പഴങ്ങളൊന്നും വേണ്ട, ഈ 5 ഡ്രൈ ഫ്രൂട്സ് ഉണ്ടെങ്കിൽ ഇനി ഒരു ഷെയ്ക്ക് തയ്യാറാക്കാം

മുടി കൊഴിച്ചിൽ, ചർമ്മപ്രശ്നങ്ങൾ എന്നിവയൊക്കെ അലട്ടുന്ന നിരവധി പേരുണ്ട്. പുറത്തു പ്രയോഗിക്കുന്ന മരുന്നുകളേക്കാൾ പലപ്പോഴും ഗുണകരമാവുക, വിറ്റാമിനുകളാലും പോഷകങ്ങളാലും സമ്പന്നമായ ആഹാരം തന്നെയാണ്. അത്തരത്തിൽ, മുടിയ്ക്കും ചർമ്മത്തിനുമൊക്കെ ഗുണകരമായ ഒരു ബയോട്ടിൻ ഹെൽത്തി ഡ്രിങ്ക് പരിചയപ്പെടാം. അഞ്ജു തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: തകർപ്പൻ രുചിയിൽ ഒരു രസികൻ ലസ്സി, വീട്ടിൽ ട്രൈ ചെയ്യൂ

ചേരുവകൾ

• ബദാം- 10 എണ്ണം
• കശുവണ്ടി- 7 എണ്ണം
• പിസ്ത- 7 എണ്ണം
• കുങ്കുമം- ഒരു നുള്ള്
• ഈന്തപ്പഴം- 7 എണ്ണം

Also Read: ഒരു സ്പൂൺ പഞ്ചസാര പോലും വേണ്ട, കോൾഡ് കോഫി ഒരുതവണ ഇങ്ങനെ തയ്യാറാക്കി നോക്കൂ

View this post on Instagram

A post shared by Anju & Manoj Aggarwal🧿 (@foodieklix)

തയ്യാറാക്കുന്ന വിധം

• ബദാം, കശുവണ്ടി, പിസ്ത, ഈന്തപ്പഴം കുരുകളഞ്ഞത് എന്നിവ വെള്ളത്തിൽ കുതിർത്തു വയ്ക്കാം.
• പിറ്റേ ദിവസം രാവിലെ ഇത് ഒരു മിക്സിയിലേയ്ക്കു മാറ്റി നന്നായി അരച്ചെടുക്കാം.
• ഒരു ഏത്തപ്പഴം രണ്ട് കപ്പ് പാൽ എന്നിവ ചേർത്ത് ഒരിക്കൽ കൂടി ഇത് അരച്ചെടുക്കാം.
• ദിവസവും ഈ ഡ്രിങ്ക് കുടിക്കുന്നത് ശീലമാക്കൂ ഊർജ്ജവും ഉന്മേഷവും വീണ്ടെടുക്കാം. 

Also Read: കാരറ്റിലേയ്ക്ക് ഈ പൊടി കൂടി ചേർത്തെടുത്താൽ കിടിലൻ സ്മൂത്തി റെഡി

ഗുണങ്ങൾ

ശരീരത്തിന് ഊർജ്ജം

പ്രകൃതിദത്തമായ പഞ്ചസാരയും, ധുതുക്കളും ഇതിൽ അടങ്ങിയിട്ടുണ്ട്. ഇത് ശരീരത്തിന് പെട്ടെന്ന് ഊർജ്ജം നൽകും. 

Also Read: കുടിച്ചു തുടങ്ങിയാൽ പിന്നെ നിർത്താൻ തോന്നില്ല, ഒരു തവണ ഇത് ട്രൈ ചെയ്യൂ

ദഹനം മെച്ചപ്പെടുത്തും

നാരുകൾ അടങ്ങിയിരിക്കുന്നതിനാൽ ഇത് ദഹനാരോഗ്യത്തെ സഹായിച്ച് മലബന്ധം തടയും. 

രോഗപ്രതിരോധ ശേഷി വർധിപ്പിക്കും

ആൻ്റി ഓക്സിഡൻ്റുകളുടെ സമ്പന്നമായ ഉറവിടമാണിത്. അതിനാൽ രോഗപ്രതിരോധ ശേഷി മെച്ചപ്പെടുത്താൻ സാധിക്കും. 

ചർമ്മത്തിൻ്റെയും മുടിയുടെയും ആരോഗ്യം

വിറ്റാമിനുകളും ധാതുക്കളും അടങ്ങിയ ഡ്രൈ ഫ്രൂട്സ് മുടിയുടെയും ചർമ്മത്തിൻ്റെയും ആരോഗ്യം മെച്ചപ്പെടുത്തും.

Read More: പഞ്ചസാരയൊന്നും ചേർക്കേണ്ട, ബീറ്റ്റൂട്ട് ഷെയ്ക്ക് രുചികരമാക്കാൻ ഈ 3 ചേരുവകൾ മതി