അരിപ്പൊടി വേണ്ട, മൈദ വേണ്ട; ഇനി ഇഡ്ഡലി ഉണ്ടാക്കാം എളുപ്പത്തിൽ

ഇഡ്ഡലിയും ദോശയും നമ്മുടെ സ്ഥിരം ബ്രേക്ക്ഫാസ്റ്റ് ലിസ്റ്റിൽ ഉണ്ടാകുമെല്ലോ? അവ ഒഴിവാക്കാൻ സാധിക്കുന്നില്ല എങ്കിൽ പിന്നെ ചില വ്യത്യസ്തതൾ പരീക്ഷിച്ചാലോ? പ്രഭാത ഭക്ഷണം പോഷകങ്ങൾ നിറഞ്ഞതായിരിക്കണം. ഒരു ദിവസത്തേയ്ക്കു വേണ്ടുന്ന ഊർജ്ജം അതിൽ നിന്നും നേടാൻ സാധിക്കും.​ ഇനി അരിയും ഉഴുന്നും അരച്ചെടുത്ത് ഇഡ്ഡലി ഉണ്ടാക്കുന്നതിനു പകരം ഓട്സ് ചേർത്ത് ഒരു ഇൻസ്റ്റൻ്റ് ഇഡ്ഡലി ട്രൈ ചെയ്യാം. രോഹിണി തൻ്റെ യൂട്യൂബ് ചാനലിലൂടെയാണ് അത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ഇനി കൈ ഉപയോഗിച്ച് കുഴയ്‌ക്കേണ്ട, പഞ്ഞി പോലെ സോഫ്റ്റായ ഗോതമ്പ് പുട്ടിൻ്റെ രഹസ്യം ഇതാണ്

ചേരുവകൾ

• ഓട്സ് -1 കപ്പ്
• റവ- 1/2 കപ്പ്
• തൈര്- 1/2കപ്പ്
• ബേക്കിങ് സോഡ- 1 നുള്ള്
• ഉപ്പ്- ആവശ്യത്തിന്
• കശുവണ്ടി- ആവശ്യമെങ്കിൽ

Also Read: മാവ് കുഴച്ച് കഷ്ടപ്പെടേണ്ട, ഇനി ഇടിയപ്പം രുചികരവും സോഫ്റ്റുമാക്കാൻ ഈ വിദ്യ പരീക്ഷിച്ചു നോക്കൂ

Also Read: തേങ്ങാപ്പാലിൻ്റെ രുചിയിൽ പഞ്ഞി പോലുള്ള വട്ടയപ്പം കിട്ടാൻ ഇങ്ങനെ ചെയ്തു നോക്കൂ

തയ്യാറാക്കുന്ന വിധം

• ഒരു പാൻ അടുപ്പിൽ വച്ചു ചൂടാക്കാം.
• അതിലേയ്ക്ക് ഒരു കപ്പ് ഓട്സ് ചേർത്തു വറുക്കാം.
• ഇത് നന്നായി പൊടിച്ചെടുക്കാം. അതേ പാനിലേയ്ക്ക് അര കപ്പ് റവ ചേർത്തു വറുക്കാം.
• ഓട്സ് പൊടിച്ചത് ഇതിനൊപ്പം ചേർത്ത് ഒരു മിനിറ്റ് വേവിച്ച് തീ അണയ്ക്കാം.
• തണുത്തതിനു ശേഷം ഇതിലേയ്ക്ക് ആവശ്യത്തിന് ഉപ്പ്, തൈര്, വെള്ളം എന്നിവ ചേർക്കാം.
• ഇൻസ്റ്റൻ്റ് ഇഡ്ഡലി ആയതിനാൽ ബേക്കിങ് സോഡ കൂടി ചേർത്തിളക്കി യോജിപ്പിക്കാം.
• ഇഡ്ഡലി തട്ടിൽ എണ്ണ പുരട്ടി തയ്യാറാക്കിയ മാവ് ഒഴിച്ച് ആവിയിൽ വേവിക്കാം. ഇത് ചമ്മന്തി സാമ്പാർ എന്നിവയോടൊപ്പം കഴിക്കാം. 

Read More: പച്ചരി വേണ്ട, രുചികരമായ ദോശ കിട്ടാൻ ഉഴുന്നിനൊപ്പം ഇവ കൂടി ചേർക്കാം