മിനിറ്റുകൾക്കുള്ളിൽ സോഫ്റ്റ് ഒറോട്ടി ചുട്ടെടുക്കാം, ഇത്രമാത്രം ചെയ്താൽ മതി

ഓറോട്ടി മലയാളികൾക്ക് പ്രത്യേകിച്ച് മലബാറിൻ്റെ പ്രിയ ഭക്ഷണമാണ്. പഞ്ഞി പോലെ സോഫ്റ്റും രുചികരവുമായ ഓറോട്ടി ഉണ്ടാക്കുക എന്നത് ചിലപ്പോൾ ഒരു വെല്ലുവിളിയായി തോന്നിയേക്കാം. എന്നാൽ ശരിയായ ചേരുവകളും പാചകരീതിയും പിന്തുടർന്നാൽ ആർക്കും എളുപ്പത്തിൽ സ്വാദിഷ്ടമായ ഓറോട്ടി വീട്ടിൽ തയാറാക്കാം. പ്രഭാതഭക്ഷണത്തിനോ നാലുമണി പലഹാരമായോ ഇത് കഴിക്കാം. ഷാമി തൻ്റെ യൂട്യൂബ് ചാനലിലൂടെയാണ് ഇതിൻ്റെ റെസിപ്പി പരിചയപ്പെടുത്തി തരുന്നത്

Also Read: ഡയറ്റിലാണോ? എങ്കിലിനി ബ്രേക്ക്ഫാസ്റ്റിന് ഇത് ശീലമാക്കൂ

ചേരുവകൾ

• അരിപ്പൊടി - 1 കപ്പ് (വറുത്തത്)
• തിളച്ച വെള്ളം - 1 കപ്പ്
• വെളിച്ചെണ്ണ/നെയ്യ് - 1 ടീസ്പൂൺ (മാവ് കുഴയ്ക്കാൻ)

Also Read: എളുപ്പത്തിലുണ്ടാക്കാം കിടിലൻ പൊരിച്ച പത്തിരി, ബാക്കി വന്ന ചോറ് മതി

Also Read: ചമ്മന്തിയോ സാമ്പാറോ വേണ്ട, വീണ്ടും കഴിക്കാൻ കൊതിക്കും ഈ ദോശ

തയ്യാറാക്കുന്ന വിധം

• ഒരു ബൗളിൽ അരിപ്പൊടി എടുക്കാം. ഇതിലേക്ക് ആവശ്യത്തിന് ഉപ്പ് ചേർത്ത് നന്നായി ഇളക്കാം.
• ഒരു കപ്പ് വെള്ളം നന്നായി തിളപ്പിച്ച് ഈ അരിപ്പൊടിയിലേക്ക് അല്പാല്പമായി ഒഴിച്ച് ഒരു തവി ഉപയോഗിച്ച് ഇളക്കാം. 
• പാത്രം അടച്ചുവെച്ച് ഒരു 5-10 മിനിറ്റ് നേരം ആവിയിൽ വേവിക്കുകയോ അല്ലെങ്കിൽ വെറുതെ അടച്ചുവെച്ച് മാവ് തണുക്കാൻ അനുവദിക്കുകയോ ചെയ്യാം. 
• ശേഷം അതിലേക്ക് ഒരു ടീസ്പൂൺ വെളിച്ചെണ്ണയോ നെയ്യോ ചേർത്ത് നന്നായി കുഴച്ചെടുക്കാം. 
• ചപ്പാത്തി മാവ് കുഴയ്ക്കുന്നതുപോലെ മൃദലമായി കുഴയ്ക്കാൻ ശ്രദ്ധിക്കാം. മാവ് എത്ര നന്നായി കുഴയ്ക്കുന്നുവോ അത്രയും ഓറോട്ടി മൃദലമാകും.
• കുഴച്ചെടുത്ത മാവിൽ നിന്ന് ചെറിയ ഉരുളകൾ എടുത്ത് നേർപ്പിച്ച ഒറോട്ടികളായി പരത്തിയെടുക്കാം. 
• കല്ലിൽ ഒട്ടിപ്പിടിക്കാതിരിക്കാൻ അരിപ്പൊടി വിതറി പരത്താവുന്നതാണ്. ഓറോട്ടി അധികം കട്ടിയില്ലാത്ത രീതിയിൽ പരത്താൻ ശ്രദ്ധിക്കാം.
• ഒരു ദോശക്കല്ല് ചൂടാക്കി, അതിലേക്ക് പരത്തിയ ഒറോട്ടികൾ ഇട്ട് ഓരോ വശവും നന്നായി വേവിച്ചെടുക്കാ. ഒറോട്ടിയുടെ ഇരുവശവും ഗോൾഡൻ ബ്രൗൺ നിറമാകുമ്പോൾ കല്ലിൽ നിന്ന് മാറ്റാം.
• ഇറച്ചിക്കറി, മീൻകറി, തേങ്ങാച്ചമ്മന്തി എന്നിവയോടൊപ്പം ഓറോട്ടി നല്ലൊരു കോമ്പിനേഷനാണ്.

Read More: ചപ്പാത്തി കല്ലുപോലെ ആകുന്നുണ്ടോ? ഗോതമ്പ് പൊടിയിൽ ഇത് കുതിർത്തു ചേർക്കൂ