മയമുള്ള അപ്പം ഉണ്ടാക്കാൻ ഇനി ബാക്കി വന്ന ചോറ് മതി

പച്ചരി ഇല്ലെങ്കിലും അപ്പം ചുട്ടെടുക്കാൻ സാധിക്കുമോ?. സാധാരണ തലേദിവസം മാവ് അരച്ച് പുളപ്പിക്കാൻ വെച്ച് പിറ്റേ ദിവസം അതുപയോഗിച്ചാണ് അപ്പം ചുട്ടെടുക്കുന്നത്. എന്നാൽ ഇനി അരിപ്പൊടി ഇല്ലെങ്കിലും, മാവ് അരച്ച് പുളപ്പിക്കാൻ മറന്നാലും വിഷമിക്കേണ്ട. വേവിച്ച ചോറ് ഉണ്ടെങ്കിൽ ഒരു മണിക്കൂർ കൊണ്ട് സോഫ്റ്റ് അപ്പം റെഡി. വേവിച്ച ചോറും , അരിപ്പൊടിയും, തേങ്ങ ചിരകിതും മാത്രം മതി. 

Also Read: കരുത്തുറ്റ തലമുടിക്കും ശരീരത്തിനും ഇങ്ങനൊരു ബ്രേക്ക്ഫാസ്റ്റ് ട്രൈ ചെയ്യൂ

ചേരുവകൾ

• ചോറ്- 1 കപ്പ്
• അരിപ്പൊടി- 1 കപ്പ്
• തേങ്ങ- 1/2 കപ്പ്
• പഞ്ചസാര- 1-2 ടീസ്പൂൺ
• ഉപ്പ് - ആവശ്യത്തിന്
• യീസ്റ്റ് - 1/2 ടീസ്പൂൺ (വേണമെങ്കിൽ മാത്രം)
• ചെറുചൂടുവെള്ളം - ആവശ്യത്തിന്

Also Read: പഞ്ഞി പോലുള്ള ഇഡ്ഡലി കിട്ടാൻ ഈ 2 ചേരുവകളും മാവിലേയ്ക്ക് ചേർക്കൂ

തയ്യാറാക്കുന്ന വിധം

• ഒരു കപ്പ് വേവിച്ച ചോറിലേയ്ക്ക് അര കപ്പ് തേങ്ങ ചിരകിയതും, രണ്ട് ടീസ്പൂൺ പഞ്ചസാര, അര ടീസ്പൂൺ യീസ്റ്റ്, ഒരു കപ്പ് അരിപ്പൊടി എന്നിവ ചേർക്കാം.
• ഇതിലേയ്ക്ക് ആവശ്യത്തിന് ചെറുചൂടുള്ള വെള്ളം ഒഴിച്ച് അരച്ചെടുക്കാം. 
• ദോശ മാവിൻ്റെ അതേ പരുവത്തിൽ വേണം മാവ് അരയ്ക്കാം. 
• ഇത് ഒരു ബൗളിലേയ്ക്ക് മാറ്റാം, ആവശ്യത്തിന് ഉപ്പ് ചേർത്തിളക്കി യോജിപ്പിക്കാം.
• ഈ മാവ് ഏകദേശം 6 മുതൽ 8 മണിക്കൂർ വരെ പുളിക്കാൻ മാറ്റി വയ്ക്കാം. 
• മാവ് പുളിച്ചു പൊങ്ങിയതിനു ശേഷം മാവ് ഇളക്കിയെടുക്കാം. 
• മാവ് കട്ടിയായി തോന്നുന്നുവെങ്കിൽ കുറച്ച് ചെറുചൂടുവെള്ളം ഒഴിച്ചിളക്കി യോജിപ്പിക്കാം. 
• ശേഷം അപ്പ ചട്ട അടുപ്പിൽ വച്ചു ചൂടാക്കാം. തീ കുറച്ച് വച്ച് ഒരു തവി മാവ് ഒഴിച്ച് ചുറ്റിച്ചെടുക്കാം. മൂടി വച്ച് അപ്പം വേവിക്കാം. 
• ഇരു വശങ്ങളും വെന്തതിനു ശേഷം ചൂടോടെ കഴിക്കാം. 

Also Read: ഒരു കപ്പ് റവ ഉണ്ടോ? എങ്കിൽ ഇനി ദോശ മാവ് തയ്യാറാക്കാൻ അരിയും ഉഴുന്നും വേണ്ട

ഇക്കാര്യങ്ങൾ ശ്രദ്ധിക്കാം

• ചോറ് ചൂടോടെ അരയ്ക്കാൻ പാടില്ല. അത് തണുത്തതിനു ശേഷം മാത്രം ഉപയോഗിക്കാം.
• യീസ്റ്റ് ഉപയോഗിക്കുന്നുണ്ടെങ്കിൽ, അത് ചെറുചൂടുവെള്ളത്തിൽ ലയിപ്പിച്ച ശേഷം മാത്രം മാവിൽ ചേർക്കാം.
• മാവ് പുളിച്ചു കഴിഞ്ഞാൽ വീണ്ടും നന്നായി ഇളക്കിയ ശേഷം മാത്രം അപ്പം ഉണ്ടാക്കാം.
• അപ്പം ഉണ്ടാക്കുമ്പോൾ തീ കുറച്ചുവെക്കാൻ ശ്രദ്ധിക്കാം, എങ്കിൽ മാത്രമേ അപ്പം നന്നായി വെന്തുവരികയുള്ളൂ.
• പുളിപ്പിക്കാൻ വെയ്ക്കുമ്പോൾ മാവ് പൊങ്ങി വരാൻ സാധ്യതയുള്ളതിനാൽ, മാവ് പാത്രത്തിന്റെ പകുതിയിൽ താഴെ മാത്രം എടുക്കാം.

Read More: രാവിലെ എന്തെളുപ്പം, വെറും 5 മിനിറ്റിൽ മൊരിഞ്ഞ ദോശ റെഡി