3 ചേരുവകൾ, 5 മിനിറ്റ്; ഈ ഒരു കിഴങ്ങുണ്ടെങ്കിൽ ഇനി രുചികരമായ സ്നാക്ക് തയ്യാറാക്കാം

ഓഫീസിൽ നിന്നോ സ്കൂളിൽ നിന്നോ ക്ഷീണിച്ചെത്തുന്ന സമയത്ത്, അല്ലെങ്കിൽ അപ്രതീക്ഷിതമായി അതിഥികൾ വരുമ്പോൾ, പെട്ടെന്ന് ഒരു പലഹാരം ഉണ്ടാക്കാൻ ആഗ്രഹിക്കാത്തവർ ആരാണുള്ളത്? അടുക്കളയിൽ അധികം സമയം ചിലവഴിക്കാതെ, എന്നാൽ വയറ് നിറയ്ക്കുന്നതും രുചികരവുമായ ഒരു സ്നാക്ക് തയ്യാറാക്കാൻ കഴിഞ്ഞാലോ? അത്തരമൊരു സന്ദർഭത്തിൽ നമ്മുടെ രക്ഷകനായി എത്തുന്നത് ഉരുളക്കിഴങ്ങ് എന്ന പച്ചക്കറിയാണ്.

Also Read: പോഷകസമ്പന്നവും ക്രിസ്പിയുമാണ് ഈ മുറുക്ക്, ട്രൈ ചെയ്തു നോക്കൂ

മിക്കവാറും എല്ലാ വീടുകളിലും എപ്പോഴും സ്റ്റോക്കുണ്ടാകുന്ന ഈ ഒരൊറ്റ ചേരുവ മതി വെറും അഞ്ച് മിനിറ്റിനുള്ളിൽ വായിൽ കപ്പലോടിക്കുന്ന വിഭവങ്ങൾ മേശപ്പുറത്ത് എത്തിക്കാൻ. അത്തരത്തിലൊരു റെസിപ്പി പരിചയപ്പെടാം. ലക്ഷമി തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• ഉരുളക്കിഴങ്ങ്- 3
• അരിപ്പൊടി- 1/2 കപ്പ്
• മുളകുപൊടി- 2 ടേബിൾസ്പൂൺ
• ഉപ്പ്- ആവശ്യത്തിന്

Also Read: ചമ്മന്തിയോ സാമ്പാറോ വേണ്ട, വീണ്ടും കഴിക്കാൻ കൊതിക്കും ഈ ദോശ

View this post on Instagram

A post shared by Lekshmi S Nair (@amma_secret_recipes)

Also Read: വെറും 2 ചേരുവ മതി, 5 മിനിറ്റിൽ തയ്യാറാക്കാം കിടിലൻ സ്നാക്ക്

തയ്യാറാക്കുന്ന വിധം

• മൂന്ന് ഉരുളക്കിഴങ്ങ് തൊലി കളഞ്ഞെടുക്കാം. അത് ചെറിയ കഷ്ണങ്ങളാക്കിയെടുക്കാം.
• ശേഷം ഇത് ആവിയിൽ വേവിച്ചെടുക്കാം. ശേഷം അടുപ്പണച്ച് തണുക്കാൻ വയ്ക്കാം.
• തണുത്തതിനു ശേഷം നന്നായി ഉടച്ചെടുക്കാം. അതിലേയ്ക്ക് അര കപ്പ് അരിപ്പൊടിയും, രണ്ട് ടേബിൾസ്പൂൺ മുളകുപൊടി, ആവശ്യത്തിന് ഉപ്പ് എന്നിവ ചേർത്തിളക്കി മാവ് തയ്യാറാക്കാം.
• അടി കട്ടിയുള്ള ഒരു പാത്രം അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിച്ച് തിളപ്പിക്കാം.
• ശേഷം തീ കുറച്ചു വയ്ക്കാം. കുഴച്ച മാവ് നീളത്തിലാക്കിയെടുക്കാം. ശേഷം ചൂടായ എണ്ണയിൽ വറുത്തെടുക്കാം.
• ബ്രൗൺ നിറമാകുമ്പോൾ അത് മാറ്റി ടിഷ്യൂ പേപ്പറിൽ വയ്ക്കാം. ഇത് അമിതമായ എണ്ണ മയം നീക്കം ചെയ്യാൻ സഹായിക്കും. 

Read More: ചപ്പാത്തി കല്ലുപോലെ ആകുന്നുണ്ടോ? ഗോതമ്പ് പൊടിയിൽ ഇത് കുതിർത്തു ചേർക്കൂ