ചോറ് കുറച്ച് പകരം ഇവ ഉൾപ്പെടുത്തൂ, ഉച്ചയൂണിന് ശീലമാക്കാം ഈ റൈസ് സാലഡ്

ആരോഗ്യവും രുചിയും ഒരുമിച്ചു ചേർന്നാൽ ഹെൽത്തിയായി ശരീരഭാരം നിയന്ത്രിക്കാം. അതിനായി ഒരു തവണ ഈ കോളിഫ്ലവർ ബദാം റൈസ് സാലഡ് ശീലമാക്കൂ. പോഷകസമൃദ്ധവും ആരോഗ്യകരവും രുചികരവുമാണ്. 30 മിനിറ്റിനുള്ളിൽ എളുപ്പത്തിൽ തയ്യാറാക്കാവുന്ന ഒരു റെസിപ്പിയാണിത്. ബദാം, കോളിഫ്‌ളവർ  എന്നിവയുടെ ഗുണങ്ങൾ നിറഞ്ഞ ഈ സാലഡ് അമിതമായി വിശക്കുന്നത് തടഞ്ഞ് വയർ നിറയ്ക്കുന്ന പ്രതീതി നൽകുന്നു. കുക്കീ ആൻ്റ് കെയ്റ്റ് എന്ന് ഫെയ്സ് ബുക്ക് പേജാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: വയറു നിറയെ ചോറുണ്ണാൻ പോഷകഗുണങ്ങളുള്ള ഈ ഒരു ചമ്മന്തി മതി 

ചേരുവകൾ

• ബദാം- 1 കപ്പ് 
• കടൽ ഉപ്പ്- ആവശ്യത്തിന് 
• മല്ലിയില- 1 ടേബിൾസ്പൂൺ 
• ഇഞ്ചി- 1 ടീസ്പൂൺ 
• ജീരകം- 1/2 ടീസ്പൂൺ 
• കോളിഫ്ലവർ- 2 കപ്പ് 
• കുരുമുളക്- 1/2 ടീസ്പൂൺ 
• നാരങ്ങ നീര്- 2 മില്ലി 
• പച്ചമുളക്- 1 ടീസ്പൂൺ 
• ഒലിവ് ഓയിൽ- 2 ടേബിൾസ്പൂൺ

Also Read: കരുത്തുറ്റ ശരീരത്തിന് ഒരു ഹെൽത്തി ലഡ്ഡു, പഞ്ചസാരയോ കടലമാവോ വേണ്ട

Also Read: പ്രമേഹവും ശരീരഭാരവും നിയന്ത്രിക്കാം, ജങ്ക് ഫുഡുകൾ ഒഴിവാക്കി ഈ 6 ഭക്ഷണങ്ങൾ കഴിക്കൂ

തയ്യാറാക്കുന്ന വിധം

• ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് ബദാം ചേർത്ത് വറുക്കാം. ശേഷം തണുക്കാൻ മാറ്റി വയ്ക്കാം. 
• ബദാമിൻ്റെ തൊലി കളഞ്ഞതിനു ശേഷം ചെറിയ കഷ്ണങ്ങളാക്കി മുറിക്കാം. 
• അതേ പാനിലേയ്ക്ക് ഒലിവ് ഓയിൽ ഒഴിച്ച് ജീരകം ചേർത്തു പൊട്ടിക്കാം. 
• അതിലേയ്ക്ക് ഇഞ്ചി, പച്ചമുളക് എന്നിവ ചെറുതായി അരിഞ്ഞതു ചേർത്ത് വഴറ്റാം. 
• ഇതേ സമയം കോളിഫ്ലവർ ചെറിയ കഷ്ണങ്ങളാക്കി മിക്സിയിൽ അരച്ചെടുക്കാം. 
• ഇഞ്ചിയും പച്ചമുളകും വഴറ്റിയതിലേയ്ക്ക് കോളിഫ്ലവർ ചേർത്തു വേവിക്കാം. 
• കോളിഫ്ലവർ വെന്തതിനു ശേഷം അടുപ്പിൽ നിന്നു മാറ്റാം. അതിലേയ്ക്ക് നാരങ്ങ നീരും, ചെറുതായി അരിഞ്ഞ മല്ലിയിലയും ചേർത്തിളക്കി യോജിപ്പിക്കാം. 
• അവസാനം ആവശ്യത്തിന് ഉപ്പ്, കുരുമുളകുപൊടി എന്നിവ കൂടി ചേർക്കാം. ഇതിലേയ്ക്ക് വറുത്ത ബദാം ചേർത്ത് വിളമ്പാം. 

Read More: പഞ്ഞി പോലുള്ള ചപ്പാത്തി വേണോ? മാവ് കുഴയ്ക്കുമ്പോൾ ഇത് പോലെ ചെയ്തു നോക്കൂ