പഞ്ചസാരയോ ക്രീമോ ചേർക്കേണ്ട, ഒരു കഷ്ണം വെള്ളരി ഇങ്ങനെ അരച്ചെടുക്കൂ; ഊർജ്ജവും ഉന്മേഷവും നേടാൻ മറ്റൊന്നും വേണ്ട

മഴക്കാലമാണെങ്കിലും പുറത്തു പോയി വന്നാൽ ക്ഷീണവും തളർച്ചയുമൊക്കെ തോന്നിയേക്കാം. ഫ്രിഡ്ജിൽ നിന്ന് നല്ല തണുത്ത വെള്ളം കുടിക്കാൻ തോന്നിയേക്കാം. എന്നാൽ പകരം ഒരു ഹെൽത്തി കുക്കുമ്പർ ഡ്രിങ്ക് ആയാലോ. സാലഡ് വെള്ളരിയും, കുറച്ച്  തേങ്ങാ വെള്ളവും ചേർത്ത് തയ്യാറാക്കുന്ന ഒരു കിടിലൻ ജ്യൂസാണിത്. വേനൽക്കാലത്ത് മാത്രമല്ല ഉന്മേഷത്തിനായി ഇത് എല്ലായിപ്പോഴും ട്രൈ ചെയ്യാവുന്നതാണ്. യം റെസിപ്പി എന്ന ഇൻസ്റ്റഗ്രാം പേജാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ഊർജ്ജവും ഉന്മേഷവും മാത്രമല്ല സൗന്ദര്യവും സംരക്ഷിക്കാം, ദിവസവും ഇത് കുടിക്കൂ

ചേരുവകൾ

• കുക്കുമ്പർ-  200 ഗ്രാം
• തൈര്- 150ഗ്രാം
• മല്ലിയില-  4 ഗ്രാം
• ഉപ്പ്- 1/2 ടീസ്പൂൺ
• ഇഞ്ചി- 1/2ടീസ്പൂൺ
• പുതിനയില- 2 ഗ്രാം
• ജീരകപ്പൊടി- 1/2ടീസ്പൂൺ
• തേങ്ങാവെള്ളം- 200 മില്ലി
• കസ്കസ്- ആവശ്യത്തിന്

Also Read: ശരീരത്തിന് ആവശ്യമായ പോഷകങ്ങളെല്ലാം ഒരു ഗ്ലാസിൽ, ഇത് കഴിക്കുന്നത് ശീലമാക്കൂ

View this post on Instagram

A post shared by Yum (@yum.recipe)

Also Read: ഊർജ്ജവും ഉന്മേഷവും നേടാൻ ഈ സ്മൂത്തി ദിവസവും കുടിക്കൂ

തയ്യാറാക്കുന്ന വിധം

• 200 ഗ്രാം വെള്ളരി  കട്ടി കുറച്ച് വട്ടത്തിൽ അരിഞ്ഞെടുക്കാം.
• അതിലേയ്ക്ക് കട്ടത്തൈര്, മല്ലിയല ചെറുതായി അരിഞ്ഞത്, ചെറിയ കഷ്ണം ഇഞ്ചി, ഒരു പിടി പുതിനയില എന്നിവ ചേർക്കാം.
• ഒപ്പം അര ടീസ്പൂൺ ജീരകപ്പൊടി, ആവശ്യത്തിന് ഉപ്പ്, 200 മില്ലി തേങ്ങാവെള്ളം എന്നിവ ചേർത്ത് അരച്ചെടുക്കാം.
• ഒരു ഗ്ലാസിലേയ്ക്ക് വെള്ളത്തിൽ കുതിർത്തെടുത്ത കസ്കസ് ചേർക്കാം.
• അതിലേയ്ക്ക് അരച്ചെടുത്ത ജ്യൂസ് ഒഴിക്കാം.
• ആവശ്യമെങ്കിൽ ഐസ് ചേർത്തും ചേർക്കാതെയും​ ഇത് കുടിക്കും. 

Read More: ആരോഗ്യം നിലനിർത്താം ശരീരഭാരം കുറയ്ക്കാം, ദിവസവും ഇത് കഴിച്ചു നോക്കൂ