രുചികരമായ പഫ്സ് കഴിക്കാൻ ഇനി ബേക്കറി തേടി പോകേണ്ട, ഓവനില്ലാതെ അത് വീട്ടിൽ തയ്യാറാക്കാം

മുട്ട പഫ്സ് എക്കാലത്തെയും നൊസ്റ്റാൾജിക് പലഹാരമാണ്. ചിക്കനും, ബീഫും, വെജിറ്റബിളും ഇതിൻ്റെ വ്യത്യസ്ത കോമ്പിനേഷനുകൾ തന്നെയാണ്. ഇവയ്ക്കു പുറമെ ക്രിസ്പിയായിട്ടുള്ള ലെയറുകളും ഉള്ളിലേക്കെത്തുമ്പോൾ മസാലയിൽ വഴറ്റിയെടുത്ത സവാള കഷ്ണങ്ങളും വേവിച്ച മുട്ടയോ ഇറച്ചിയോ അലെങ്കിൽ പച്ചക്കറികളോ ആയിരിക്കും. ഇതെങ്ങനെ ഈ രൂപത്തിൽ തയ്യാറാക്കാൻ സാധിക്കും എന്ന് എപ്പോഴെങ്കിലും ചിന്തിച്ചിട്ടുണ്ടോ?. ഓവനില്ലാതെയും അത് പാകം ചെയ്യാൻ സാധിക്കുമോ?.

Also Read: എണ്ണ പാഴാകില്ല, ഇനി വട വറുത്തെടുക്കുമ്പോൾ ഇവ മറക്കരുത്

വിഷമിക്കേണ്ട, ഇനി മിനിറ്റുകൾക്കുള്ളിൽ വീട്ടിൽ തന്നെ ഓവനില്ലാതെ പഫ്സ് തയ്യാറാക്കാം. അൽപ്പം ഗോതമ്പ് പൊടിയും മുട്ട പുഴുങ്ങിയതും ഉണ്ടാകണം എന്നു മാത്രം.

ചേരുവകൾ

• ഗോതമ്പ് പൊടി- 2 കപ്പ്
• ഉപ്പ്- 1 ടീസ്പൂൺ
• വെണ്ണ- 150 ഗ്രാം
• സവാള- 1
• മുളകു പൊടി- 1 ടീസ്പൂൺ
• ഗരം മസാല- 1/4 സ്പൂൺ
• തക്കാളി- 1
• മുട്ട

Also Read: കട്ലറ്റ് ക്രിസ്പിയാകാൻ ഇത് ഒരു കപ്പ് ഉപയോഗിച്ച് മാവ് തയ്യാറാക്കാം

Also Read: എണ്ണ കുടിക്കാതെ ക്രിസ്പിയായി പൂരി വറുക്കാം, ഇങ്ങനെ ചെയ്തു നോക്കൂ

തയ്യാറാക്കുന്ന വിധം

• 2 കപ്പ് ഗോതമ്പ് പൊടിയിലേക്ക് ഒരു ടീസ്പൂൺ ഉപ്പ് ചേർക്കാം. അതിലേക്ക് ആവശ്യത്തിന് വെള്ളം ഒഴിച്ച് മാവ് കുഴച്ചെടുക്കാം.  
• കുഴച്ചെടുത്ത മാവ് ചെറിയ ഉരുളകളാക്കി മുറിച്ചെടുക്കാം. 
• ഉരുളകൾ ഘനം കുറച്ച് പരത്തി അൽപ്പം ബട്ടർ മുകളിൽ പുരട്ടുക. അതിനു മുകളിൽ ഗോതമ്പ് പൊടി വിതറുക. ശേഷം ഒരിക്കൽ കൂടി മടക്കാം. 
• മടക്കിയ ഭാഗത്ത് അൽപ്പം വെണ്ണ കൂടി പുരട്ടി കോർണറുകൾ മടക്കി പ്ലാസ്റ്റിക് റാപ്പറിൽ പൊതിഞ്ഞ് ഒരു മണിക്കൂർ ഫ്രിഡ്ജിൽ സൂക്ഷിച്ചോളൂ.
• ഫ്രിഡ്ജിൽ നിന്നും പുറത്തെടുത്തതിനു ശേഷം വീണ്ടും പരത്തി മടക്കിയെടുത്ത് അൽപ്പ സമയം കൂടി ഫ്രിഡ്ജിൽ വെയ്ക്കാം. ഇത് മൂന്ന് തവണ ആവർത്തിക്കാം. 
• ശേഷം ചതുരാകൃതിയിൽ പരത്തി മുറിച്ചെടുക്കാം. 
• ഒരു പാൻ അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കാം. അതിലേക്ക് ഇടത്തരം വലിപ്പമുള്ള ഒരു സവാള കട്ടി കുറച്ച് അരിഞ്ഞതു ചേർത്ത് വഴറ്റാം. 
• സവാളയുടെ നിറം മാറി വരുമ്പോൾ ഒരു തക്കാളി കഷ്ണങ്ങളാക്കിയത് ചേർക്കാം.
• അതിലേക്ക് ഒരു ടീസ്പൂൺ മുളകുപൊടി, കാൽ ടീസ്പൂൺ ഗരം മസാല ആവശ്യത്തിന് ഉപ്പ് എന്നിവ ചേർത്തിളക്കി യോജിപ്പിക്കാം. 
• ആവശ്യത്തിന് മുട്ട പുഴുങ്ങി വയ്ക്കാം. 
• പരത്തി വച്ചിരിക്കുന്ന മാവിൻ്റെ മുകളിൽ  ഒരു മുട്ടയുടെ പകുതി മുറിച്ചതും തയ്യാറാക്കിയ മസാലയിൽ നിന്ന് അൽപ്പവും വച്ച് മടക്കാം. 
• അടികട്ടിയുള്ള ഒരു പാത്രത്തിൽ വറുക്കാനാവശ്യത്തിന് എണ്ണ എടുത്ത് ചൂടാക്കാം.​
  ചൂടായ എണ്ണയിൽ പഫ്സ് വറുത്തെടുക്കാം. 

Read More: അരിപ്പൊടിയിലേയ്ക്ക് ഇത് ചേർത്ത് മാവ് കുഴച്ചെടുക്കൂ, ഇനി പഞ്ഞിപോലുള്ള ഇടിയപ്പം കിട്ടും