ആരോഗ്യവും സൗന്ദര്യവും ഒറ്റ ജ്യൂസിൽ, ദിവസവും രാവിലെ ഇത് കുടിക്കൂ

ആരോഗ്യത്തെ ഏറ്റവും അധികം ബാധിക്കുന്നത് ജലാംശത്തിൻ്റെ നഷ്ടമാണ്. ശരീരത്തിലെ ജലാംശം നിലനിർത്താൻ ധാരാളം വെള്ളം കുടിക്കണം. എന്നാൽ പകരം ഒരു ഹെൽത്തി കുക്കുമ്പർ ഡ്രിങ്ക് ആയാലോ. സാലഡ് വെള്ളരിയും, അൽപ്പം തേങ്ങാ വെള്ളവും ചേർത്ത് തയ്യാറാക്കുന്ന ഒരു കിടിലൻ കൂൾ ഡ്രിങ്കാണിത്. വേനൽക്കാലത്ത് മാത്രമല്ല ഊന്മേഷത്തിനായി ഇത് എല്ലായിപ്പോഴും ട്രൈ ചെയ്യാവുന്നതാണ്. യം റെസിപ്പീസ് എന്ന യൂട്യൂബ് ചാനലാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ഊർജ്ജവും ഉന്മേഷവും ആരോഗ്യവും നേടാം, ഈ എനർജി ഡ്രിങ്ക് കുടിക്കൂ

ചേരുവകൾ

• കുക്കുമ്പർ-  200 ഗ്രാം
• തൈര്- 150ഗ്രാം
• മല്ലിയില-  4 ഗ്രാം
• ഉപ്പ്- 1/2 ടീസ്പൂൺ
• ഇഞ്ചി- 1/2ടീസ്പൂൺ
• പുതിനയില- 2 ഗ്രാം
• ജീരകപ്പൊടി- 1/2ടീസ്പൂൺ
• തേങ്ങാവെള്ളം- 200 മില്ലി
• കസ്കസ്- ആവശ്യത്തിന്

Also Read: കഠിനമായ ഡയറ്റുകൾ വേണ്ട, ശരീരഭാര നിയന്ത്രണത്തിന് ദിവസവും ഒരു നേരം ഇത് കഴിക്കൂ

Also Read: രോഗപ്രതിരോധ ശേഷി കൂട്ടാം, ദിവസവും രാവിലെ ഇത് ഒരു ഗ്ലാസ് കുടിക്കൂ

തയ്യാറാക്കുന്ന വിധം

• 200ഗ്രാം കുക്കുമ്പർ വട്ടത്തിൽ  അരിഞ്ഞതിലേയ്ക്ക് 150 ഗ്രാം തൈര്, നാല് ഗ്രാം മല്ലിയില, അര ടീസ്പൂൺ ഉപ്പ്, ചെറിയ ഇഞ്ചി കഷ്ണം, രണ്ട് ഗ്രാം പുതിനയില, അര ടീസ്പൂൺ ജീരകപ്പൊടി, 200 മില്ലി തേങ്ങാവെള്ളം എന്നിവയൊഴിച്ച് അരച്ചെടുക്കാം.
• ഒരു ഗ്ലാസിൽ വെള്ളത്തിൽ കുതിർത്ത കസ്കസ് ചേർത്ത് അരച്ചെടുത്ത ജ്യൂസ് ഒഴിച്ച് അൽപ്പം ഐസ് കൂടി ചേർത്ത് കുടിക്കാം.
• ജ്യൂസ് അരച്ചെടുക്കുന്ന സമയത്തു തന്നെ ഐസ് ഇട്ടാലും മതിയാകും. 

Read More: ദിവസം മുഴുവൻ ഊർജ്ജവും ഉന്മേഷവും നിലനിർത്താം, ബ്രേക്ക്ഫാസ്റ്റിനൊപ്പം ഇത് കുടിക്കൂ