വെറും 2 ചേരുവ മതി, 5 മിനിറ്റിൽ തയ്യാറാക്കാം കിടിലൻ സ്നാക്ക്

സ്കൂൾ വിട്ട് വിശന്നു വലഞ്ഞെത്തുന്ന കുട്ടിക്കുറുമ്പൻമാർക്കായി എന്തെങ്കിലും സ്പെഷ്യൽ കരുതാറുണ്ട്. ഒരുപാട് പാചക വിദ്യകളൊന്നും പ്രയോഗിക്കാതെ സിംപിളായി തയ്യാറാക്കാൻ സാധിക്കുന്നവയാണോ നിങ്ങൾ തേടുന്നത്? എങ്കിൽ ഉരുളക്കിഴങ്ങും കുറച്ച് അവലും എടുത്തോളൂ. രണ്ട് മിനിറ്റിൽ ക്രിസ്പിയായിട്ടുള്ള ചൂടൻ സ്നാക്സ് റെഡിയാക്കാം.  ലക്ഷ്മി തൻ്റെ യൂട്യൂബ് ചാനലിലൂടെയാണ് അത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: മലബാറിൻ്റെ രുചി പെരുമയിൽ നാടൻ നെയ്യട, തയ്യാറാക്കാൻ എളുപ്പമാണ്

ചേരുവകൾ

• ഉരുളകിഴങ്ങ്- 2
• അവിൽ- 250 ഗ്രാം
• പച്ചമുളക്- 2
• മല്ലിയില- രണ്ട് ടീസ്പൂൺ
• ഉപ്പ്- ആവശ്യത്തിന്

Also Read: പച്ചരി വേണ്ട, രുചികരമായ ദോശ കിട്ടാൻ ഉഴുന്നിനൊപ്പം ഇവ കൂടി ചേർക്കാം

Also Read: പോഷകസമ്പന്നവും ക്രിസ്പിയുമാണ് ഈ മുറുക്ക്, ട്രൈ ചെയ്തു നോക്കൂ

തയ്യാറാക്കുന്ന വിധം

• രണ്ട് ഉരുളക്കിഴങ്ങ് നന്നായി പുഴുങ്ങിയെടുത്ത് തണുക്കാൻ മാറ്റി വയ്ക്കാം. ശേഷം അവ തൊലി കളഞ്ഞ് ഉടച്ചെടുക്കുക. 
• ഇതേ സമയം ഒരു പാനിൽ അവലെടുത്ത് വറുത്ത് പൊടിച്ചെടുക്കാം. 
• ഉരുളക്കിഴങ്ങിലേയ്ക്ക് അവൽ പോടിച്ചതും ചേർത്തിളക്കി യോജിപ്പിക്കാം. 
• രണ്ട് പച്ചമുളക് ചെറുതായി അരിഞ്ഞതും, മല്ലിയിലയും, ആവശ്യത്തിന് ഉപ്പും ചേർത്ത് മാവ് കുഴച്ചെടുക്കാം. അവ നീളത്തിൽ ഉരുട്ടിയെടുക്കാം. 
• അടികട്ടിയുള്ള ഒരു പാൻ അടുപ്പിൽ വച്ച് വെളിച്ചെണ്ണ ഒഴിച്ചു ചൂടാക്കാം. അതിലേയ്ക്ക് ഉരുളക്കിഴങ്ങ് ചേർത്ത് നന്നായി വറുത്തെടുക്കാം.

Read More: എളുപ്പത്തിലുണ്ടാക്കാം കിടിലൻ പൊരിച്ച പത്തിരി, ബാക്കി വന്ന ചോറ് മതി