മടിയുള്ള ദിവസവും ഇനി സിംപിളായി ബ്രേക്ക്ഫാസ്റ്റ് തയ്യാറാക്കാം, ഒരു കപ്പ് ഗോതമ്പ് പൊടി മതി

പാകം ചെയ്തെടുത്ത ഭക്ഷണങ്ങൾ കഴിച്ചതിനു ശേഷവും മിച്ചം വരുന്നത് നിങ്ങളെ ഏറെ ബുദ്ധിമുട്ടിക്കാറുണ്ടോ?. ചപ്പാത്തി പോലെയുള്ള റൊട്ടികൾ രാവിലെ ചുട്ടെടുത്തത് ബാക്കി വന്നാൽ രാത്രി ഭക്ഷണമായി ചൂടാക്കി കഴിക്കുന്നതാണോ പതിവ്?.

Also Read: ചോറ് കുറച്ച് പകരം ഇവ ഉൾപ്പെടുത്തൂ, ഉച്ചയൂണിന് ശീലമാക്കാം ഈ റൈസ് സാലഡ്

എന്നാൽ രണ്ട് നേരവും ഒരേ ഭക്ഷണം കഴിക്കാൻ മടിയുള്ളവരും ഉണ്ടാകാം. എങ്കിൽ ഇതാ അവർക്കായി ഒരു സ്നാക്ക് റെസിപ്പി, ബാക്കി വന്ന ചപ്പാത്തി ഉപയോഗിച്ച് സ്ട്രീറ്റ് സ്റ്റൈൽ ഫുഡ് തയ്യാറാക്കാം. കുട്ടികൾക്കും മുതിർന്നവർക്കും ഇഷ്ട്ടപ്പെടും എന്നതിൽ സംശയം വേണ്ട. അൽപം വെജിറ്റബിൾ കൂടി അരിഞ്ഞു ചേർത്താൽ ഹെൽത്തിയായി ഫുഡ് തയ്യാറാക്കാം,

Also Read: മാവ് അരയ്‌ക്കേണ്ട, പഞ്ഞിപോലുള്ള ദോശ 5 മിനിറ്റിൽ ചുട്ടെടുക്കാൻ ഇതാ ഒരു പൊടിക്കൈ

ചേരുവകൾ

• ചപ്പാത്തി
• തക്കാളി സോസ്
• സോയസോസ്
• ചില്ലി സോസ്
• എണ്ണ
• ഇഞ്ചി 
• വെളുത്തുള്ളി
• കാരറ്റ്
• ക്യാബേജ്
• ക്യാപ്സിക്കം

Also Read: മാവ് കുഴച്ചും പരത്തിയും സമയം കളയേണ്ട, ഇനി രണ്ട് കപ്പ് അരിപ്പൊടിയിൽ കിടിലൻ ബ്രേക്ക്ഫാസ്റ്റ് തയ്യാറാക്കാം

തയ്യാറാക്കുന്ന വിധം

• ബാക്കി വന്ന ചപ്പാത്തി നീളത്തിൽ മുറിച്ച് കഷ്ണങ്ങളാക്കാം. (ചപ്പാത്തിയില്ലെങ്കിൽ ഒരു കപ്പ് ഗോതമ്പ് പൊടി കുഴച്ചെടുത്ത് പരത്തി നീളത്തിൽ മുറിച്ചെടുക്കാം. ശേഷം വേവിച്ചെടുക്കാം.)
• ഒരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി ചപ്പാത്തി വറുത്തെടുക്കാം.
• അതേ പാനിലേയ്ക്ക് അൽപ്പം വെളുത്തുള്ളിയും ഇഞ്ചിയും ചതച്ചത് ചേർത്തിളക്കാം.
• അൽപം കാബേജ്, കാരറ്റ്, ക്യാപ്സിക്കം എന്നിവ നീളത്തിൽ അരിഞ്ഞതു ചേർത്ത് വഴറ്റി മാറ്റി വെച്ചിരിക്കുന്ന ചപ്പാത്തിയും ചേർക്കാം. 
• തക്കാളി സോസ്, സോയ സോസ്, ചില്ലി സോസ് എന്നിവ ആവശ്യാനുസരണം ചേർത്തിളക്കാം.
• ലഭ്യമെങ്കിൽ അൽപ്പം എള്ള് കൂടി ചേർത്തിളക്കി അടുപ്പിൽ നിന്നും മാറ്റാം. 

Read More: ചപ്പാത്തി പഞ്ഞി പോലെയാകും, മാവ് കുഴയ്ക്കുമ്പോൾ ഇത് പോലെ ചെയ്തു നോക്കൂ