ശരീരത്തിന് ആവശ്യമായ പോഷകങ്ങളെല്ലാം ഒരു ഗ്ലാസിൽ, ഇത് കഴിക്കുന്നത് ശീലമാക്കൂ

പോഷകസമൃദ്ധമായ ഭക്ഷണക്രമമാണ് നിങ്ങൾക്ക് ആവശ്യം. അതിന് ഇഷ്ടപ്പെട്ട ഭക്ഷണങ്ങൾ പോഷകസമ്പന്നമാക്കാൻ ശ്രദ്ധിക്കാം. ചെറിയ കുട്ടികൾക്ക് ആദ്യഭക്ഷണമായി നൽകി തുടങ്ങുന്നത് റാഗിയാണ്. കാൽസ്യത്തിൻ്റെയും പൊട്ടാസ്യത്തിൻ്റെയും കലവറയാണ് ഈ ധാന്യം. അതിനാൽ മുതിർന്നവർക്കും ഇത് ഭക്ഷണത്തിൽ ഉൾപ്പെടുത്താം. പ്രമേഹം, കൊളസ്ട്രോൾ എന്നിവ കുറയ്ക്കുന്ന റാഗി ദഹന സഹായി കൂടിയാണ്. വിശപ്പ് ശമിപ്പിച്ച് ഭക്ഷണം അമിതമായി കഴിക്കുന്നത് ഒഴിവാക്കുന്നതിലൂടെ ശരീരഭാര നിയന്ത്രണത്തിനും റാഗി ഗുണം ചെയ്യും. കടുത്ത വേനൽക്കാലത്ത് റാഗി പോലെയുള്ള ധാന്യങ്ങൾ ശരീരത്തിൻ്റെ ആരോഗ്യ സംരക്ഷണത്തിന് ഏറെ ഗുണകരമാണ്. റാഗി ഭക്ഷണക്രമത്തിൽ ഉൾപ്പെടുത്താൻ ഒരു റെസിപ്പി പരിചയപ്പെടാം.

Also Read: ഊർജ്ജവും ഉന്മേഷവും മാത്രമല്ല സൗന്ദര്യവും സംരക്ഷിക്കാം, ദിവസവും ഇത് കുടിക്കൂ

ചേരുവകൾ

• റാഗി - 1 കപ്പ്
• വെള്ളം - 4 കപ്പ്
• ഉപ്പ് - ആവശ്യത്തിന്
• തൈര് - 1 കപ്പ് 
• ചുവന്നുള്ളി - 5-6 
• പച്ചമുളക് - 1 

Also Read: ഊർജ്ജവും ഉന്മേഷവും വീണ്ടെടുക്കാൻ ഈ ഹൽവ ശീലമാക്കൂ

തയ്യാറാക്കുന്ന വിധം

• ഒരു ബൗളിലേയ്ക്ക് ഒരു കപ്പ് റാഗിപ്പൊടി ചേർക്കാം.
• അതിലേയ്ക്ക് ഒരു കപ്പ് വെള്ളം ഒഴിച്ച് കട്ടപിടിക്കാതെ ഇളക്കിക്കൊണ്ടിരിക്കാം.
• ഒരു പാൻ അടുപ്പിൽ വയ്ക്കാം, മൂന്ന് കപ്പ് വെള്ളം അതിലേയ്ക്ക് ഒഴിച്ച് തിളപ്പിക്കാം.
• അത് തിളച്ചു കഴിയുമ്പോൾ റാഗിമാവ് ചേർത്തിളക്കാം. വെള്ളം വറ്റി കുറുകി വരുന്നതു വരെ ഇളക്കാം.
• കട്ടിയായി തുടങ്ങുമ്പോൾ തീ കുറച്ചു വയ്ക്കാം.
• ശേഷം 10 മിനിറ്റ് പാത്രം അടച്ചു വച്ച് വേവിക്കാം.
• ഇത് വെന്തു കഴിഞ്ഞാൽ ആവശ്യമായ അളവിൽ ഉപ്പ് ചേർക്കാം.
• അത് തണുക്കാൻ വയ്ക്കാം. തണുത്തു വരുമ്പോൾ ചുവന്നുള്ളി ചെറുതായി അരിഞ്ഞതും, പച്ചമുളകും, തൈരും ചേർത്ത് ഇളക്കി യോജിപ്പിക്കാം.
• ഇനി ഇത് കഴിച്ചു നോക്കൂ, ഒപ്പം അച്ചാറും കൂട്ടാവുന്നതാണ്. 

Also Read: ചുട്ടുപൊള്ളുന്ന ചൂടത്തും ഉന്മേഷം നേടാൻ റാഗി ജ്യൂസ് ശീലമാക്കൂ

ഗുണങ്ങൾ

• കാൽസ്യം, ഇരുമ്പ്, നാരുകൾ എന്നിവയാൽ സമ്പന്നമാണ് റാഗി.
• റാഗിയിൽ അടങ്ങിയിരിക്കുന്ന നാരുകൾ ദഹനത്തിനും ശരീരഭാര നിയന്ത്രണത്തിനും ഏറെ ഗുണകരമാണ്. 
• ശരീരത്തെ തണുപ്പിക്കുന്നതിന് റാഗി ഉപയോഗപ്രദമാണ്.

Read More: ഊർജ്ജവും ഉന്മേഷവും നേടാൻ ഈ സ്മൂത്തി ദിവസവും കുടിക്കൂ