ദിവസം മുഴുവൻ ഊർജ്ജവും ഉന്മേഷവും നിലനിർത്താം, ബ്രേക്ക്ഫാസ്റ്റിനൊപ്പം ഇത് കുടിക്കൂ

കുട്ടികൾക്ക് ആദ്യ ഭക്ഷണമായി കൊടുത്തു തുടങ്ങുന്നത് റാഗി അഥവ പഞ്ഞപ്പുല്ലാണ്. കാൽസ്യം പൊട്ടാസ്യം എന്നിവയുടെ സമ്പന്നമായ ഉറവിടമാണ് ഈ ധാന്യം. കുട്ടികൾക്കു മാത്രമല്ല ആരോഗ്യം മെച്ചപ്പെടുത്താൻ മുതിർന്നവർക്കും ഇത് കഴിക്കുന്നത് ശീലമാക്കാം.

Also Read: ദിവസം തുടങ്ങാം ഉന്മേഷത്തോടെ ഒപ്പം ശരീരഭാരവും നിയന്ത്രിക്കാം; ബ്രേക്ക്ഫാസ്റ്റിനൊപ്പം ഇത് കുടിക്കൂ

പ്രമേഹം, കൊളസ്ട്രോൾ, എന്നിവ കുറയ്ക്കുന്നതു കൂടാതെ ദഹന സഹായി കൂടിയാണിത്. മലബന്ധം, വയറു വീർക്കൽ എന്നിങ്ങനെ ദഹന സംബന്ധമായ പ്രശ്നങ്ങൾ തടയാൻ ഇത് ഫലപ്രദമാണ്. വിശപ്പ് ശമിപ്പിച്ച് ഭക്ഷണം അമിതായി കഴിക്കുന്നത് ഒഴിവാക്കുന്നതിലൂടെ ശരീരഭാര നിയന്ത്രണത്തിനും റാഗി ഗുണം ചെയ്യും. എങ്കിലിനി റാഗി ഉപയോഗിച്ച് ഒരു ജ്യൂസ് തയ്യാറാക്കിയാലോ?. സ്കിന്ന് റെസിപ്പീസ് എന്ന യൂട്യൂബ് ചാനലാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ഹൃദയാരോഗ്യം മെച്ചപ്പെടുത്താം ശരീരഭാരം നിയന്ത്രിക്കാം, ഇങ്ങനൊരു പുഡ്ഡിംഗ് ട്രൈ ചെയ്യൂ

ചേരുവകൾ

• റാഗി
• തേങ്ങ 
• ശർക്കര
• ഏലയ്ക്ക
• വെള്ളം 
• കശുവണ്ടി 
• ബദാം 

Also Read: ഊർജ്ജവും ഉന്മേഷവും ആരോഗ്യവും നേടാം, ഈ എനർജി ഡ്രിങ്ക് കുടിക്കൂ

Also Read: കുറഞ്ഞ സമയത്തിൽ കൂടുതൽ രുചികരമായ വിഭവങ്ങൾ തയ്യാറാക്കാം, ഇനി കൂൺ കിട്ടിയാൽ ഈ റെസിപ്പികൾ ട്രൈ ചെയ്യൂ

തയ്യാറാക്കുന്നവിധം

• അടി കട്ടിയുള്ള ഒരു പാത്രത്തിൽ റാഗിയെടുക്കാം. 
• തുടർന്ന് റാഗി കുറഞ്ഞ ഫ്ലെയ്മിൽ നാല് മുതൽ അഞ്ചു മിനിറ്റു വരെ അടുപ്പിൽ വെച്ച് വറുത്തെടുക്കാം.
• വറുത്തെടുത്ത റാഗി വെള്ളത്തിൽ കഴുകിയെടുത്ത് മിക്സി ജാറിലേയ്ക്കു മാറ്റാം.
• അതിലേയ്ക്ക് ഒരു പിടി തേങ്ങ ചിരകിയത്, മധുരത്തിനാവശ്യമായ ശർക്കര, നാല് ഏലയ്ക്ക മുക്കാൽ കപ്പ് വെള്ളം എന്നിവ കൂടി ചേർത്തു നന്നായി ബ്ലെൻ്റ് ചെയ്യാം.
• ബ്ലെൻ്റ് ചെയ്തെടുത്ത റാഗി മറ്റൊരു പാത്രത്തിലേയ്ക്ക് കുറച്ചു വെള്ളംകൂടി ചേർത്തു മൂന്നു തവണയായി അരിച്ചെടുത്തുവെയ്ക്കാം.
• വെള്ളത്തിൽ കുതിർത്തു വെച്ചിരുന്ന പത്തു കശുവണ്ടി, ബദാം എന്നിവ മിക്സിയിൽ അരച്ചെടുത്ത് ജ്യൂസിലേയ്ക്കു ചേർക്കാം.
• തണുപ്പിച്ചോ അല്ലാതെയോ കുടിക്കാം ഈ ഹെൽത്തി റാഗി ജ്യൂസ്.

Read More: രോഗപ്രതിരോധ ശേഷി കൂട്ടാം, ദിവസവും രാവിലെ ഇത് ഒരു ഗ്ലാസ് കുടിക്കൂ