രാവിലെ എന്തെളുപ്പം, വെറും 5 മിനിറ്റിൽ മൊരിഞ്ഞ ദോശ റെഡി

രാവിലത്തെ ബ്രേക്ക്ഫാസ്റ്റ് ഹെൽത്തിയാകണം എന്ന് ആഗ്രഹിക്കാത്തവർ ആരാണുള്ളത്? ഒരു ദിവസത്തേക്കു വേണ്ട ഊർജ്ജം  നിങ്ങൾക്ക് ലഭിക്കുന്നത് അതിൽ നിന്നാണ്. സ്ഥിരമായി തയ്യാറാക്കുന്ന ദോശ തന്നെ കൂടുതൽ ഹെൽത്തിയാക്കിയാലും മതി. അതിനായി അരിപ്പൊടിയും ഉഴുന്നും മാത്രമല്ല റാഗിയും ദോശ ചുടാൻ ഉപോയോഗിക്കാം. റാഗി എന്ന ചെറുധാന്യം ആരോഗ്യത്തിന് ഏറെ ഗുണകരമാണ്. ഗോതമ്പ് അല്ലെങ്കിൽ അരി ദോശ കഴിക്കുന്നതിലും രുചിയാണിതിന്. മാത്രമല്ല കൂടുതൽ പ്രോട്ടീനും നാരകളും അതിൽ അടങ്ങിയിട്ടുണ്ട്. ഹോംലി മീൽ കോർട്ട് എന്ന യൂട്യൂബ് ചാനലിലൂടെ ഇത് തയ്യാറാക്കുന്ന വിധം പരിചയപ്പെടാം.

Also Read: കരുത്തുറ്റ തലമുടിക്കും ശരീരത്തിനും ഇങ്ങനൊരു ബ്രേക്ക്ഫാസ്റ്റ് ട്രൈ ചെയ്യൂ

ചേരുവകൾ

• റാഗി - 1 കപ്പ്
• അരിപ്പൊടി - 1/4 കപ്പ്
• ഉള്ളി - 1
• പച്ചമുളക് - 1
• മല്ലിയില - 1 പിടി
• ജീരകം - 1 ടീസ്പൂൺ
• തൈര് - 1/4 കപ്പ്
• ഉപ്പ് - ആവശ്യത്തിന്
• വെള്ളം - ആവശ്യത്തിന്
• എണ്ണ - ആവശ്യത്തിന്

Also Read: മാവ് അമിതമായി പുളിച്ചു പോകില്ല ഇങ്ങനെ ചെയ്തു വച്ചാൽ

Also Read: പഞ്ഞി പോലുള്ള ഇഡ്ഡലി കിട്ടാൻ ഈ 2 ചേരുവകളും മാവിലേയ്ക്ക് ചേർക്കൂ

തയ്യാറാക്കുന്ന വിധം

• ഒരു കപ്പ് റാഗിപ്പൊടിയിലേയ്ക്ക് കാൽ കപ്പ് അരിപ്പൊടി ചേർത്തിളക്കി യോജിപ്പിക്കാം. അതിലേയ്ക്ക് ചുവന്നുള്ളി, പച്ചമുളക്, മല്ലിയില, ജീരകം, ആവശ്യത്തിന് ഉപ്പ് എന്നിവ ചേർത്തിളക്കി യോജിപ്പിക്കാം. ഇതിലേയ്ക്ക് കുറച്ച് തൈരും ആവശ്യത്തിന് വെള്ളവും ഒഴിച്ചിളക്കി യോജിപ്പിക്കാം.
   
• ഈ മാവ് 15 മുതൽ 20 മിനിറ്റ് വരെ മാറ്റി വയ്ക്കാം. ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് എണ്ണ പുരട്ടി ചൂടാക്കാം. തയ്യാറാക്കിയ മാവിൽ നിന്നും ഒരു സ്പൂൺ അതിലേയ്ക്ക് ഒഴിച്ച് പരത്താം. ശേഷം ഇരു വശങ്ങളും ചുട്ടെടുക്കാം. 
• രുചികരവും പോഷകസമ്പന്നവുമായ ഈ ദോശ തേങ്ങ ചമ്മന്തിയോടൊപ്പമോ സാമ്പിനോടൊപ്പമോ കഴിക്കാം. ദോശ മാവിലേയ്ക്ക് കാരറ്റും ചേർക്കാവുന്നതാണ്. 

Read More: ഒരു കപ്പ് റവ ഉണ്ടോ? എങ്കിൽ ഇനി ദോശ മാവ് തയ്യാറാക്കാൻ അരിയും ഉഴുന്നും വേണ്ട