സോയ ഇങ്ങനെ ഫ്രൈ ചെയ്താൽ ഇനി മറ്റൊരു കറി വേണ്ട

ചിക്കൻ ഫ്രൈ ഇല്ലെങ്കിൽ അതേ രുചിയിൽ എന്താണ് കഴിക്കാനുണ്ടാവുക?. എങ്കിൽ ഒരു മികച്ച ഓപ്ഷനാണ് സോയ. പ്രോട്ടീൻ്റെ ഒരു പ്രധാന ഉറവിടമാണ് സോയബീൻ. റെഡ് മീറ്റ്, ചിക്കൻ, മുട്ട, പാൽ എന്നിവയിൽ നിന്നും ലഭിക്കുന്നതിനു സമാനമായ പ്രോട്ടീനുകൾ ഇതിലടങ്ങിയിട്ടുണ്ട്. നാരുകൾ അടങ്ങിയിരിക്കുന്നതിനാൽ ദഹനപ്രക്രിയയും സുഗമമാക്കി ശരീരഭാര നിയന്ത്രണത്തിനും സോയ സഹായിക്കുന്നു. ആരോഗ്യത്തിന് ഹാനികരമായ കൊഴുപ്പുകളൊന്നും ഇതിൽ അടങ്ങിയിട്ടില്ല. അങ്ങനെയെങ്കിൽ ചിക്കൻ 65 തയ്യാറാക്കുന്ന അതേ രുചിയിൽ ഒരു സോയ 65 പാകം ചെയ്തെടുത്താലോ.

Also Read: 3 ചേരുവകൾ മതി; പ്രോട്ടീൻ റിച്ചായ ഒരു ബ്രേക്ക്ഫാസ്റ്റ് തയ്യാറാക്കാം

കാതുവക്കിലെ ഒരു സമയൽ എന്ന ഇൻസ്റ്റഗ്രാം പേജാണ് ഈ ഉഗ്രൻ റെസിപ്പി പരിചയപ്പെടുത്തി തരുന്നത്.

Also Read: മുട്ട കൈയ്യിലുണ്ടോ? എങ്കിലൊരു തവണ എഗ്ഗ് മോളി ട്രൈ ചെയ്യൂ

ചേരുവകൾ

• സോയ
• ചില്ലിചിക്കൻ മസാലപ്പൊടി
• മുളകുപൊടി
• ഇഞ്ചി
• വെളുത്തുള്ളി
• അരിപ്പൊടി
• മൈദ
• കോൺഫ്ലോർ
• കറിവേപ്പില
• പച്ചമുളക്
• ഉപ്പ്
• എണ്ണ

Also Read: കൊല്ലംകാരുടെ സ്വന്തം തേങ്ങാ പുളി, സിംപിളാണ് റെസിപ്പി

View this post on Instagram

A post shared by Kaathuvaakula_samayal (@kaathuvaakulasamayal)

Also Read: പനീർ മസാല ഇനി 5 മിനിറ്റിൽ റെഡിയാക്കാം, ചേരുവയിൽ കുറച്ചു മാറ്റം വരുത്തിക്കോളൂ

തയ്യാറാക്കുന്ന വിധം

• നൂറ് ഗ്രാം സോയ ചൂടുവെള്ളത്തിൽ പത്ത് മിനിറ്റ് കുതിർത്തു വെയ്ക്കാം.
  ശേഷം വെള്ളം കളഞ്ഞ് മറ്റൊരു ബൗളിലേയ്ക്കു മാറ്റാം.
• ഇതിലേയ്ക്ക് ഒരു ടേബിൾസ്പൂൺ ചില്ലിചിക്കൻ മസാലപ്പൊടി, ആവശ്യത്തിന് ഉപ്പും, ഒരു ടേബിൾസ്പൂൺ മുളകുപൊടി, ഇഞ്ചിയും  വെളുത്തുള്ളിയും അരച്ചത് ഒരു ടേബിൾസ്പൂൺ എന്നിവ ചേർത്തിളക്കി യോജിപ്പിക്കാം.
• തുടർന്ന് ഒരു സ്പൂൺ അരിപ്പൊടിയും, ഒരു സ്പൂൺ മൈദയും, ഒരു സ്പൂൺ കോൺഫ്ലോറും ചേർത്തിളക്കി അൽപ്പ സമയം അടച്ചു വെയ്ക്കാം.
• അടി കട്ടിയുള്ള പാത്രം അടുപ്പിൽ വെച്ച്  ആവശ്യത്തിന് എണ്ണയൊഴിച്ചു ചൂടാക്കി കുറച്ച് കറിവേപ്പില ചേർത്തു വറുക്കാം.
• ഒപ്പം മസാല പുരട്ടി മാറ്റി വെച്ച സോയ കൂടി ചേർത്ത് നന്നായി വറുത്തു മാറ്റുക. ചൂടോടെ തന്നെ കഴിച്ചു നോക്കൂ. 

Read More: വെണ്ണയില്ലെങ്കിലും ബട്ടർ ചിക്കൻ ഇങ്ങനെയും തയ്യാറാക്കാം