ഇനി കൈ ഉപയോഗിച്ച് കുഴയ്‌ക്കേണ്ട, പഞ്ഞി പോലെ സോഫ്റ്റായ ഗോതമ്പ് പുട്ടിൻ്റെ രഹസ്യം ഇതാണ്

മലയാളികളുടെ ഇഷ്ടവിഭവമാണ് പുട്ട്. അത് എളുപ്പത്തിൽ ഉണ്ടാക്കാം, ഒപ്പം പോഷകസമ്പുഷ്ടവുമാണ്. എന്നാൽ, സാധാരണ അരിപ്പൊടിക്ക് പകരം ഗോതമ്പ് പൊടി ഉപയോഗിക്കുമ്പോൾ പലപ്പോഴും പുട്ട് കട്ടിയായിപ്പോകാറുണ്ടോ? അതുകൊണ്ട് തന്നെ, ഗോതമ്പിൻ്റെ ആരോഗ്യഗുണങ്ങൾ ഇഷ്ടമുള്ളവർ പോലും  ഗോതമ്പ് പുട്ട് ഉണ്ടാക്കാൻ മടിക്കാറുണ്ട്. ഇനി ആ പേടി വേണ്ട!

Also Read: മലബാറിൻ്റെ രുചി പെരുമയിൽ നാടൻ നെയ്യട, തയ്യാറാക്കാൻ എളുപ്പമാണ്

പലർക്കുമുണ്ടാകുന്ന ആ കല്ലിച്ച പുട്ടിൻ്റെ പ്രശ്നം പരിഹരിച്ച്, എങ്ങനെ പഞ്ഞിപോലെ മൃദുവായിട്ടുള്ള ഗോതമ്പ് പുട്ട് തയ്യാറാക്കാം എന്ന് നമുക്ക് നോക്കാം. മാവ് നനയ്ക്കുന്നതിലെ ചില സൂക്ഷ്മമായ കാര്യങ്ങളും, മിക്സി ഉപയോഗിച്ചുള്ള ഒരു ചെറിയ വിദ്യയും അറിഞ്ഞാൽ മതി. ഈ എളുപ്പവഴികൾ പിന്തുടർന്നാൽ, നിങ്ങൾക്ക് എന്നും രാവിലെ രുചികരവും ആരോഗ്യകരവുമായ ഗോതമ്പ് പുട്ട് കഴിക്കാം.

Also Read: രുചികരമായ പഫ്സ് കഴിക്കാൻ ഇനി ബേക്കറി തേടി പോകേണ്ട, ഓവനില്ലാതെ അത് വീട്ടിൽ തയ്യാറാക്കാം

ചേരുവകൾ

• ഗോതമ്പ് പൊടി- 1 കപ്പ്
• വെള്ളം- 1/2 കപ്പ്
• ഉപ്പ്- ആവശ്യത്തിന്
• തേങ്ങ- ആവശ്യത്തിന്

Also Read: അരിപ്പൊടിയിലേയ്ക്ക് ഇത് ചേർത്ത് മാവ് കുഴച്ചെടുക്കൂ, ഇനി പഞ്ഞിപോലുള്ള ഇടിയപ്പം കിട്ടും

തയ്യാറാക്കുന്ന വിധം

• ഒരു ബൗളിൽ ഒരു കപ്പ് ഗോതമ്പ് പൊടിയെടുക്കാം. അതിലേയ്ക്ക് ആവശ്യത്തിന് ഉപ്പ് ചേർത്തിളക്കി യോജിപ്പിക്കാം. ചെറുചൂടുള്ള വെള്ളം ഗോതമ്പ് പൊടിയിലേയ്ക്ക് കുറച്ചു വീതം ഒഴിച്ച് ഇളക്കാം. വെള്ളം ഒരുമിച്ച് ഒഴിക്കരുത്. കൈകൊണ്ട് മാവ് കുഴച്ചാൽ കട്ടയായി പോകാൻ സാധ്യതയുണ്ട്. 
• അതിന് പരിഹാരമാണ് മിക്സി. നനച്ചെടുത്ത ഗോതമ്പ് പൊടി മിക്സ് ജാറിലിട്ട് ഒരു തവണ കറക്കാം. നനയ്ക്കാത്ത പൊടിയാണെങ്കിൽ നേരിട്ട് മിക്സി ജാറിലിട്ട് ഒന്നോ രണ്ടോ ഐസ് ക്യൂബ് ചേർത്ത് കറക്കാം. 
• പുട്ടു കൊടത്തിൽ വെള്ളമെടുത്ത് തിളപ്പിക്കാം. പുട്ടു കുറ്റിയിലേയ്ക്ക് ആദ്യം തേങ്ങ ചിരകിയതും പിന്നെ നനച്ചെടുത്ത ഗോതമ്പ് പൊടിയെടുക്കാം. മുകളിൽ തേങ്ങ ചിരകിയത് ചേർക്കാം. ശേഷം പുട്ട് കുടത്തിൽ വച്ച് ആവിയിൽ വേവിക്കാം. 
• 7 മുതൽ 10 മിനിറ്റ് വരെ വവിക്കാം. ശേഷം ചൂടോടെ പ്ലേറ്റിലേയ്ക്കു മാറ്റി കഴിക്കാം. 

Read More: തേങ്ങാപ്പാലിൻ്റെ രുചിയിൽ പഞ്ഞി പോലുള്ള വട്ടയപ്പം കിട്ടാൻ ഇങ്ങനെ ചെയ്തു നോക്കൂ