വേവിച്ച ചോറ് ബാക്കി വന്നോ? എങ്കിലിനി ചായക്കൊപ്പം കഴിക്കാൻ കിടലൻ സ്നാക് തയ്യാറാക്കാം

സെലിബ്രറ്റി കിച്ചൺ റെസിപ്പികൾ ഏവരും ആകാംക്ഷയോടെ ശ്രദ്ധിക്കാറുണ്ട്. ഇപ്പോഴിതാ ബോളിവുഡ് നടിയും സംവിധായകയുമായ നീന ഗുപ്ത തൻ്റെ സോഷ്യൽ മീഡിയ പേജിലൂടെയാണ് ഒരു ഇൻസ്റ്റൻ്റ്  ടിക്കി റെസിപ്പി പരിചയപ്പെടുത്തി തരുന്നത്. അടുക്കളയിൽ ബാക്കിയാകുന്ന ചോറ് എങ്ങനെ പുനരുപയോഗിക്കാം എന്നതിന് മികച്ച ഓപ്ഷനാണ് ബോളിവുഡ് താരം നീനയുടെ ഈ റെസിപ്പി. അടുക്കളയിൽ സുലഭമായ ഏതാനും ചേരുവകൾ ഉപയോഗിച്ച് ചോറ് ഒരടിപൊളി പലഹാരമാക്കി മാറ്റാം.

Also Read: രുചികരം മാത്രമല്ല ആരോഗ്യത്തിനും കഴിക്കാം ഈ ഗ്രീൻ ചപ്പാത്തി

ചേരുവകൾ

• റവ
• കാരറ്റ്
• യോഗർട്ട്
• വെളുത്തുള്ളി
• ഉള്ളി
• ചാട് മസാല
• ഉപ്പ്
• മല്ലിയില
• മുളക്

Also Read: എണ്ണ കുടിക്കാതെ ക്രിസ്പിയായി പൂരി വറുക്കാം, ഇങ്ങനെ ചെയ്തു നോക്കൂ

View this post on Instagram

A post shared by Neena Gupta (@neena_gupta)

Also Read:  മയമുള്ള അപ്പം ഉണ്ടാക്കാൻ ഇനി ബാക്കി വന്ന ചോറ് മതി

തയ്യാറാക്കുന്ന വിധം

• വേവിച്ച ചോറിൽ നിന്നും അൽപം ഒരു ബൗളിലെടുക്കാം.
• അതിലേയ്ക്ക് കുറച്ച് റവ ചേർക്കാം. ഒപ്പം കാരറ്റ് ഗ്രേറ്റ് ചെയ്തതും, പച്ചമുളകും, മല്ലിയിലയും, സവാളയും ചെറുതായി അരിഞ്ഞതും ചേർത്തിളക്കി യോജിപ്പിക്കാം.
• കൂടുതൽ രുചികരമാക്കാൻ അൽപം ചാട്മസാലയും, ആവശ്യത്തിന് ഉപ്പും ചേർത്തിളക്കി യോജിപ്പിക്കാം.
• ഇതിലേയ്ക്ക് പുളിയില്ലാത്ത കട്ടത്തൈരും ചേർക്കാം. ശേഷം 20 മിനിറ്റ് അടച്ച് മാറ്റി വയ്ക്കാം.
• അടി കട്ടിയുള്ള ഒരു പാൻ​ അടുപ്പിൽ വച്ച് വെളിച്ചെണ്ണ ഒഴിക്കാം.
• ചോറ് കുഴച്ചു വച്ചിരിക്കുന്നതിൽ നിന്നും അൽപം വീതം എടുത്ത് ചെറിയ ഉരുളകളാക്കി ടിക്കി പോലെ പരത്തിയെടുക്കാം.
• ഇത് ചൂടായ എണ്ണയിൽ ചേർത്ത് വറുത്തെടുക്കാം.
• ലഭ്യത അനുസരിച്ച് ചേരുവകളിൽ മാറ്റം വരുത്താം. ഈ ടിക്കി ചൂടോടെ കഴിക്കുന്നതാണ് നല്ലത്. 

Read More: രാവിലെ എന്തെളുപ്പം, വെറും 5 മിനിറ്റിൽ മൊരിഞ്ഞ ദോശ റെഡി