എണ്ണ കുടിക്കാതെ ക്രിസ്പിയായി പൂരി വറുക്കാം, ഇങ്ങനെ ചെയ്തു നോക്കൂ

പപ്പടത്തിനോടും ചപ്പാത്തിയോടും സാമ്യം തോന്നുമെങ്കിലും രുചിയിൽ വ്യത്യസ്തമാണ് പൂരി. ബ്രേക്ക്ഫാസ്റ്റായോ അല്ലെങ്കിൽ വൈകിട്ട് പലഹാരമായോ ഇത് കഴിക്കാവുന്നതാണ്. എണ്ണ കുറച്ചധികം ഇതിന് ആവശ്യമാണ്. എണ്ണയ്ക്ക് നല്ല വിലയാണ് എന്നതു കൊണ്ട് ഇനി ഇഷ്ട ഭക്ഷണം ഒഴിവാക്കേണ്ടി വരുമോ എന്ന ആശങ്ക വേണ്ട.  സാധാരണ ഗോതമ്പ് പൊടി അല്ലെങ്കിൽ റവ ഉപയോഗിച്ചാണ് പൂരി തയ്യാറാക്കാറുള്ളത്. അധികം എണ്ണ ഉപയോഗിക്കാതെ ക്രിസ്പിയായി പൂരി എങ്ങനെ തയ്യാറാക്കാം എന്ന് ബിൻസി തൻ്റെ  യൂട്യൂബ് ചാനലിലൂടെയാണ് ഇതിൻ്റെ റെസിപ്പി പരിചയപ്പെടുത്തി തരുന്നത്.

Also Read: രാവിലെ എന്തെളുപ്പം, വെറും 5 മിനിറ്റിൽ മൊരിഞ്ഞ ദോശ റെഡി

ചേരുവകൾ

• ഗോതമ്പ് പൊടി- 1 കപ്പ്
• റവ- 1/4 കപ്പ്
• ഉപ്പ്- ആവശ്യത്തിന്
• വെളിച്ചെണ്ണ/സൺഫ്ലവർ ഓയിൽ- 1 ടീസ്പൂൺ 
• ചൂടുവെള്ളം- ആവശ്യത്തിന് 

Also Read: മയമുള്ള അപ്പം ഉണ്ടാക്കാൻ ഇനി ബാക്കി വന്ന ചോറ് മതി

Also Read: എളുപ്പത്തിൽ തയ്യാറാക്കാം ഒപ്പം രുചികരവുമാക്കാം, റവ ചേർക്കാതെ ഉപ്പുമാവ് ഇങ്ങനെ തയ്യാറാക്കി നോക്കൂ

തയ്യാറാക്കുന്ന വിധം

• ഒരു കപ്പ് ഗോതമ്പ് പൊടിയിലേയ്ക്ക് ആവശ്യത്തിന് ഉപ്പ് ചേർക്കാം. അതിലേയ്ക്ക് കാൽ കപ്പ് റവ ചേർക്കാം. ശേഷം ആവശ്യത്തിന് ചെറുചൂടുള്ള വെള്ളം ഒഴിച്ചിളക്കി യോജിപ്പിക്കാം.
• പൊടി നന്നായി കുഴച്ച് മാവ് തയ്യാറാക്കാം. 
• ഇടയ്ക്ക് അൽപം നെയ്യോ വെളിച്ചെണ്ണയോ ചേർക്കുന്നത് മാവ് സോഫ്റ്റാകാനും ഒട്ടിപിടിക്കാതിരിക്കാനും സഹായിക്കും. 
• കുഴച്ച മാവ് 20 മിനിറ്റ് മാറ്റി വയ്ക്കാം. 
• ശേഷം മാവ് ചെറിയ ഉരുളകളാക്കാം. അത് വലിപ്പം കുറച്ച് പരത്തിയെടുക്കാം. 
• അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം. 
• വെളിച്ചെണ്ണ ചൂടാകുമ്പോൾ തീ കുറച്ചു വച്ചി പരത്തിയ പൂരി അതിലേയ്ക്ക് ഇട്ട് വറുത്തെടുക്കാം. 
• കുറഞ്ഞ തീയിൽ വേണം പൂരി എണ്ണയിലേയ്ക്കിടാൻ. ഇരുവശങ്ങളും വെന്തിനു ശേഷം ഒരു ടിഷ്യൂ പേപ്പറിലേയ്ക്കു മാറ്റാം. ഇത് പൂരിയിലെ എണ്ണ മയം കുറയ്ക്കുന്നതിന് സഹായിക്കും. 

Read More: അരിയും ഉഴുന്നും ഇല്ലെങ്കിലും ഇനി പഞ്ഞിപോലുള്ള ദോശ ചുട്ടെടുക്കാം, പകരം ഇവ രണ്ടും ഉപയോഗിക്കാം