മൂന്ന് ചേരുവ കൊണ്ട് മൂന്ന് മിനിറ്റിൽ കറുമുറു കഴിക്കാൻ പലഹാരം റെഡി

ഒരു പായ്ക്കറ്റ് ബ്രെഡ് ബാക്കിയുണ്ടെങ്കിൽ ഇനി വൈകിട്ട് കഴിക്കാൻ ചൂടൻ പലഹാരങ്ങൾ മിനിറ്റുകൾക്കുള്ളിൽ തയ്യാറാക്കാം. രാവിലെയോ വൈകിട്ടോ അങ്ങനെ എപ്പോൾ വേണമെങ്കിലും കഴിക്കാവുന്ന ഒന്നാണ് ഇത്. പെട്ടെന്ന് വിശപ്പു ശമിപ്പിക്കാൻ ഇത് സഹായിക്കുന്നു. വെറുതെ ടോസ്റ്റ് ചെയ്തെടുക്കാതെ ബാക്കി വന്ന ബ്രെഡിലേയ്ക്ക് തേങ്ങയും പഞ്ചസാരയും ചേർത്ത് യോജിപ്പിച്ചെടുക്കാം.  മൂന്നു മിനിറ്റിൽ തയ്യാറാക്കാവുന്ന ഈ പലഹാരം പരിചയപ്പെടുത്തി തരികയാണ് ഷഹറൂബ ഷമീർ തൻ്റെ ഇൻസ്റ്റഗ്രാം പേജിലൂടെ. 

Also Read: ഒരു കപ്പ് അരിപ്പൊടി മതി, മാവ് പുളിപ്പിച്ചെടുക്കാതെ കിടിലൻ ദോശ ചുട്ടെടുക്കാം

ചേരുവകൾ

• ബ്രെഡ്
• പഞ്ചസാര
• തേങ്ങ
• എണ്ണ

View this post on Instagram

A post shared by shaharooba shameer (@neha_food_stories_)

തയ്യാറാക്കുന്ന വിധം

അഞ്ച് ബ്രെഡിനൊപ്പം രണ്ടര ടേബിൾസ്പൂൺ പഞ്ചസാര, അരക്കപ്പ് തേങ്ങ ചിരകിയത് എന്നിവ ചേർത്ത് പൊടിച്ച് ഉരുട്ടി ചെറിയ ബോളുകളാക്കുക. അടി കട്ടിയുള്ള പാത്രം അടുപ്പിൽ വെച്ച് ആവശ്യത്തിന് എണ്ണയൊഴിച്ച് ചൂടാക്കി ഉരുട്ടി വെച്ച ബ്രെഡ് ബോളുകൾ എണ്ണയിലേയ്ക്ക് ചേർത്ത് വറുത്തെടുക്കുക. സ്നാക്ക് റെഡി.

Also Read: മാവ് കുഴയ്ക്കുമ്പോൾ ഗോതമ്പ് പൊടിയിലേയ്ക്ക് ഇതൊരു സ്പൂൺ ചേർക്കൂ, ചപ്പാത്തി സോഫ്റ്റായി ചുട്ടെടുക്കാം

ഇത് ട്രൈ ചെയ്യൂ

ബ്രെഡ് ഉപയോഗിച്ച് ഹെൽത്തിയായി ബ്രേക്ക്ഫാസ്റ്റ് തയ്യാറാക്കാൻ സാധിക്കും. അതിനൊരു കിടിലൻ റെസിപ്പി പരിചയപ്പെടാം

ചേരുവകൾ

• തൈര്- 1 കപ്പ്
• കടലമാവ്- 3 ടേബിൾസ്പൂൺ
• മുളുകുപൊടി- 1 ടീസ്പൂൺ
• മഞ്ഞൾപ്പൊടി- 1 ടീസ്പൂൺ
• ജീരകപ്പൊടി- 1 ടീസ്പൂൺ
• ഉപ്പ്- ആവശ്യത്തിന്
• സവാള- 1
• ഇഞ്ചി- 1 ഇഞ്ച്
• മല്ലിയില- 2 ടേബിൾസ്പൂൺ
• ബ്രെഡ്
• നെയ്യ്

Also Read: ഈ 3 ചേരുവകൾ മതി, 2 മിനിറ്റിൽ ബ്രേക്ക്ഫാസ്റ്റ് റെഡി

തയ്യാറാക്കുന്ന വിധം

• ഒരു ബൗളിലേക്ക് ഒരു കപ്പ് തൈരെടുക്കാം. 
• അതിലേക്ക് മൂന്ന് ടേബിൾസ്പൂൺ കടലമാവ്, 1 ടീസ്പൂൺ മുളകുപൊടിയും, 1 ടീസ്പൂൺ മഞ്ഞൾപ്പൊടിയും, 1 ടീസ്പൂൺ ജീരകപൊടിയും ചേർക്കുക. ഇവ നന്നായി ഇളക്കി യോജിപ്പിക്കാം.
• ഒരു ചെറിയ കഷ്ണം ഇഞ്ചി വളരെ ചെറുതായി അരിഞ്ഞത്, ഇടത്തരം വലിപ്പമുള്ള സവാള അരിഞ്ഞത്, മല്ലിയില അരിഞ്ഞത് 2 ടേബിൾസ്പൂൺ തുടങ്ങിയവ ചേർത്തു നന്നായി ഇളക്കാം.
• ഒരു ബ്രെഡ് എടുത്ത് മുകളിലായി ഈ മിശ്രിതം പുരട്ടാം.
• ഒരു പാൻ അടുപ്പിൽ വച്ച് ചൂടാക്കി അൽപ്പം നെയ്യോ എണ്ണയോ ചേർത്തു ചൂടാക്കാം.
• ബ്രെഡിൻ്റെ മിശ്രിതം പുരട്ടിയ വശം അതിലേക്കു വച്ച് വേവിക്കാം. ഇരുവശങ്ങളും ഇതുപോലെ നന്നായി വേവിച്ചെടുക്കാം. 
• അൽപം കുരുമുളകുപൊടിയോ, ചാട്മസാലയോ മുകളിലായി ചേർത്ത് ശേഷം ചൂടോടെ തന്നെ കഴിച്ചു നോക്കൂ.

Read More: മൈദയോ കടലമാവോ വേണ്ട, ക്രിസ്പിയും രുചികരവുമായ വട തയ്യാറാക്കാൻ രണ്ട് നേന്ത്രപ്പഴം മതി