എളുപ്പത്തിലുണ്ടാക്കാം കിടിലൻ പൊരിച്ച പത്തിരി, ബാക്കി വന്ന ചോറ് മതി

Pathiri Recipe:  ഓരോ ദേശത്തിനും തനതായ ഒരു വിഭവത്തെ കുറിച്ച് പറയാനുണ്ടാകും. അവരുടെ പാരമ്പര്യവും സംസ്കാരവും വിളിച്ചോതുന്നവ ആയിരിക്കും ആ രുചിക്കൂട്ടുകൾ. ഭക്ഷണക്രമത്തിൽ രുചികരവും വ്യത്യസ്തവുമായ വിഭവങ്ങൾക്ക് മലബാർ തന്നെയാണ് എന്നും മുന്നിൽ.

Also Read: തേങ്ങാപ്പാലിൻ്റെ രുചിയിൽ പഞ്ഞി പോലുള്ള വട്ടയപ്പം കിട്ടാൻ ഇങ്ങനെ ചെയ്തു നോക്കൂ

രുചിയിലും തയ്യാറാക്കുന്ന രീതിയിലും ഏറെ പ്രത്യേകതകളുള്ളവയാണ് മലബാർ പലഹാരങ്ങൾ. അത് കഴിക്കാൻ ഇനി മലബാർ വരെ പോകേണ്ട. അടുക്കളയിൽ സുലഭമായ വളരെ കുറച്ച് ചേരുവകൾ ഉപയോഗിച്ച് മലബാറിൻ്റെ സ്വന്തം നെയ്പത്തിരി ഒരു തവണ വീട്ടിൽ തയ്യാറാക്കി കഴിച്ചു നോക്കൂ. കുക്കിങ് ഇറ്റ് സിംപിൾ എന്ന യൂട്യൂബ് ചാനലാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: മലബാറിൻ്റെ രുചി പെരുമയിൽ നാടൻ നെയ്യട, തയ്യാറാക്കാൻ എളുപ്പമാണ്

ചേരുവകൾ

• ചോറ്- 3 കപ്പ്
• തേങ്ങ- 1 കപ്പ്
• ജീരകം- 1/2 ടീസ്പൂൺ
• പെരുംജീരകം- 1/2 ടീസ്പൂൺ
• ചുവന്നുള്ളി- 10
• അരിപ്പൊടി- 5 ടേബിൾസ്പൂൺ
• ഉപ്പ്
• വെള്ളം
• വെളിച്ചെണ്ണ

Also Read: വേവിച്ച ചോറ് ബാക്കി വന്നോ? എങ്കിലിനി ചായക്കൊപ്പം കഴിക്കാൻ കിടലൻ സ്നാക് തയ്യാറാക്കാം

തയ്യാറാക്കുന്ന വിധം

• മൂന്ന് കപ്പ് വേവിച്ച ചോറിലേയ്ക്ക് ആവശ്യത്തിന് വെള്ളം ഒഴിച്ച് നന്നായി അരച്ചെടുക്കാം. ഇത് ഒരു ബൗളിലേയ്ക്കു മാറ്റാം.
• ഒരു കപ്പ് തേങ്ങ ചിരകിയതിലേയ്ക്ക് അര ടീസ്പൂൺ ചെറിയ ജീരകവും, പെരും ജീരകവും, പത്ത് ചുവന്നുള്ളി ചെറിയ കഷ്ണങ്ങളാക്കിയതും, ആവശ്യത്തിന് ഉപ്പും ചേർത്ത് നന്നായി അരച്ചെടുക്കാം.
• ഇത് ചോറ് അരച്ചതിലേയ്ക്കു ചേർക്കാം. ഒപ്പം അഞ്ച് ടേബിൾസ്പൂൺ അരിപ്പൊടി കൂടി ചേർത്ത് നന്നായി ഇളക്കി യോജിപ്പിക്കാം.  
• അടി കട്ടിയുള്ള ഒരു പാത്രം അടുപ്പിൽ വച്ച് വെളിച്ചെണ്ണ ഒഴിച്ചു ചൂടാക്കാം.
  എണ്ണ ചൂടായി വരുമ്പോൾ തയ്യാറാക്കിയ മാവ് ചെറിയ ഉരുളകളാക്കി കൈ ഉപയോഗിച്ച പരത്തിയതു ചേർത്ത് വറുക്കാം.
• ഇരുവശവും നന്നായി വറുത്തെടുത്തു മാറ്റാം. എണ്ണ നന്നായി ചൂടായി കഴിഞ്ഞാൽ തീ കുറച്ചു വയ്ക്കാം. ഈ നെയ്പത്തിരി ചൂടോടെ കഴിക്കാം.
• ഒപ്പം ചിക്കൻ കറിയോ ബീഫോ ഉണ്ടെങ്കിൽ കിടിലൻ കോമ്പിനേഷനാണ്. 

Read More: പോഷകസമ്പന്നവും ക്രിസ്പിയുമാണ് ഈ മുറുക്ക്, ട്രൈ ചെയ്തു നോക്കൂ