ഓവനും ക്രീമും വേണ്ട, ഇനി പഞ്ഞികെട്ടു പോലുള്ള സോഫ്റ്റ് കേക്ക് ഇഡ്ഡലി തട്ടിലും തയ്യാറാക്കാം

പലഹാര പ്രിയരാണോ?. കുട്ടികൾക്കു മാത്രമല്ല വൈകിട്ട് ചായക്കൊപ്പം പലഹാരം എല്ലാവരും ആഗ്രഹിച്ചു പോകും. മഴക്കാലമാണെങ്കിൽ പറയുകയേ വേണ്ട, ചൂടു ചായക്കൊപ്പം എന്തു പലഹാരം വേണമെന്ന ചിന്തയാകും എല്ലാവർക്കും. എന്നാലങ്ങനെ ആഗ്രഹിച്ചിരിക്കേണ്ട. ഗോതമ്പ് പൊടിയും മുട്ടയും ഉണ്ടെങ്കിൽ വെറും അഞ്ചു മിനിറ്റിൽ ഒരു മിനി കേക്ക് തന്നെ തയ്യാറാക്കാം. വളരെ കുറച്ചു ചേരുവകൾ മാത്രം മതി. ഗോതമ്പ് പൊടി ഇല്ലെങ്കിൽ മൈദ ഉപയോഗിച്ചും ഇതിൻ്റെ മാവ് തയ്യാറാക്കാം. മുട്ടയോടൊപ്പം അൽപ്പം കാരറ്റ് കൂടി ചേർക്കുന്നതിനാൽ ഹെൽത്തിയായിരിക്കും എന്നതിൽ സംശയം വേണ്ട.

Also Read: ഉഴുന്ന് ചേർക്കേണ്ട, പൂപോലുള്ള ദോശ ഇങ്ങനെ ചുട്ടെടുക്കൂ

റിസ്വാന തൻ്റെ ഇൻസ്റ്റഗ്രാം പേജിലൂടെയാണ് ഈ മിനി കേക്ക് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• പഞ്ചസാര
• മുട്ട
• വെള്ളം
• യീസ്റ്റ്
• ഗോതമ്പ് പൊടി
• കാരറ്റ്
• വാനില എസെൻസ്
• നെയ്യ്

Also Read: 5 മിനിറ്റിൽ ബ്രേക്ക്ഫാസ്റ്റ് റെഡി, ഒരു കപ്പ് റവയും തേങ്ങയും മതി

View this post on Instagram

A post shared by Riswana Nilambur (@evasworld_risunilambur)

തയ്യാറാക്കുന്ന വിധം

• ഒരു ബൗളിലേയ്ക്ക് രണ്ട് മുട്ട പൊട്ടിച്ചൊഴിക്കാം.
• അതിലേയ്ക്ക് അര കപ്പ് പഞ്ചസാര, ഒരു ടീസ്പൂൺ യീസ്റ്റ്, അര കപ്പ് ചെറു ചൂടൂവെള്ളം എന്നിവ ചേർത്ത് നന്നായി ഇളക്കാം.
• ഒരു കപ്പ് ഗോതമ്പ് പൊടി, അൽപ്പം ഉപ്പ്, ഒരു ടീസ്പൂൺ വാനില എസൻസ്, ഒരു കാരറ്റ് ഗ്രേറ്റ് ചെയ്തത് എന്നിവ കൂടി ചേർത്തിളക്കി മാവ് തയ്യാറാക്കി ഒരു മണിക്കൂർ മാറ്റി വെയ്ക്കാം.
• ചെറിയ ഗ്ലാസിലോ, ഇഡ്ഡലി പാത്രത്തിലോ നെയ്യ് പുരട്ടി മാവൊഴിച്ച് വേവിച്ചെടുക്കാം.

Also Read: രാവിലെയോ രാത്രിയോ ഇനി ഇത് മതി, ദോശയും ചപ്പാത്തിയും മാറി നിൽക്കുന്ന രുചിയാണ്

ഇക്കാര്യങ്ങൾ ശ്രദ്ധിക്കാം

• മുട്ടയ്ക്കു പകരം മൈദ ഉപയോഗിക്കാം
• കേക്ക് രുചികരമാക്കാൻ കാരറ്റ് പോലെയുള്ളവ അരച്ചതു കൂടി മാവിലേയ്ക്കു ചേർക്കാം. 
• ആവിയിൽ വേവിക്കുന്നതിനാൽ പൂർണമായും വെന്തു എന്ന് ഉറപ്പാക്കിയതിനു ശേഷം മാത്രം അടുപ്പിൽ നിന്നും മാറ്റാം. 
• ആവിയിൽ കുറഞ്ഞ തീയിൽ വേവിക്കുന്നതാണ് ഉത്തമം.

Read More: തൂവെള്ള നിറത്തിലുള്ള സോഫ്റ്റ് വട്ടയപ്പം വേണോ? ഇത്രമാത്രം ചെയ്താൽ മതി