മുട്ടത്തോരൻ രുചികരവും കൂടുതൽ പോഷകസമൃദ്ധവുമാക്കാം, ഈ ഇല കൂടി ചേർക്കൂ

മുരിങ്ങയില മലയാളികൾക്ക് ഒട്ടും അപരിചിതമായിരിക്കില്ല. മിക്ക രോഗങ്ങളും ശമിപ്പിക്കുന്നതിനുള്ള ശേഷി ഇതിനുണ്ട് എന്ന അറിയാത്തവർ ചുരുക്കമേ കാണൂ. തയ്യാറാക്കിയെടുക്കാനുള്ള പ്രയാസം കാരണം അടുക്കളയിലെ സ്ഥിരം കറി കൂട്ടുകളിൽ അത്ര കണ്ട് സ്ഥാനം മുരിങ്ങിയിലയ്ക്ക് ഇല്ല. എന്നാൽ ഇന്ന് മുരിങ്ങയിലകൾ മാത്രം വേർതിരിച്ച് പാക്കറ്റുകളിലാക്കിയത് വിപണിയിൽ ലഭ്യമാണ്. അത് പ്രയോജനപ്പെടുത്തിയാൽ ആരോഗ്യകരമായ ഭക്ഷണക്രമത്തിലേയ്ക്ക് ഒരു കൂട്ടു കൂടിയാകും. 

Also Read: പപ്പടം ഇനി വെറുതെ കഴിക്കണ്ട, ഇങ്ങനെ പാകം ചെയ്തെടുക്കൂ

മുട്ടയോട് താൽപ്പര്യം ഉള്ളവരാണെങ്കിൽ ഇനി മുരിങ്ങയില കിട്ടിയാൽ, ഇവ രണ്ടും ചേർത്ത് രുചികരവും ആരോഗ്യപ്രദവുമായ തോരൻ ഒന്ന തയ്യാറാക്കി നോക്കൂ. അധികം എണ്ണ ഉപയോഗിക്കാതെ വളരെ എളുപ്പം ഇത് റെഡിയാക്കിയെടുക്കാം. അക്ഷയ തൻ്റെ ഇൻസ്റ്റഗ്രാം പേജിലൂടെയാണ് ഈ ഹെൽത്തി മുട്ട മുരിങ്ങയില തോരൻ റെസിപ്പി പരിചയപ്പെടുത്തി തരുന്നത്.

Also Read: ഊണിനൊപ്പം കൂട്ടാൻ കൊതിയൂറും അച്ചാർ തയ്യാറാക്കാം, ഒരു പിടി ചുവന്നുള്ളി മതി

ചേരുവകൾ

• വെളിച്ചെണ്ണ
• കടുക്
• ഇഞ്ചി
• വെളുത്തുള്ളി
• പച്ചമുളക്
• സവാള
• കറിവേപ്പില
• ഉപ്പ്
• മഞ്ഞൾപ്പൊടി
• മുരിങ്ങയില
• മുട്ട
• തേങ്ങ
• കുരുമുളക്

Also Read: ദഹനം മെച്ചപ്പെടും ശരീരഭാരം കുറയും, ഉച്ചയൂണിലേയ്ക്ക് ഇത് ചേർക്കൂ

View this post on Instagram

A post shared by The Malabari Foodgasm (@themalabarifoodgasm)

തയ്യാറാക്കുന്ന വിധം

• അടികട്ടിയുള്ള ഒരു പാത്രം അടുപ്പിൽ വെച്ച് രണ്ട് ടേബിൾസ്പൂൺ എണ്ണയൊഴിച്ചു ചൂടാക്കി കാൽ ടീസ്പൂൺ കടുക് ചേർത്ത് വറുക്കുക.
• ഇതിലേയ്ക്ക് അൽപ്പം കറിവേപ്പില വെളുത്തുള്ളിയും ഇഞ്ചിയും ചെറുതായി അരിഞ്ഞത് ഒരു ടീസ്പൂൺ വീതവും, രണ്ടോ മൂന്നോ പച്ചമുളകും സവാള ചെറുതായി അരിഞ്ഞത് ഒരു കപ്പും ചേർത്ത് വഴറ്റുക.
• ആവശ്യത്തിന് ഉപ്പും, അര ടീസ്പൂൺ മഞ്ഞൾപ്പൊടിയും ചേർത്തിളക്കുക.
• നന്നായി കഴുകി വൃത്തിയാക്കി വെച്ചിരിക്കുന്ന മുരിങ്ങയില ഇതിലേയ്ക്ക് ചേർക്കുക.
• മുരിങ്ങയില വെന്തു വരുമ്പോൾ മൂന്ന് മുട്ട പൊട്ടിച്ച് ഇതിലേയ്ക്ക് ചേർത്തിളക്കുക.
• മുട്ട വെന്തതിനു ശേഷം തേങ്ങ ചിരകിയത് ഒരു കപ്പും, അര ടീസ്പൂൺ കുരുമുളക് ചതച്ചതും ചേർത്തിളക്കി അടുപ്പിൽ നിന്നും മാറ്റാം.

Read More: കുറഞ്ഞ സമയത്തിൽ കൂടുതൽ രുചികരമായ വിഭവങ്ങൾ തയ്യാറാക്കാം, ഇനി കൂൺ കിട്ടിയാൽ ഈ റെസിപ്പികൾ ട്രൈ ചെയ്യൂ