പച്ചരി വേണ്ട, രുചികരമായ ദോശ കിട്ടാൻ ഉഴുന്നിനൊപ്പം ഇവ കൂടി ചേർക്കാം

സ്ഥിരമായി ദോശ മാവ് തയ്യാറാക്കാൻ ഉഴുന്നും പച്ചരിയുമാണ് ഉപയോഗിക്കാറുള്ളത്. എന്നാൽ ഇനി അതൊന്ന് മാറ്റി പിടിക്കാം. ബ്രേക്ക്ഫാസ്റ്റ് പോഷക സമ്പന്നവും രുചികരവുമാക്കാൻ ചേരുവകളിൽ കുറച്ചു മാറ്റം വരുത്താം.

Also Read: മലബാറിൻ്റെ രുചി പെരുമയിൽ നാടൻ നെയ്യട, തയ്യാറാക്കാൻ എളുപ്പമാണ്

ഉഴുന്ന് പരിപ്പ് കുതിർത്തെടുത്തതിലേയ്ക്ക് കുറച്ച് തേങ്ങയും ശർക്കരയും ചേർത്താൽ ദോശ വെല്ലുന്ന ഊത്തപ്പം ചുട്ടെടുക്കാം. രാവിലത്തെ ഭക്ഷണം കഴിക്കാൻ മടി കാട്ടുന്ന കുട്ടിക്കുറുമ്പൻമാരെ വീഴ്ത്താൻ ഇനി മറ്റൊന്നും വേണ്ട. ആർ.കെ. പോൾ തന്റെ ഇൻസ്റ്റാഗ്രാം പേജിലൂടെയാണ് ഇതിൻ്റെ റെസിപ്പി പരിചയപ്പെടുത്തുന്നത്. 

ചേരുവകൾ

• ഉഴുന്ന് പരിപ്പ്- 1 കപ്പ് 
• ചിരകിയ തേങ്ങ- ½ കപ്പ് 
• ചിരകിയ ശർക്കര- ¾ കപ്പ് 
• മുട്ട- 2 
• ഏലയ്ക്ക- 4  
• ഉപ്പ്- ½ ടീസ്പൂൺ 
• നെയ്യ്- ആവശ്യത്തിന്

Also Read: തേങ്ങാപ്പാലിൻ്റെ രുചിയിൽ പഞ്ഞി പോലുള്ള വട്ടയപ്പം കിട്ടാൻ ഇങ്ങനെ ചെയ്തു നോക്കൂ

View this post on Instagram

A post shared by RK Recipes Bowl (@rk_recipes_bowl)

Also Read: ഇനി കൈ ഉപയോഗിച്ച് കുഴയ്‌ക്കേണ്ട, പഞ്ഞി പോലെ സോഫ്റ്റായ ഗോതമ്പ് പുട്ടിൻ്റെ രഹസ്യം ഇതാണ്

തയ്യാറാക്കുന്ന വിധം

• ഉഴുന്ന് പരിപ്പ് വെള്ളത്തിലെടുത്ത് ഒരു രാത്രി കുതിർത്തു വയ്ക്കാം. ശേഷം അത് നന്നായി അരച്ചെടുക്കാം. 
• ഇതിലേയ്ക്ക് ഏലയ്ക്ക് തൊലി കളഞ്ഞതും ചേർത്ത് ഒരിക്കൽ കൂടി അരയ്ക്കാം. 
• അര കപ്പ് തേങ്ങ ചിരകിയതും, അര ടീസ്പൂൺ ഉപ്പും, കാൽ കപ്പ് ശർക്കരയും ചേർക്കാം. ഈ മിശ്രിതത്തിസേയ്ക്ക് രണ്ട് മുട്ട കൂടി പൊട്ടിച്ചൊഴിക്കാം. ശേഷം കട്ടകളില്ലാതെ ഒരിക്കൽ കൂടി അരച്ചെടുക്കാം
• ഒരു പാൻ അടുപ്പിൽ വച്ചു ചൂടാക്കാം. പാൻ ചൂടായി കഴിയുമ്പോൾ തീ കുറച്ചു വയ്ക്കാം. അതിലേയ്ക്ക് അരച്ചെടുത്ത മാവ് ഒഴിക്കാം. 
• മുകളിൽ കുറച്ച് നെയ്യ് ഒഴിച്ച് മറിച്ചിടാം. ഇങ്ങനെ ഇരുവശവും വേവിച്ചെടുക്കാം. 

Read More: മാവ് കുഴച്ച് കഷ്ടപ്പെടേണ്ട, ഇനി ഇടിയപ്പം രുചികരവും സോഫ്റ്റുമാക്കാൻ ഈ വിദ്യ പരീക്ഷിച്ചു നോക്കൂ