മധുരം കുറച്ച് ആരോഗ്യം കൂട്ടി കിടിലൻ ലഡ്ഡു കഴിക്കാം, ഇനി പ്രമേഹ പേടി വേണ്ട

മധുരപലഹാരങ്ങളോട് ഇഷ്ടമല്ലാത്തവർ ആരുണ്ട്?. ആഘോഷവേളകളും, സന്തോഷ നിമിഷങ്ങളും പരസ്പരം പങ്കുവെയ്ക്കാൻ ലഡ്ഡുവും, ജിലേബിയും തന്നെ വേണം. എപ്പോഴെങ്കിലും വീട്ടിൽ ഇവ തയ്യാറാക്കാൻ ശ്രമിച്ചിട്ടുണ്ടോ?. ധാരാളം പഞ്ചസാരയും, എണ്ണയും പാചകത്തിനു വേണ്ടി വന്നേക്കാം എന്നതാണ് പലരുടേയും ആശങ്ക. എന്നാൽ ഇനി പഞ്ചസാര ചേർക്കാതെ കിടിലൻ രുചിയിൽ സോഫ്റ്റ് ലഡ്ഡു വീട്ടിൽ തയ്യാറാക്കാം.

Also Read: 3 ചേരുവകൾ, 5 മിനിറ്റ്; ഈ ഒരു കിഴങ്ങുണ്ടെങ്കിൽ ഇനി രുചികരമായ സ്നാക്ക് തയ്യാറാക്കാം

ചേരുവകൾ

• ചെറുപയർ പരിപ്പ്- 1 കപ്പ്
• നെയ്യ്- ആവശ്യത്തിന്
• ചക്കര- 200 ഗ്രാം
• ഏലയ്ക്ക- 1 ടീസ്പൂൺ
• എള്ള്- 1 ടേബിൾസ്പൂൺ

Also Read: വെറും 2 ചേരുവ മതി, 5 മിനിറ്റിൽ തയ്യാറാക്കാം കിടിലൻ സ്നാക്ക്

തയ്യാറാക്കുന്ന വിധം

• ഒരു കപ്പ് ചെറുപയർ പരിപ്പ് ഒരു രാത്രി വെള്ളത്തിൽ കുതിർത്തു വെയ്ക്കുക. അത് അരച്ചെടുക്കാം.
• ഒരു പാൻ അടുപ്പിൽ വെച്ച് അൽപ്പം നെയ്യ് പുരട്ടി ചെറുപയർ അരച്ചതിൽ നിന്നും അൽപം ഒഴിച്ചു ചുട്ടെടുത്ത് ചൂടാറിയതിനു ശേഷം പൊടിച്ചെടുക്കാം. 

Also Read: എളുപ്പത്തിലുണ്ടാക്കാം കിടിലൻ പൊരിച്ച പത്തിരി, ബാക്കി വന്ന ചോറ് മതി

• അടി കട്ടിയുള്ള ഒരു പാത്രം അടുപ്പിൽ വെച്ച് 200 ഗ്രാം ചക്കരയിൽ അൽപ്പം വെള്ളം ഒഴിച്ച് അലിയിക്കാം.
• പൊടിച്ചെടുത്ത ചെറുപയർ പരിപ്പിലേക്ക് ഒരു ടീസ്പൂൺ ഏലയ്ക്ക പൊടിച്ചതും ഒരു ടേബിൾ സ്പൂൺ വെളുത്ത എള്ളും ചേർത്തിളക്കാം.
• അലിയിച്ചെടുത്ത ചക്കര കുറച്ചു വീതം ചേർത്തിളക്കി യോജിപ്പിക്കുക. കൈ ഉപയോഗിച്ച് ഉരുട്ടിയെടുക്കാം. 

Read More: ഒരു തുള്ളി എണ്ണ പോലും വേണ്ട, ഇനി ക്രിസ്പി വട ഇങ്ങനെ തയ്യാറാക്കാം