കാം കിടിലൻ പൊരിച്ച പത്തിരി, ബാക്കി വന്ന ചോറ് മതി

• ശേഷം അരിഞ്ഞു വച്ചിരിക്കുന്ന വാഴക്കൂമ്പ് കടല പരിപ്പ് അരച്ചതിലേയ്ക്ക് ചേർത്തിളക്കാം. ഇത് അൽപ സമയം മാറ്റി വയ്ക്കാം. 
• ഇഡ്ഡലി പാത്രത്തിൽ വെള്ളമെടുത്ത് അടുപ്പിൽ വച്ചു ചൂടാക്കാം. ശേഷം ഇഡ്ഡലി തട്ടിൽ വെളിച്ചെണ്ണ പുരട്ടി ഗ്രീസ് ചെയ്യാം. 
• കുഴച്ച മാവ് അതിലേയ്ക്ക് വടയുടെ ആകൃതിയിലാക്കി വയ്ക്കാം. ശേഷം 15 മിനിറ്റ് ആവിയിൽ വേവിച്ചെടുക്കാം. 
• ഇത് ചൂടോടെ കഴിച്ചു നോക്കൂ. ആവിയിൽ വേവിച്ചെടുക്കുന്നതിനാൽ ഇത് ഏറെ ഗുണകരമായിരിക്കും. 

Read More: 3 ചേരുവകൾ, 5 മിനിറ്റ്; ഈ ഒരു കിഴങ്ങുണ്ടെങ്കിൽ ഇനി രുചികരമായ സ്നാക്ക് തയ്യാറാക്കാം