വെണ്ണ പോലുള്ള ഈ പഴം ഒറ്റക്കാഴ്ചയിൽ തന്നെ കൊതിപ്പിക്കും

മലയാളികൾക്കിടയിൽ ജനപ്രിയമായ  പലഹാരമാണ് പഴംപൊരി. നന്നായി പഴുത്ത നേന്ത്രൻ മാവിൽ മുക്കി എണ്ണയിലോ നെയ്യിലോ ക്രിസ്പിയായി വറുത്തെടുക്കുന്നതാണ് അതിൻ്റെ റെസിപ്പി. എന്നാൽ ഇത്രയൊന്നും ഇല്ലാതെ തന്നെ നാവിൽ വെള്ളമൂറുന്ന രുചിയിൽ ഒരു സ്വീറ്റ് പലഹാരം റെഡിയാക്കാം. അതിലും നേന്ത്രപ്പഴം തന്നെ താരം. ലക്ഷ്മി തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: നാവിലലിയും ഇത്തിരി കുഞ്ഞൻ പൈനാപ്പിൾ കേക്ക്, മൈദയും മുട്ടയുമില്ലാതെ ഉണ്ടാക്കാം

ചേരുവകൾ

• നെയ്യ്
• ഏലയ്ക്ക്
• ശർക്കര
• നേന്ത്രപ്പഴം

Also Read: എത്ര കഴിച്ചാലും മതിവരില്ല ഈ സ്വീറ്റ് കട്ലറ്റ്

View this post on Instagram

A post shared by Lekshmy Mohan (@lolas_food_expeditions)

Also Read: പഞ്ചസാര വേണ്ടേ വേണ്ട, 3 ചേരുവകൾ കൊണ്ട് മിനിറ്റുകൾക്കുള്ളിൽ ലഡ്ഡു

തയ്യാറാക്കുന്ന വിധം

• അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് നെയ്യ് ചേർക്കാം.
• നെയ്യ് ഉരുകി ചൂടായി കഴിയുമ്പോൾ രണ്ടായി പിളർന്ന നേന്ത്രപ്പഴം അതിലേയ്ക്കു വച്ചു വേവിക്കാം.
• ഇരുവശങ്ങളും വെന്തു കഴിയുമ്പോൾ മുകളിലേയ്ക്ക് ഏലയ്ക്ക പൊടിച്ചും, ശർക്കര പൊടിച്ചതും ചേർക്കാം.
• ശേഷം അടുപ്പണച്ച് മറ്റൊരു പാത്രത്തിലേയ്ക്കു മാറ്റാം. ഇത് ചൂടോടെ തന്നെ കഴിച്ചു നോക്കൂ.

Also Read: മൈദയും ഗോതമ്പും വേണ്ടാത്ത ഈ ഉണ്ണിയപ്പം അൽപം വെറൈറ്റിയാണ് ഹെൽത്തിയും

ഇക്കാര്യങ്ങൾ ശ്രദ്ധിക്കാം

• നെയ്യില്ലെങ്കിൽ വെളിച്ചെണ്ണയിലോ വെണ്ണയിലോ ഇത് വറുക്കാം. 
• ശർക്കരയ്ക്കു പകരം പഞ്ചസാരയും ഉപയോഗിക്കാം. 
• മധുരം അധികം ആവശ്യമില്ലെങ്കിൽ ശർക്കരയോ പഞ്ചസാരയോ ചേർക്കേണ്ട.
• ഇത് ചൂടോടെ കഴിക്കുന്നതാണ് രുചികരം. 
• പഴത്തിൽ അമിതമായുള്ള എണ്ണ മയം നീക്കം ചെയ്യുന്നതിന് ടിഷ്യൂ പേപ്പർ ഉപയോഗിക്കാം. 
• കൊളസ്ട്രോൾ, പ്രമേഹം എന്നിവ ഉള്ള ആളുകൾ ഇത് അമിതമായി കഴിക്കരുത്.

Read More: 1 കപ്പ് അരിപ്പൊടി കൊണ്ട് വയറും മനസും നിറയ്ക്കാം