ഒരു തുള്ളി എണ്ണ വേണ്ട, കുറുമ ഇനി രുചികരമായി ഇങ്ങനെ തയ്യാറാക്കാം

പച്ചക്കറികളും പരിപ്പും, ഗ്രീൻപീസുമൊക്കെ ചേർത്തു തയ്യാറാക്കുന്നതാണ് കുറും. തേങ്ങാപ്പാൽ കൂടി ഒഴിച്ച് കുറുകിയിരിക്കുന്ന കുറും ബ്രേക്ക്ഫാസ്റ്റിനൊപ്പവും ഉച്ചയൂണിനും കഴിക്കാവുന്നതാണ്. എന്നാൽ ഇത് തയ്യാറാക്കാൻ എണ്ണ അമിതമായി ഉപയോഗിക്കേണ്ടി വന്നേക്കാം. വിപണിയിൽ തീപിടിച്ച വിലയുള്ള എണ്ണ എങ്ങനെ അടുക്കളയിൽ കുറച്ച് ഉപയോഗിക്കാം എന്നാണ് അധികം ആളുകളും ചിന്തിക്കാറുള്ളത്. എങ്കിൽ ഈ ബീറ്റ്റൂട്ട് കുറുമ ട്രൈ ചെയ്തു നോക്കൂ. ആരതി തൻ്റെ ഇൻസറ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ഒരു തുള്ളി എണ്ണ വേണ്ട, രുചികരമായ ചിക്കൻ കറി ഇങ്ങനെയും തയ്യാറാക്കാം

ചേരുവകൾ

• ഉള്ളി - 1 (അരിഞ്ഞത്)
• തക്കാളി - 2 (അരിഞ്ഞത്)
• ബീറ്റ്റൂട്ട് - 1 
• ഇഞ്ചി പേസ്റ്റ് - 1 ടീസ്പൂൺ
• വെളുത്തുള്ളി പേസ്റ്റ് - 1 ടീസ്പൂൺ
• പച്ചമുളക് പേസ്റ്റ് - 2 ടീസ്പൂൺ
• കുരുമുളകുപൊടി - 1 ടീസ്പൂൺ
• ബദാം പൊടി - 3 ടീസ്പൂൺ
• ഗ്രീൻ പീസ് - 1/2 കപ്പ്
• ഉപ്പ് - ആവശ്യത്തിന്
• പാൽ - 1 കപ്പ്
• വെള്ളം - 1 കപ്പ്
• മല്ലിയില - 3 ടീസ്പൂൺ (അരിഞ്ഞത്)

Also Read:ഒരു തവണ​ ചോറ് ഇങ്ങനെ വേവിച്ചു നോക്കൂ, ബിരിയാണിയെ വെല്ലുന്ന രുചിയാണ്

View this post on Instagram

A post shared by Aarthi Vivekanandan (@yummytummyaarthi)

Also Read: ഇനി ചമ്മന്തിയും രുചികരവും ഹെൽത്തിയുമാകും, ഇത് ഒരു മുറി ചേർത്ത് അരച്ചെടുക്കൂ

തയ്യാറാക്കുന്ന വിധം

• ഉള്ളി, തക്കാളി, എന്നിവ ചെറിയ കഷ്ണങ്ങളായി അരിഞ്ഞെടുക്കാം. അത് ഒരു കുക്കറിലേയ്ക്കു മാറ്റാം.
• അതിലേയ്ക്ക് ഇഞ്ചി വെളുത്തുള്ളി പേസ്റ്റും, പച്ചമുളക് അരച്ചതും ചേർക്കാം. 
• ഒപ്പം അര കപ്പ് ഗ്രീൻപീസ്, ഒരു ബീറ്റ്റൂട്ട് ചെറിയ കഷ്ണങ്ങളാക്കിയത്, എന്നിവയും ചേർക്കാം. 
• ഗരം മസാല,  മല്ലിപ്പൊടി, ആവശ്യത്തിന് ഉപ്പ്, ബദാം പൊടി, ഒരു കപ്പ് പാൽ, ആവശ്യത്തിന് വെള്ളം എന്നിവ ചേർത്ത് അടച്ചു വച്ചു വേവിക്കാം.
• 2 വിസിൽ വരെ വേവിക്കാം. പ്രഷർ പോയതിനു ശേഷം കുക്കർ തുറന്ന് മല്ലിയല ചെറിയ കഷ്ണങ്ങളായി അരിഞ്ഞതു ചേർത്തിളക്കി യോജിപ്പിക്കാം. 
• എണ്ണ ചേർക്കാത്ത വെജിറ്റബിൾ ബീറ്റ്റൂട്ട് കുറുമ തയ്യാറായിരിക്കുന്നു. ചപ്പാത്തി, ചോറ്, പൂരി എന്നിവയോടൊപ്പം ഇത് കഴിക്കാം. 

Read More: സദ്യ സ്റ്റൈലിൽ കൂട്ടകറി തയ്യാറാക്കാം ഇനി സിംപിളായി, ഇവ കൂടി ചേർത്തു വേവിക്കൂ