മുട്ട തീർന്നു പോയോ? എങ്കിൽ ഒരു തവണ​ ബ്രെഡ് ടോസ്റ്റ് ഇങ്ങനെ തയ്യാറാക്കി നോക്കൂ

മടി പിടിച്ചിരിക്കുന്ന ദിവസങ്ങളിൽ ഏറ്റവും എളുപ്പം കഴിക്കാൻ തയ്യാറാക്കുന്ന ഒന്നാണ് ബ്രെഡ് ടോസ്റ്റ്. അത് തന്നെ വെറുതെ നെയ്യ് പുരട്ടിയോ, അല്ലെങ്കിൽ ഓംലെറ്റ് വെച്ചോ, വ്യത്യസ്ത രീതിയിൽ തയ്യാറാക്കിയെടുക്കാൻ സാധിക്കും. എപ്പോഴും ഇങ്ങനെയുള്ള സിംപിൾ ടോസ്റ്റ് തന്നെ കഴിക്കുന്നതു മടുപ്പ് തോന്നില്ലേ?.

Also Read: ഈ 3 ചേരുവകൾ മതി, 2 മിനിറ്റിൽ ബ്രേക്ക്ഫാസ്റ്റ് റെഡി

അതിനൽപ്പം മാറ്റം വരുത്തുന്നതിനായി ബ്രെഡ് റോസ്റ്റ് ചെയ്യുന്ന സമയത്തിനുള്ളിൽ ഈന്തപ്പഴവും പാലും ചേർത്ത് അടിപൊളി സോസ് കൂടി തയ്യാറാക്കി വെയ്ക്കുക. ക്രിസപിയായിട്ടുള്ള ബ്രെഡും ഈന്തപ്പഴം സോസും അടിപൊളി രുചിയാണ്.

Also Read: തേങ്ങയും ശർക്കരയും വേണ്ട, ചിക്കൻ ഉണ്ടെങ്കിൽ ഇനി അട ഇങ്ങനെയും തയ്യാറാക്കാം

ചേരുവകൾ

• ബ്രെഡ്
• നെയ്യ്
• പഞ്ചസാര
• പാൽ
• പാൽപ്പൊടി
• ഈന്തപ്പഴം
• കറുവാപ്പട്ട

Also Read: പഴംപൊരി ക്രിസ്പിയാകാൻ മാവിൽ ഇതു കൂടി ചേർത്തു നോക്കൂ

View this post on Instagram

A post shared by Aathira Sethumadhavan (@aathirasethumadhavan)

തയ്യാറാക്കുന്ന വിധം

• ആവശ്യത്തിന് ബ്രെഡ് എടുത്ത് അരികുകൾ മുറിച്ചു കളഞ്ഞ് മുകളിൽ നെയ്യ് പുരട്ടാം.
• അൽപം പഞ്ചാസര കൂടി മുകളിൽ ചേർക്കുക. ഒരു പാൻ അടുപ്പിൽ വെച്ച് കുറച്ച് നെയ്യ് പുരട്ടി ബ്രെഡിൻ്റെ ഇരുവശങ്ങളും ചൂടാക്കാം.
• ഒരു പാത്രത്തിൽ മുക്കാൽ കപ്പ് പാൽ എടുത്ത് അടുപ്പിൽ വെച്ച് അര ടേബിൾസ്പൂൺ പാൽപ്പൊടി ചേർത്തിളക്കാം.
• കുരുകളഞ്ഞ അഞ്ച് ഈന്തപ്പഴത്തിലേയ്ക്ക് കാൽ കപ്പ് പാൽ ചേർത്ത് അരച്ചെടുക്കുക.
  അടുപ്പിൽ വെച്ചിരിക്കുന്ന പാൽവറ്റി വരുമ്പോൾ ഇന്തപ്പഴം അരച്ചെടുത്തത് ചേർത്തിളക്കി കുറുക്കിയെടുക്കാം.
• ഒരു നുള്ള് കറുവാപ്പട്ട പൊടിച്ചതു കൂടി ചേർത്തിളക്കാം.
• മാറ്റി വെച്ചിരിക്കുന്ന ബ്രെഡിനു മുകളിലായി ഇതൊഴിച്ച് കഴിക്കാം. 

Read More: മൈദയോ കടലമാവോ വേണ്ട, ക്രിസ്പിയും രുചികരവുമായ വട തയ്യാറാക്കാൻ രണ്ട് നേന്ത്രപ്പഴം മതി