നാവിലലിയും ഇത്തിരി കുഞ്ഞൻ പൈനാപ്പിൾ കേക്ക്, മൈദയും മുട്ടയുമില്ലാതെ ഉണ്ടാക്കാം

കേക്ക് ഇഷ്ടമല്ലിത്തവരുണ്ടോ? വിശേഷ ദിവസങ്ങളിൽ മാത്രമല്ല കൊതിതോന്നുമ്പോളൊക്കെ ഇനി കേക്ക് മതിവരുവോളം കഴിക്കാം. അതിന് ബേക്കറിയിൽ പോയി വാങ്ങേണ്ടതില്ല, വീട്ടിൽ തയ്യാറാക്കാം. കേക്ക് ബേക്ക് ചെയ്തെടുക്കാൻ ഓവനില്ലെന്ന വിഷമം വേണ്ട. ഉണ്ണിയപ്പ ചട്ടിയിലോ ഇഡ്ഡലി പാത്രത്തിലോ വളരെ എളുപ്പം അത് റെഡിയാക്കാം. ആതിര തൻ്റെ ഇൻസ്റ്റഗ്രാം പേജിലൂടെ ഒരു കിടിലൻ പൈനാപ്പിൾ കേക്ക് റെസിപ്പി പരിചയപ്പെടുത്തുന്നു. 

ചേരുവകൾ

• നെയ്യ്
• ശർക്കര
• ബേക്കിങ് സോഡ
• പൈനാപ്പിൾ
• ഓട്സ്
• ഗോതമ്പ് പൊടി
• എണ്ണ
• പഴം
• വാനില എസെൻസ്
• ഈന്തപ്പഴം
• പാൽ

Also Read: ശരീരഭാരം നിയന്ത്രിക്കാം ഒപ്പം രുചികരമായ പലഹാരവും കഴിക്കാം, കാരറ്റ് ഉപയോഗിച്ച് ഈ ഹെൽത്തി സ്നാക് തയ്യാറാക്കി നോക്കൂ

View this post on Instagram

A post shared by Aathira Sethumadhavan (@aathirasethumadhavan)

Also Read: ഒരു കപ്പ് അരിപ്പൊടി ഉണ്ടെങ്കിൽ ഇനി ആരും കൊതിക്കുന്ന ബ്രേക്ക്ഫാസ്റ്റ് റെഡി

തയ്യാറാക്കുന്ന വിധം

• രണ്ടു ടീസ്പൂൺ ശർക്കര, അര കപ്പ് ഓട്സ്, അരകപ്പ് ഗോതമ്പ് പൊടി, എണ്ണ, തൈര്, നന്നായി പഴുത്ത ചെറിയ പഴം രണ്ടെണ്ണം, കുരു കളഞ്ഞെടുത്ത ഈന്തപ്പഴം രണ്ടെണ്ണം, ഒന്നു മുതൽ രണ്ടു ടീസ്പൂൺ വാനില എസ്സെൻസ്, അര കപ്പ് പാൽ എന്നിവ അരച്ച് ഒരു ബൗളിലേയ്ക്കു മാറ്റാം.
• ഇതിലേയ്ക്ക് ഒരു ടീസ്പൂൺ ബേക്കിങ് സോഡ ചേർത്തിളക്കി അഞ്ചു മിനിറ്റ് മാറ്റി വെയ്ക്കാം.
• ഉണ്ണിയപ്പം തയ്യാറാക്കുന്ന പാൻ അടുപ്പിൽ വെച്ച് അൽപ്പം നെയ്യ് പുരട്ടി ചൂടാക്കാം.
•  മാറ്റി വെച്ചിരിക്കുന്ന മാവ് ആവശ്യത്തിന് അതിലേയ്ക്കു ഒഴിച്ച് ഇരു വശങ്ങളും വേവിച്ചെടുക്കാം.
• കുറഞ്ഞ തീയിൽ അഞ്ചോ ആറോ മിനിറ്റു മാത്രം വേവിക്കാം.
• ചൂടോടെയോ തണുപ്പിച്ചോ കഴിക്കാൻ​ ബെസ്റ്റാണ് ഈ സിംപിൾ കേക്ക്.

Also Read: ബാക്കി വന്ന ബ്രെഡ് കൊണ്ട് 10 മിനിറ്റിൽ പോപ് കോൺ തയ്യാറാക്കാം

ഇക്കാര്യങ്ങൾ ശ്രദ്ധിക്കാം

• തയ്യാറാക്കിയ മാവ് ചെറിയ ഗ്ലാസിലോ പാത്രത്തിലോ മാറ്റി ഇഡ്ഡലി തട്ടിൽ വച്ച് ആവിയിൽ വേവിച്ചെടുക്കുകയും ചെയ്യാം. 
• കേക്കിനുള്ള മാവ് തയ്യാറാക്കി 10 മിനിറ്റ് മാറ്റി വയ്ക്കാം.
• ശർക്കരയ്ക്കു പകരം ഇതിൽ പഞ്ചസാര പൊടിച്ചതു ചേർക്കാം. 
• ഈന്തപ്പഴം ലഭ്യമാണെങ്കിൽ ചേർത്താൽ മതിയാകും. 

Read More: ഓവനും ക്രീമും വേണ്ട, ഇനി പഞ്ഞികെട്ടു പോലുള്ള സോഫ്റ്റ് കേക്ക് ഇഡ്ഡലി തട്ടിലും തയ്യാറാക്കാം