ഈ മസാല മാത്രം മതി, ഇനി ഫിഷ് ഫ്രൈ കിടിലനാകും

മീൻ കറി വെയ്ക്കാനും വറുത്തെടുക്കാനും സ്പെഷ്യൽ റെസിപ്പികൾ ഉണ്ട്. തയ്യാറാക്കാനെടുക്കുന്ന ചേരുവകളിലാണ് മീൻ​ വിഭവങ്ങളുടെ രുചി. എന്നാലിനി അൽപ്പം അയല കിട്ടിയാൽ ക്രിസ്പ്പിയും രുചികരവുമായ ഒരു മസാലക്കൂട്ട് തയ്യാറാക്കി വറുത്തെടുക്കൂ. ഹൃദയാരോഗ്യത്തിന് സഹായിക്കുന്ന ഒമേഗ ഫാറ്റി ആസിഡിൻ്റെയും, നല്ല കൊളസ്ട്രോളിൻ്റെയും മികച്ച ഉറവിടമാണ് അയല. ഷിജോ ജോൺ തൻ്റെ ഇൻസ്റ്റഗ്രാം പേജിലൂടെ അയല ഫ്രൈ രുചികരമായി തയ്യാറാക്കുന്ന വിധം പരിചയപ്പെടുത്തി തരുന്നു.

Also Read: ആരോഗ്യകരമായി ശരീരഭാരം കുറയ്ക്കാം; ബ്രേക്ക്ഫാസ്റ്റിലേയ്ക്ക് ഇതു കൂടി ചേർക്കൂ

ചേരുവകൾ

• അയല 
• നെല്ലിക്ക
• ഇഞ്ചി 
• വെളുത്തുള്ളി 
• പച്ചമുളക് 
• മുളകുപൊടി
• കുരുമുളക്
• മഞ്ഞൾപ്പൊടി
• ഉപ്പ് 
• കറിവേപ്പില

Also Read: മുട്ടത്തോരൻ രുചികരവും കൂടുതൽ പോഷകസമൃദ്ധവുമാക്കാം, ഈ ഇല കൂടി ചേർക്കൂ

View this post on Instagram

A post shared by Shijo John (@shijo_jhon)

Also Read: കുറഞ്ഞ സമയത്തിൽ കൂടുതൽ രുചികരമായ വിഭവങ്ങൾ തയ്യാറാക്കാം, ഇനി കൂൺ കിട്ടിയാൽ ഈ റെസിപ്പികൾ ട്രൈ ചെയ്യൂ
തയ്യാറാക്കുന്ന വിധം

• നാല് അയല നന്നായി കഴുകി വൃത്തിയാക്കി വരഞ്ഞുവെയ്ക്കാം.
• രണ്ടു നെല്ലിക്ക, ഒരു ചെറിയ കഷ്ണം ഇഞ്ചി, വെളുത്തുള്ളിയുടെ നാലോ അഞ്ചോ അല്ലി, രണ്ടു പച്ചമുളക്, കാൽ ടീസ്പൂൺ മഞ്ഞൾപ്പൊടി, കുറച്ചു മുളകുപൊടി, അൽപ്പം കുരുമുളക്, ആവശ്യത്തിന് ഉപ്പ്, കറിവേപ്പില എന്നിവ അരച്ചെടുക്കാം.
• ശേഷം ഇത് വൃത്തിയാക്കി മാറ്റി വെച്ചിരിക്കുന്ന മീനിലേയ്ക്ക് പുരട്ടി പത്തു മിനിറ്റു വെയ്ക്കാം. 
• തുടർന്ന് അടുപ്പിൽ ചീനച്ചട്ടി വെച്ച് എണ്ണയൊഴിച്ചു ചൂടാക്കി മീൻ കഷ്ണങ്ങൾ ഓരോന്നായി വറുത്തെടുക്കാം. 

Read More: പപ്പടം ഇനി വെറുതെ കഴിക്കണ്ട, ഇങ്ങനെ പാകം ചെയ്തെടുക്കൂ