ഒരു കപ്പ് അരിപ്പൊടി ഉണ്ടെങ്കിൽ ഇനി ആരും കൊതിക്കുന്ന ബ്രേക്ക്ഫാസ്റ്റ് റെഡി

പാൻകേക്ക് കഴിച്ചിട്ടുണ്ടോ?. മൈദയും മുട്ടയും ചേർത്ത് പാൻകേക്ക് തയ്യാറാക്കാൻ ഇനി ബുദ്ധിമുട്ടേണ്ട. വീട്ടിലുള്ള അരിപ്പൊടിയും ശർക്കരയും മാത്രം മതി രുചികരമായ പാൻകേക്ക് തയ്യാറാക്കാൻ. കുട്ടികൾക്കിത് ഉറപ്പായും ഇഷ്ട്ടപ്പെടും. മൈ ഫുഡ്മിൽ എന്ന യൂ ട്യൂബ് ചാനലാണ് ഈ പാൻകേക്ക് തയ്യാറാക്കുന്നവിധം പരിചയപ്പെടുത്തി തരുന്നത്.

ചേരുവകൾ

• ശർക്കര
• വെള്ളം
• പഴം
• അരിപ്പൊടി
• തേങ്ങ
• ഏലയ്ക്കാപ്പൊടി
• എള്ള്
• ബേക്കിങ് പൗഡർ

തയ്യാറാക്കുന്നവിധം

• അരക്കപ്പ് വെള്ളം പാനിലേയ്ക്കെടുത്ത് അടുപ്പിൽവെയ്ക്കുക. ഒന്നര കപ്പ് ശർക്കര അതിലേയ്ക്കു ചേർത്ത് അലിയിച്ചെടുത്തു തണുക്കാൻ മാറ്റി വെയ്ക്കാം.
• രണ്ടു പഴം തൊലി കളഞ്ഞ് നന്നായി ഉടച്ചതിലേയ്ക്ക് ഒന്നേകാൽ കപ്പ് അരിപ്പൊടിയും അരകപ്പ് തേങ്ങാചിരകിയതും ചേർത്ത് ഇളക്കാം.
• അതിലേയ്ക്ക് അര ടീസ്പൂൺ ഏലയ്ക്കാപ്പൊടിയും, ഒരു ടേബിൾ സ്പൂൺ ഏള്ള്, ഒരു ടീസ്പൂൺ ബേക്കിങ് പൗഡർ, തയ്യാറാക്കി വെച്ചിരിക്കുന്ന ശർക്കരലായനി എന്നിവ ചേർത്തു നന്നായി ഇളക്കുക. പാൻ അടുപ്പിൽവെച്ച് അൽപ്പം നെയ്യ് പുരട്ടി  ആവശ്യത്തിനു മാവ് ഒഴിച്ച് ചുട്ടെടുക്കാം പാൻകേക്ക്.

Also Read: രാവിലെയോ രാത്രിയോ ഇനി ഇത് മതി, ദോശയും ചപ്പാത്തിയും മാറി നിൽക്കുന്ന രുചിയാണ്

മുട്ട ചേർത്തുള്ള പാൻ കേക്ക്

• സാധാരണ മുട്ട, പാൽ, വെണ്ണ, മൈദ, പഴം എന്നിവയൊക്കെ ഉപയോഗിച്ചാണ് ഇതു തയ്യാറാക്കുന്നത്.
• എന്നാൽ മൈദയ്ക്കു പകരം ബാക്കി വന്ന ബ്രെഡും നന്നായി പഴുത്ത നേന്ത്രപ്പഴവും ഉണ്ടെങ്കിൽ പിന്നെ കിടിലൻ പാൻ കേക്ക് തയ്യാറാക്കാം.
• രാവിലത്തെ ഭക്ഷണം കഴിക്കാൻ മടികാണിക്കുന്ന കുട്ടികൾ ഇത് ചോദിച്ച് വാങ്ങി കഴിക്കും.
• ഫാത്തിമ തൻ്റെ ഇൻസ്റ്റഗ്രാം പേജിലൂടെയാണ് പാൻ കേക്ക് റെസിപ്പി പരിചയപ്പെടുത്തി തരുന്നത്. 

ചേരുവകൾ

• പഴം - 1 എണ്ണം
• മുട്ട - 1 എണ്ണം
• ബ്രെഡ് പൊടിച്ചത് - 2 എണ്ണം
• പഞ്ചസാര- 3/4 ടീസ്പൂൺ
• ഈന്തപ്പഴം- ആവശ്യത്തിന്
• നെയ്യ്- 1/2 ടീസ്പൂൺ

Also Read: ശരീരഭാരം നിയന്ത്രിക്കാം ഒപ്പം രുചികരമായ പലഹാരവും കഴിക്കാം, കാരറ്റ് ഉപയോഗിച്ച് ഈ ഹെൽത്തി സ്നാക് തയ്യാറാക്കി നോക്കൂ

View this post on Instagram

A post shared by Fathima Thabli Arakkal (@cook_quick_insta)

Also Read: ഓവനും ക്രീമും വേണ്ട, ഇനി പഞ്ഞികെട്ടു പോലുള്ള സോഫ്റ്റ് കേക്ക് ഇഡ്ഡലി തട്ടിലും തയ്യാറാക്കാം

തയ്യാറാക്കുന്ന വിധം

• നന്നായി പഴുത്ത ഒരു പഴം തൊലി കളഞ്ഞെടുക്കാം.
• അതിലേക്ക് ഒരു മുട്ട പൊട്ടിച്ചൊഴിക്കുക.
• മുക്കാൽ ടീസ്പൂൺ പഞ്ചസാര കൂടി ഇതിലേയ്ക്ക് ചേർത്ത് അരച്ചെടുക്കാം.
• രണ്ട് ബ്രെഡ് പൊടിച്ചതും, കുരുകളഞ്ഞെടുത്ത​ ഈന്തപ്പഴവും ചേർത്ത് ഒരിക്കൽ കൂടി അരയ്ക്കാം.
• ഒരു പാൻ അടുപ്പിൽ വച്ച് അര ടീസ്പൂൺ നെയ്യ് പുരട്ടി മാവിൽ നിന്നും ആവശ്യത്തിന് ഒഴിച്ച് ഇരുവശവും ചുട്ടെടുക്കാം.
• തേൻ, ഷുഗർ സിറപ്പ്, മേപ്പിൾ സിറപ്പ് എന്നിവയ്ക്കൊപ്പം കഴിച്ചു നോക്കൂ. 

Read More: മത്തങ്ങയും 2 മുട്ടയും മതി ബ്രേക്ക്ഫാസ്റ്റ് കഴിക്കാൻ ഇനി ആരും കൊതിച്ചു പോകും