ഊർജ്ജവും ഉന്മേഷവും നേടാൻ ഈ സ്മൂത്തി ദിവസവും കുടിക്കൂ

തിരക്കു പിടിച്ച ദിവസങ്ങളിൽ ശരീരത്തിന് ക്ഷീണം അനുഭവപ്പെടാറുണ്ടോ?. വിശ്രമത്തോടൊപ്പം പോഷകങ്ങളും ഈ സമയത്ത് ആവശ്യമാണ്. അതിന് ഏറ്റവും ഉചിതം റാഗിയാണ്. ധാരാളം ഇരുമ്പ്, കാൽസ്യം, പ്രോട്ടീൻ, വിറ്റാമിനുകൾ എന്നിവ അടങ്ങിയിരിക്കുന്നതിനാൽ ശരീരത്തിൻ്റെ മൊത്തത്തിലുള്ള പ്രവർത്തനത്തെ തന്നെ ഇത് സ്വാധീനിക്കും. സുനിത തൻ്റെ യൂട്യൂബ് ചാനലിലൂടെയാണ് റാഗി സ്മൂത്തി തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ചുളിവുകളും പാടുകളും ഇല്ലാത്ത ചർമ്മം സ്വന്തമാക്കാം, ഈ രണ്ട് വിത്തുകൾ ചേർത്ത വെള്ളം ദിവസവും കുടിക്കൂ

ചേരുവകൾ

• റാഗിപ്പൊടി- 2 ടേബിൾസ്പൂൺ
• വെള്ളം- 3/4 കപ്പ്
• പഴം- 1
• ഈന്തപ്പഴം- 2 എണ്ണം
• പാൽ- 1/2 കപ്പ്
• ചിയാ വിത്ത്- 1 ടേബിൾസ്പൂൺ

Also Read: ബിക്കിനി ലുക്കിൽ തിളങ്ങാൻ കിയാരയുടെ രഹസ്യക്കൂട്ട്, ദിവസവും കഴിക്കൂ

തയ്യാറാക്കുന്ന വിധം

• രണ്ട് ടേബിൾസ്പൂൺ വറുത്ത റാഗിപ്പൊടിയിലേയ്ക്ക് കാൽ കപ്പ് വെള്ളം ഒഴിച്ചിളക്കാം.
• ഒരു പാൻ അടുപ്പിൽ വെച്ച് അര കപ്പ് വെള്ളം വെച്ച് ചൂടാക്കാം.
• അത് തിളച്ചു വരുമ്പോൾ റാഗി കലക്കി വെച്ചിരിക്കുന്നത് ചേർത്ത് കുറുക്കിയെടുക്കാം.
• കുറുകി വന്ന റാഗി തണുക്കാൻ മാറ്റി വെയ്ക്കാം.
• രണ്ട് ഈന്തപ്പഴം, നന്നായി പഴുത്ത ഒരു വാഴപ്പഴം എന്നിവ ചൂട് മാറിയ റാഗിയിലേയ്ക്കു ചേർക്കാം. 
• അര കപ്പ് പാൽ, ഒരു ടേബിൾസ്പൂൺ വെള്ളത്തിൽ കുതിർത്ത ചിയാവിത്ത് എന്നിവ ചേർത്ത് അരച്ചെടുക്കുക. ഹെൽത്തി റാഗി സ്മൂത്തി റെഡി. 
  

Also Read: ഊർജ്ജവും ഉന്മേഷവും മാത്രമല്ല സൗന്ദര്യവും സംരക്ഷിക്കാം, ദിവസവും ഇത് കുടിക്കൂ

 ഗുണങ്ങൾ

• റാഗിയിൽ ധാരാളം കാൽസ്യം അടങ്ങിയിട്ടുണ്ട്. എല്ലുകളുടെയും പല്ലുകളുടെയും ആരോഗ്യത്തിന് കാൽസ്യം ആവശ്യമാണ്. 
•  റാഗിയിലെ ഇരുമ്പ് വിളർച്ച തടയാൻ സഹായിക്കും. 
• റാഗിയിൽ അടങ്ങിയിരിക്കുന്ന നാരുകൾ ദഹനാരോഗ്യത്തിനും രക്തത്തിലെ പഞ്ചസാരയുടെ അളവ് നിയന്ത്രിച്ചു നിർത്തുന്നതിനും നല്ലതാണ്.
• ഒപ്പം നാരുകൾ ശരീരഭാരനിയന്ത്രണത്തിനും ഗുണകരമായി പ്രവർത്തിക്കും. 
• കാർബോഹൈഡ്രേറ്റ് ധാരാളമായി അടങ്ങിയിട്ടുണ്ട്, ഇത് ശരീരത്തിന് ഊർജ്ജം നൽകുന്നു
• ആൻ്റി ഓക്സിഡൻ്റുകളുടെ സമ്പന്നമായ ഉറവിടമായതിനാൽ ഇത് ചർമ്മ സംരക്ഷണത്തിനും ഗുണകരമാണ്.

Read More: ഊർജ്ജവും ഉന്മേഷവും വീണ്ടെടുക്കാൻ ഈ ഹൽവ ശീലമാക്കൂ