ആരോഗ്യകരമായി ശരീരഭാരം കുറയ്ക്കാം; ബ്രേക്ക്ഫാസ്റ്റിലേയ്ക്ക് ഇതു കൂടി ചേർക്കൂ

ബ്രോക്കോളി എന്നു കേൾക്കുമ്പോഴേ മടിച്ചു നിൽക്കുന്നവരാണോ നിങ്ങൾ?. എങ്കിൽ ഓർത്തോളൂ പോഷക ഗുണത്തിൻ്റെ കാര്യത്തിൽ ഉറപ്പായും നിങ്ങൾക്ക് ഉചിതമായ ഒരു ഭക്ഷ്യ വസ്തു തന്നെയാണിത്. ഹൃദയാരോഗ്യം, ദഹനാരോഗ്യം, എല്ലുകളുടെ ആരോഗ്യം, ചർമ്മത്തിൻ്റെ ആരോഗ്യം എന്നിവയ്ക്ക് വേണ്ടുന്ന ധാരാളം പോഷകങ്ങൾ ബ്രോക്കോളിയിൽ അടങ്ങിയിട്ടുണ്ട്.

Also Read: ഇടിയപ്പം സോഫ്റ്റായി കിട്ടും, അരിപ്പൊടിയിലേയ്ക്ക് ഇത് രണ്ട് സ്പൂൺ ചേർക്കൂ

ഇനിയും ഇത് കഴിക്കാൻ മടിയാണെങ്കിൽ ഇതാ നിങ്ങൾക്കായി ഒരു സ്പെഷ്യൽ മലായ് റെസിപ്പി. കശുവണ്ടിയും തൈരും കുറച്ച് മസാലകളും ചേർത്ത രുചികരമായ മസാല ബ്രോക്കോളിയിൽ ചേർത്ത് വറുത്തെടുത്തോളൂ. കുട്ടികൾക്കുള്ള ലെഞ്ച് ബോക്സിലോ, സ്നാക്സ് ബോക്സിലോ ഉൾപ്പെടുത്താൻ പറ്റിയ വിഭവം കൂടിയാണിത്.  കവിത സുരേൻ തൻ്റെ ഇൻസ്റ്റഗ്രാം പേജിലൂടെയാണ് ഈ ബ്രോക്കോളി ഫ്രൈ റെസിപ്പി പരിചയപ്പെടുത്തി തരുന്നത്.

ചേരുവകൾ

• ബ്രോക്കോളി
• ഉപ്പ്
• കശുവണ്ടി
• ചീസ്
• തൈര്
• പാലട
• ജീരകപ്പൊടി
• ഗരംമസാല
• കുരുമുളകുപൊടി
• കസൂരിമേത്തി

Also Read: കുറഞ്ഞ സമയത്തിൽ കൂടുതൽ രുചികരമായ വിഭവങ്ങൾ തയ്യാറാക്കാം, ഇനി കൂൺ കിട്ടിയാൽ ഈ റെസിപ്പികൾ ട്രൈ ചെയ്യൂ

View this post on Instagram

A post shared by Sakarasaathamum_vadakarium 😉 (@sakarasaathamum_vadakarium)

Also Read: മുട്ടത്തോരൻ രുചികരവും കൂടുതൽ പോഷകസമൃദ്ധവുമാക്കാം, ഈ ഇല കൂടി ചേർക്കൂ

തയ്യാറാക്കുന്ന വിധം

• കുറച്ച് ഉപ്പ് ചേർത്ത ചൂടുവെള്ളത്തിൽ ബ്രോക്കളി മുക്കി വെയ്ക്കാം.
• പത്ത് കശുവണ്ടി വെള്ളത്തിൽ കുതിർത്ത് മാറ്റി വെയ്ക്കാം. 
• പതിനഞ്ചു മിനിറ്റിനു ശേഷം കുതിർത്തു വെച്ച കശുവണ്ടിയും ഒരു ഷീറ്റ് ചീസും അരച്ചെടുക്കാം.
• ആവശ്യമെങ്കിൽ കാൽ ടേബിൾസ്പൂൺ വെള്ളം കൂടി ചേർക്കാം.
• അരച്ചെടുത്ത കശുവണ്ടി ഒരു ബൗളിലേയ്ക്കു മാറ്റി കാൽ കപ്പ് കട്ട തൈരും, അര കപ്പ് ഫ്രെഷ് ക്രീമും ചെർത്തിളക്കാം.
• ഇതിൽ ഒരു ടീസ്പൂൺ ജീരകപ്പൊടി, ഒരു ടീസ്പൂൺ ഗരംമസാല, ഒരു ടീസ്പൂൺ കുരുമുളകുപൊടി, ആവശ്യത്തിന് ഉപ്പ്, അര ടേബിൾസ്പൂൺ കസൂരി മേത്തി എന്നിവ കൂടി ചേർത്തിളക്കാം.
• ചൂടുവെള്ളത്തിൽ കുതിർത്തു വെച്ചിരിക്കുന്ന ബ്രോക്കോളി ചേർത്ത് ഇളക്കി പത്ത് മിനിറ്റ് മാറ്റി വെയ്ക്കാം.
• ശേഷം ഒരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി ബ്രോക്കോളി വറുത്തെടുക്കാം.

Read More: 1 കപ്പ് അരിയുണ്ടെങ്കിൽ ഇനി ഇഷ്ടം പോലെ ബർഫി കഴിക്കാം, സിംപിളാണ് റെസിപ്പി