ചമ്മന്തിയോ സാമ്പാറോ വേണ്ട, വീണ്ടും കഴിക്കാൻ കൊതിക്കും ഈ ദോശ

കേരളത്തിൽ മാത്രമല്ല, തമിഴ്നാട്ടിലും ആന്ധ്രാപ്രദേശ്, കർണാടക എന്നീ പ്രദേശങ്ങളിലും ബ്രേക്ക്ഫാസ്റ്റിന് ദോശ തന്നെയാണ് പ്രധാനം. അരിയും ഉഴുന്നും കുതിർത്ത് അരച്ചെടുക്കുന്ന മാവ് പുളിപ്പിച്ചാണ് സാധാരണ ദോശയ്ക്കുള്ള മാവ് തയ്യാറാക്കുന്നത്. ഇത് ദോശയ്ക്ക് മൃദുത്വവും രുചിയും നൽകുന്നു. പുളിപ്പിച്ച മാവായതിനാൽ ആരോഗ്യത്തിന് ഏറെ ഗുണകരമാണ്. 

ദോശ പല തരത്തിലുണ്ട്. പ്ലെയിൻ ദോശ വളരെ ലളിതവും എല്ലാവർക്കും പ്രിയപ്പെട്ടതുമാണ്. ഉരുളക്കിഴങ്ങ്, കാരറ്റ്, ബീൻസ് തുടങ്ങിയ പച്ചക്കറികൾ ചേർത്ത മസാല  ഉപയോഗിച്ചാണ് മസാല ദോശ ഉണ്ടാക്കുന്നത്. ചീസ് ദോശ, റവ ദോശ, കാലി ദോശ, പനീർ ദോശ, ഇടിയപ്പം ദോശ തുടങ്ങി നിരവധി തരം ദോശകളുണ്ട്, ഇവയ്‌ക്കെല്ലാം വ്യത്യസ്ത രുചികളും സവിശേഷതകളുമുണ്ട്.

Also Read: ഇനി കൈ ഉപയോഗിച്ച് കുഴയ്‌ക്കേണ്ട, പഞ്ഞി പോലെ സോഫ്റ്റായ ഗോതമ്പ് പുട്ടിൻ്റെ രഹസ്യം ഇതാണ്

എന്നാൽ ഇവയൊന്നും തയ്യാറാക്കാൻ സമയം കിട്ടിയെന്നു വരില്ല. പകരം ഈ എരിവുള്ള ദോശ പരീക്ഷിച്ചു നോക്കൂ. ഇത് കഴിക്കാൻ ചട്ണിയോ സാമ്പാറോ ഒന്നും ആവശ്യമില്ല. റിഷിക തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• ദോശ മാവ്
• കറിവേപ്പില
• എണ്ണ
• കടുക് 
• നിലക്കടല
• ഉള്ളി
• മുളക്
• ഉപ്പ്
• മഞ്ഞൾപ്പൊടി
• ചതച്ച തേങ്ങ

Also Read: പോഷകസമ്പന്നവും ക്രിസ്പിയുമാണ് ഈ മുറുക്ക്, ട്രൈ ചെയ്തു നോക്കൂ

View this post on Instagram

A post shared by Rishika Herrold (@rishika_herrold)

Also Read: സവാള ഒന്നു മതി, ഉച്ചയൂണിന് 5 മിനിറ്റിൽ കറി റെഡി

തയ്യാറാക്കുന്ന വിധം

• അടി കട്ടിയുള്ള ഒരു പാനിൽ എണ്ണ ഒഴിച്ചു ചൂടാക്കാം.
• ശേഷം കടുക് ചേർത്ത് പൊട്ടിക്കാം. 
• അതിലേയ്ക്ക് കടല പരിപ്പ് ചേർത്തു വറുക്കാം. ശേഷം ചുവന്നുള്ളി ചെറുതായി അരിഞ്ഞതു ചേർത്തു വഴറ്റാം.
• അതിൻ്റെ നിറം മാറി വരുമ്പോൾ പച്ചമുളക് ചേർക്കാം.
• ഒപ്പം കറിവേപ്പിലയും, ചിരകിയ തേങ്ങയും ചേർത്തു വേവിക്കാം.
• ഇവ വെന്തു വരുമ്പോൾ ആവശ്യത്തിന് ഉപ്പ്, മഞ്ഞൾപ്പൊടി എന്നി ചേർത്തിളക്കി യോജിപ്പിക്കാം.
• വേവിച്ചെടുത്ത ഈ അരപ്പ് ദോശ മാവിലേയ്ക്കു ചേർത്തിളക്കി യോജിപ്പിക്കാം. ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് മാവ്ഒഴിക്കാം.
• ഒരു വശം വെന്തു വരുമ്പോൾ അൽപം നെയ്യ് മുകളിലേയ്ക്ക് ഒഴിക്കാം. ശേഷം ഇരുവശവും ചുട്ടെടുക്കാം. ഇത് ചൂടോടെ കഴിച്ചു നോക്കൂ. 

Read More: എളുപ്പത്തിലുണ്ടാക്കാം കിടിലൻ പൊരിച്ച പത്തിരി, ബാക്കി വന്ന ചോറ് മതി