മാവ് കുഴച്ചും പരത്തിയും സമയം കളയേണ്ട, ഇനി രണ്ട് കപ്പ് അരിപ്പൊടിയിൽ കിടിലൻ ബ്രേക്ക്ഫാസ്റ്റ് തയ്യാറാക്കാം

ക്രിസ്മസ് കാലങ്ങളിൽ, പ്രധാനമായും ഈസ്റ്ററിന് കോട്ടയംകാരുടെ സ്പെഷ്യൽ വിഭവമാണ് ആവി പാറുന്ന പിടിയും കോഴിക്കറിയും. കുറുക്കിയെടുത്ത അരിപ്പൊടിയിൽ മുങ്ങി കിടക്കുന്ന ചൂടൻ പിടിക്കൊപ്പം നല്ല നാടൻ കോഴി വറുത്തരച്ചതും ഉണ്ടെങ്കിൽ പിന്നെ കുശാലായി. എന്നാൽ ഇനി പിടി കഴിക്കാൻ കോഴിക്കറി വേണമെന്നില്ല. ബ്രേക്ക്ഫാസ്റ്റ് സിംപിളും രുചികരവുമാക്കാൻ ഒരു തവ പിടി ഇങ്ങനെ തയ്യാറാക്കി നോക്കൂ, പ്രത്യേകം കറി ഇല്ലാതെ തന്നെ ഇത് കഴിക്കാം.  ഷാഗി ഉഷകുമാർ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: കഠിനമായ ഡയറ്റുകൾ വേണ്ട, ശരീരഭാര നിയന്ത്രണത്തിന് ദിവസവും ഒരു നേരം ഇത് കഴിക്കൂ

ചേരുവകൾ

• അരിപ്പൊടി- 2 കപ്പ്
• ഉപ്പ്-1/2 ടീസ്പൂൺ
• ചൂട് വെള്ളം- ആവശ്യത്തിന്
• വെളിച്ചെണ്ണ- 2 ടേബിൾസ്പൂൺ
• കടുക്-1 ടീസ്പൂൺ
• ഇഞ്ചി വെളുത്തുളളി പേസ്റ്റ്- 1 ടേബിൾസ്പൂൺ
• സവാള- 3
• പച്ചമുളക്- 3
• കറിവേപ്പില-- ആവശ്യത്തിന്
• മഞ്ഞൾപ്പൊടി-1/4 ടീസ്പൂൺ
• മുളകുപൊടി- 1 ടേബിൾസ്പൂൺ
• കുരുമുളകുപൊടി- 1 ടീസ്പൂൺ
• പെരുംജീരകം പൊടി- 1 ടീസ്പൂൺ
• ഉപ്പ്- 1/2 ടീസ്പൂൺ
• തക്കാളി- 1
• മല്ലിയില- ആവശ്യത്തിന്

Also Read: അരി കുതിർക്കേണ്ട, ചോറും വേണ്ട; ഇനി പഞ്ഞിപോലുള്ള അപ്പം ചുട്ടെടുക്കാൻ ഇതാ പൊടിക്കൈ

View this post on Instagram

A post shared by Shagi Ushakumar (@easy_cooking_island)

Also Read: 2 മിനിറ്റേ ആവശ്യമുള്ളൂ, മുട്ടയും ബ്രെഡും ഉണ്ടെങ്കിൽ ഇനി ബ്രേക്ക്ഫാസ്റ്റ് സിംപിളായി തയ്യാറാക്കാം

തയ്യാറാക്കുന്ന വിധം

• ഒരു ബൗളിൽ രണ്ട് കപ്പ് അരിപ്പൊടിയെടുക്കാം.
• അതിലേയ്ക്ക് അര ടീസ്പൂൺ ഉപ്പ് ചേർക്കാം. ഇതിലേയ്ക്ക് അൽപം വീതം ചൂടുവെള്ളം ഒഴിച്ചിളക്കി യോജിപ്പിക്കാം.
• ഇത്  ചെറിയ കഷ്ണങ്ങളാക്കിയെടുക്കാം. ശേഷം 10 മിനിറ്റ് ആവിയിൽ വേവിച്ചെടുക്കാം.
  ഇതേ സമയം ഒരു പാനിൽ വെളിച്ചെണ്ണ ചൂടാക്കാം.
• അതിലേയ്ക്ക് കടുക് ചേർത്തു പൊട്ടിക്കാം. ഒപ്പം സവാള ചെറുതായി അരിഞ്ഞതും ചേർത്ത് വഴറ്റാം. 
• സവാളയുടെ നിറം മാറി വരുമ്പോൾ പച്ചമുളക്, ഇഞ്ചി വെളുത്തുള്ളി പേസ്റ്റ്, കറിവേപ്പില ഇവ കൂടി ചേർത്തു വേവിക്കാം. 
• കാൽ ടീസ്പൂൺ മഞ്ഞൾപ്പൊടി, ഒരു ടീസ്പൂൺ കുരുമുളകുപൊടി, ഒരു ടീസ്പൂൺ പെരുംജീരകം പൊടി, എന്നിവ ചേർത്തിളക്കി യോജിപ്പിക്കാം.
• മസാലയും പച്ചമണം മാറി വരുമ്പോൾ തക്കാളി കഷ്ണങ്ങൾ ചേർത്തു വഴറ്റാം. ഇതിലേയ്ക്ക് ആവിയിൽ വേവിച്ചെടുത്ത പിടി ചേർത്തിളക്കി യോജിപ്പിക്കാം. മുകളിൽ കുറച്ച് മല്ലിയില ചേർത്തിളക്കാം. ഇനി ചൂടോടെ കഴിച്ചു നോക്കൂ. 

Read More: ശരീരഭാരം മാത്രമല്ല ബ്ലഡ് ഷുഗറും നിയന്ത്രിക്കാം, ഗോതമ്പ് പൊടിക്ക് പകരം ചപ്പാത്തി തയ്യാറാക്കാൻ ഇത് ഉപയോഗിക്കൂ