ഒരു കപ്പ് അരിപ്പൊടി മതി, മാവ് പുളിപ്പിച്ചെടുക്കാതെ കിടിലൻ ദോശ ചുട്ടെടുക്കാം

അരിയും ഉഴുന്നും കുതിർക്കണം, അവ അരച്ചെടുത്ത മാവ് പുളിപ്പിക്കണം, സാധാരണ ദോശ ചുടാൻ ഇത്രയും പണികളുണ്ട്. എന്നാൽ ഇതിനൊന്നും സമയമില്ലേ? എങ്കിൽ അരിപ്പൊടി മാത്രം മതി. ചമ്മന്തി പോലും വേണ്ടാത്ത രുചികരമായ ദോശ അഞ്ച്  മിനിറ്റിൽ ചുട്ടെടുക്കാം. ദിവസവും ഒരേ രുചിയിൽ ബ്രേക്ക്ഫാസ്റ്റ് കഴിക്കുന്നവർക്ക് ഇത് സ്പെഷ്യലായിരിക്കും. രെഹാന തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: 2 മിനിറ്റിൽ ദോശ റെഡി, അരിയും ഉഴുന്നും അരയ്‌ക്കേണ്ട ഗോതമ്പ് പൊടിയും വേണ്ട

ചേരുവകൾ

• പച്ചരി
• വറ്റൽമുളക്
• മല്ലി
• ജീരകം
• പുളി
• ശർക്കര
• തേങ്ങ
• ഉപ്പ്
• വെള്ളം
• എണ്ണ

View this post on Instagram

A post shared by Rehana's Kitchen (@rehana_mohiddin)

Also Read: ദോശ ബാക്കിയുണ്ടോ? എങ്കിലിനി ചായക്ക് കിടിലൻ സ്നാക് തയ്യാറാക്കാം

തയ്യാറാക്കുന്ന വിധം

• ദോശ മാവ് തയ്യാറാക്കാൻ ആവശ്യമായ പച്ചരി വെള്ളത്തിൽ മൂന്ന് നാല് മണിക്കൂർ കുതിർത്തു വയ്ക്കാം.
• ശേഷം അതിലേക്ക് നാല് വറ്റൽമുളക്, ഒന്നര ടീസ്പൂൺ മല്ലി, അര ടീസ്പൂൺ ജീരകം, അൽപ്പം പുളി, അൽപ്പം ശർക്കര പൊടിച്ചത്, അര കപ്പ് തേങ്ങ, ആവശ്യത്തിന് ഉപ്പ് എന്നിവയോടൊപ്പം അൽപ്പം വെള്ളം കൂടി ഒഴിച്ച് അരച്ചെടുക്കാം.
• അതിലേയ്ക്ക് ആവശ്യത്തിന് വെള്ളം ഒഴിച്ച് മാവ് കലക്കുക.
• ഒരു പാൻ അടുപ്പിൽ വച്ച് അൽപ്പം എണ്ണ പുരട്ടി ചൂടാക്കാം.
• മാവിൽ നിന്ന് ആവശ്യത്തിന് ഒഴിച്ച് ദോശ ചുട്ടെടുക്കാം. 

Also Read: ഈ 3 ചേരുവകൾ മതി, 2 മിനിറ്റിൽ ബ്രേക്ക്ഫാസ്റ്റ് റെഡി

മസാലകൾ ചേർക്കാതെയും ഇൻസ്റ്റൻ്റായി ദോശ തയ്യാറാക്കാം

അരിയും ഉഴുന്നും അരച്ചുള്ള ദോശയും,ഗോതമ്പ് കൊണ്ടുള്ള ദോശയും കഴിച്ചിട്ടുണ്ടാകും. എന്നാൽ അരിപ്പൊടി മാത്രം ഉപയോഗിച്ചുള്ള നീർദോശ കഴിച്ചിട്ടുണ്ടോ?. പേരു പോലെ തന്നെ അരിപ്പൊടിയിൽ വെള്ളം ചേർത്തുണ്ടാക്കുന്ന ഒരു സിംപിൾ ദോശയാണിത്.

ചേരുവകൾ

• അരിപ്പൊടി
• വെള്ളം
•  ഉപ്പ്

തയ്യാറാക്കുന്ന വിധം

• ഒരു കപ്പ് വറുത്ത അരിപ്പൊടിയിലേയ്ക്കു മൂന്ന് ഗ്ലാസ് വെള്ളവും ആവശ്യത്തിന് ഉപ്പും ചേർത്തിളക്കാം.
• പാൻ അടുപ്പിൽ വെച്ചു ചൂടാക്കി ആവശ്യത്തിനു മാവ് ഒഴിച്ച് കട്ടി കുറച്ച് ദോശ ചുടാം.
• ദോശ മറിച്ചിടേണ്ട ആവശ്യമില്ല.
• മുകൾ വശം വെന്തു വരുമ്പോൾ അൽപ്പം വെളിച്ചണ്ണ പുരട്ടി കൊടുക്കാം.  
• തേങ്ങാപ്പാൽ ചേർത്തു കഴിക്കാൻ പറ്റിയ അടിപൊളി വിഭവമാണിത്.

Read More: ഒരു കപ്പ് ഗോതമ്പ് പൊടിയിലേയ്ക്ക് ഇവ അരിഞ്ഞു ചേർക്കൂ, ദോശ രുചികരവും ഹെൽത്തിയുമാക്കാം