ഒരു സ്പൂൺ പഞ്ചസാര പോലും വേണ്ട, കോൾഡ് കോഫി ഒരുതവണ ഇങ്ങനെ തയ്യാറാക്കി നോക്കൂ

മഴക്കാലത്ത് നല്ല തണുപ്പാൻ കാപ്പി കുടിച്ചാലോ? കോൾഡ് കോഫിയാണ് ഐറ്റം. ഫൈവ് സ്റ്റാർ ഹോട്ടൽ സ്റ്റൈലിൽ അത് വീട്ടിൽ തയ്യാറാക്കാം. സാധാരണ പഞ്ചസാര കൂടി ചേർത്താണ് കോൾഡ് കോഫി ചെയ്തെടുക്കുന്നത്. എന്നാൽ ഒരു തവണ അതില്ലാതെ വ്യത്യസ്തമായി ട്രൈ ചെയ്തു നോക്കൂ. ഉന്മേഷം നൽകുന്ന ചൂടൻ കാപ്പിക്കൊപ്പം ഇടയ്ക്ക് ഈ കോൾഡ് കോഫി കുടിക്കാം. ഫാത്തിമ തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ഒരു കപ്പ് ചെറുപയർ മതി, ഊർജ്ജവും ഉന്മേഷവും നേടാൻ ഒരു ഹെൽത്തി ഡ്രിങ്ക് തയ്യാറാക്കാം

ചേരുവകൾ

• പാൽ- 2 കപ്പ്
• കാപ്പിപ്പൊടി- 1 1/2 ടേബിൾസ്പൂൺ
• ശർക്കരപൊടി- 3 ടേബിൾസ്പൂൺ
• വാനില എക്സ്ട്രാക്റ്റ്- 1/2 ടീസ്പൂൺ
• ചോക്ലേറ്റ് സോസ്- 2 ടേബിൾസ്പൂൺ

Also Read: ഇനി കരിമ്പിൻ ജ്യൂസ് ആർക്കും തയ്യാറാക്കാം, ഈ പൊടിക്കൈ അറിയാമോ?

Also Read: കിടിലൻ​ രുചിയിൽ ഒരു സിംപിൾ അവൽ മിൽക്ക്, നാവിൽ കപ്പലോടും

തയ്യാറാക്കുന്ന വിധം

• രണ്ട് കപ്പ് തണുത്ത പാലിലേയ്ക്ക് ഒന്നര ടേബിൾസ്പൂൺ കാപ്പിപ്പൊടിയും, മൂന്ന് ടേബിൾസ്പൂൺ ശർക്കരപ്പൊടി, അര ടീസ്പൂൺ വാനില എക്സ്‌ട്രാക്റ്റ് എന്നിവ ചേർത്ത് ബ്ലെൻഡ് ചെയ്തെടുക്കാം.
• എല്ലാ ചേരുവകളും നല്ല മിനുസമായി കിട്ടുന്നതു വരെ ബ്ലെൻഡ് ചെയ്യാം.
• ഒരു ഗ്ലാസിലേയ്ക്ക് ചോക്ലേറ്റ് സോസ് ഒഴിക്കാം.
• ഇതിലേയ്ക്ക് ബ്ലെൻഡ് ചെയ്ത കോഫി ഒഴിക്കാം.
• ആവശ്യമെങ്കിൽ ഐസ്ക്യൂബ് കൂടി ചേർത്ത് കുടിച്ചു നോക്കൂ.

Read More: ശരീരഭാരം നിയന്ത്രിക്കാം ചർമ്മാരോഗ്യം നിലനിർത്താം, ചിയ വിത്ത് ഒരു തവണ ഇങ്ങനെ കഴിച്ചു നോക്കൂ