അരിപ്പൊടിയിലേയ്ക്ക് ഇത് ചേർത്ത് മാവ് കുഴച്ചെടുക്കൂ, ഇനി പഞ്ഞിപോലുള്ള ഇടിയപ്പം കിട്ടും

സാധാരണയായി അരിപ്പൊടി മാത്രം ഉപയോഗിച്ച് ഉണ്ടാക്കുന്ന ഇടിയപ്പത്തിന് ചിലപ്പോൾ വേണ്ടത്ര മൃദുത്വം ലഭിക്കാതെ പോകാറുണ്ടോ? എന്നാൽ, നമ്മുടെ അടുക്കളയിലെ വളരെ സാധാരണമായ ഒരു ചേരുവയായ അവൽ ചേർത്ത് ഇടിയപ്പം ഉണ്ടാക്കുകയാണെങ്കിൽ മൃദുലവും രുചികരവുമായ നൂൽപ്പുട്ട് ലഭിക്കും.തൂവെള്ള നിറത്തിലുള്ള ഈ ഇടിയപ്പം കറി ഇല്ലെങ്കിലും കഴിക്കാം. ബ്രേക്ക്ഫാസ്റ്റിനോ അത്താഴത്തിനോ ഇത് തിരഞ്ഞെടുക്കാം. ഹോം കുക്ക്ഡ് എന്ന് യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: മയമുള്ള അപ്പം ഉണ്ടാക്കാൻ ഇനി ബാക്കി വന്ന ചോറ് മതി

ചേരുവകൾ

• അരിപ്പൊടി- 1 കപ്പ്
• വെളുത്ത അവൽ- 1/4 കപ്പ്
• വെള്ളം- 1/5  കപ്പ്
• ഉപ്പ്- ആവശ്യത്തിന്
• എണ്ണ- 1 ടീസ്പൂൺ

Also Read: അരിയും ഉഴുന്നും ഇല്ലെങ്കിലും ഇനി പഞ്ഞിപോലുള്ള ദോശ ചുട്ടെടുക്കാം, പകരം ഇവ രണ്ടും ഉപയോഗിക്കാം

Also Read: എണ്ണ കുടിക്കാതെ ക്രിസ്പിയായി പൂരി വറുക്കാം, ഇങ്ങനെ ചെയ്തു നോക്കൂ

തയ്യാറാക്കുന്ന വിധം

• അവൽ 5 മിനിറ്റ് വെള്ളത്തിൽ കുതിർത്തു വയ്ക്കാം. ശേഷം വെള്ളം അരിച്ചു കളഞ്ഞ് അവൽ ഉടച്ചെടുക്കാം. 
• ഒരു ബൗളിൽ വെള്ളമെടുത്ത് തിളപ്പിക്കാം. അതിലേയ്ക്ക് കുറച്ച് ഒരു ടീസ്പൂൺ എണ്ണയും ആവശ്യത്തിന് ഉപ്പും ചേർത്ത് തിളപ്പിക്കാം. 
• ഒരു കപ്പ് അരിപ്പൊടിയിലേയ്ക്ക് അവൽ ഉടച്ചതും ചേർക്കാം. 
• ചെറുചൂടുള്ള വെള്ളം ഇതിലേയ്ക്ക് ഒഴിച്ച് നന്നായി ഇളക്കി യോജിപ്പിക്കാം. മാവിന് കട്ടി കൂടരുത് അതുപോലെ അയഞ്ഞു പോകുകയും അരുത്. 
• തയ്യാറാക്കിയ മാവ് സേവനാഴിയിലെടുക്കാം. ഇത് ഇഡ്ഡലി തട്ടിലേയ്ക്ക് പിഴിഞ്ഞെടുക്കാം. 
• ഇഡ്ഡലി പാത്രത്തിൽ വെള്ളമെടുത്ത് തിളപ്പിക്കാം. ശേഷം ഇഡ്ഡലി തട്ട് അതിലേയ്ക്ക് എടുത്ത് വയ്ക്കാം. ഇത് ആവിയിൽ വേവിച്ചെടുക്കാം. 
• വേവിച്ച ഇടിയപ്പം തേങ്ങാപ്പാലിനൊപ്പം കഴിച്ചു നോക്കൂ.

Also Read: രുചികരം മാത്രമല്ല ആരോഗ്യത്തിനും കഴിക്കാം ഈ ഗ്രീൻ ചപ്പാത്തി