ശരീരഭാരം കുറയ്ക്കാം ഒപ്പം ആരോഗ്യമുള്ള ചർമ്മം നേടാം, ഇത് സ്ഥിരമായി കുടിക്കൂ

ചപ്പാത്തിക്കും പാലപ്പത്തിനും വെജിറ്റബിൾ കറി വേണോ, എങ്കിൽ ഒപ്പം കാരറ്റ് ചേർക്കാം. അതല്ല ഒരു വെറൈറ്റി കളർഫുൾ തോരൻ വേണോ അവിടെയും കാരറ്റ് തന്നെ ഉപയോഗിക്കാം. ഇങ്ങനെ കറിയിൽ തുടങ്ങി ജ്യൂസിലും അച്ചാറിലും വരെ കാരറ്റിന് കാര്യമുണ്ട്. വലിപ്പത്തിൽ ചെറുതും വലുതുമായി ലഭ്യമായ കാരറ്റ് ആരോഗ്യ സംരക്ഷണത്തിൽ ഒട്ടും പിന്നിലല്ല എന്നതാണ് ഇത്രയധികം പ്രീതി നേടാൻ കാരണം.

Also Read: ശരീരത്തിന് ആവശ്യമായ പോഷകങ്ങളെല്ലാം ഒരു ഗ്ലാസിൽ, ഇത് കഴിക്കുന്നത് ശീലമാക്കൂ

കണ്ണിൻ്റെ ആരോഗ്യത്തിനും ചർമ്മ സംരക്ഷണത്തിനുമൊക്കെ ഇത് ഗുണപ്രദമാണ്. കുട്ടികൾക്കും മുതിർന്നവർക്കും കാരറ്റ് വിവിധ രീതിയിൽ കഴിക്കാം. അതിലൊരു ഹെൽത്തി റെസിപ്പിയാണ് കാരറ്റ് സ്മൂത്തി. 

Also Read: ഊർജ്ജവും ഉന്മേഷവും നേടാൻ ഈ സ്മൂത്തി ദിവസവും കുടിക്കൂ

വിശപ്പും ദാഹവും അകറ്റാനും, ശരീരഭാര നിയന്ത്രണത്തിനായി പിൻതുടരുന്ന ഭക്ഷണക്രമത്തിലും ഉൾപ്പെടുത്താവുന്ന ഒന്നാണിത്. സീതു രാജ് തൻ്റെ ഇൻസ്റ്റഗ്രാം പേജിലൂടെയാണ് കാരറ്റ് സ്മൂത്തി ഹെൽത്തിയായി തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• കാരറ്റ്- 1
• പഴം- 1
• ഈന്തപ്പഴം- 6
• പാൽ- 1 ഗ്ലാസ്

Also Read: ആരോഗ്യം നിലനിർത്താം ശരീരഭാരം കുറയ്ക്കാം, ദിവസവും ഇത് കഴിച്ചു നോക്കൂ

View this post on Instagram

A post shared by Seethu Raj - Rojo My Recipe World (@passion_food_nd_travel)

Also Read: പഞ്ചസാരയോ ക്രീമോ ചേർക്കേണ്ട, ഒരു കഷ്ണം വെള്ളരി ഇങ്ങനെ അരച്ചെടുക്കൂ; ഊർജ്ജവും ഉന്മേഷവും നേടാൻ മറ്റൊന്നും വേണ്ട

തയ്യാറാക്കുന്ന വിധം

• വലിയ കാരറ്റ് ഒരെണ്ണം ചെറിയ കഷ്ണങ്ങളായി അരിഞ്ഞ് വേവിക്കാം.
• അതിലേക്ക് നന്നായി പഴുത്ത ഒരു പഴം അരിഞ്ഞു ചേർക്കാം.
• ഒരു ഗ്ലാസ് പാലും, ആറ് ഈന്തപ്പഴം കുരുകളഞ്ഞ് വെള്ളത്തിൽ കുതിർത്തു വച്ചതും അതിലേക്കു ചേർത്ത് അരച്ചെടുക്കാം.
• അത് ഒരു ഗ്ലാസിലേക്കു മാറ്റി മുകളിലായി കാരറ്റ് ഗ്രേറ്റ് ചെയ്ത് ചേർക്കാം.
• ലഭ്യമെങ്കിൽ നട്സ് പൊടിച്ചെടുത്തും ചേർക്കാവുന്നതാണ്.

Read More: ഒരു കപ്പ് ഉഴുന്ന് മതി, ശരീരഭാരം കുറയ്ക്കാൻ ഇത് കഴിച്ചു നോക്കൂ