പനീർ മസാല ഇനി 5 മിനിറ്റിൽ റെഡിയാക്കാം, ചേരുവയിൽ കുറച്ചു മാറ്റം വരുത്തിക്കോളൂ

മാംസാഹാരങ്ങൾക്കു മാത്രമല്ല വെജിറ്റേറിയൻ ഭക്ഷണങ്ങൾക്കും ആരാധകർ ഏറെയുണ്ട്. ആ ലിസ്റ്റിലുള്ള ഒരു വിഭവമാണ് പനീർ ബട്ടർ മസാല. വ്യത്യസ്ത രീതിയിൽ അത് തയ്യാറാക്കാൻ സാധിക്കും. വീട്ടിൽ തയ്യാറാക്കുമ്പോൾ തന്നെ അതിൻ്റെ രുചി വേറിട്ടു നിൽക്കും. ക്രീമിയായിട്ടുള്ള റെസ്റ്റോറൻ്റ് സ്റ്റൈൽ പനീർ കറിയാണോ വേണ്ടത്? എങ്കിൽ സ്ഥിരം ചേരുവയിൽ കുറച്ചു മാറ്റം വരുത്തി നോക്കാം. മേഘ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read:ചായപ്പീടികയിലെ ഉള്ളി വട ഇനി കൂടുതൽ ക്രിസ്പിയായി തയ്യാറാക്കാം, മാവിലേയ്ക്ക് ഇവ ചേർത്തു നോക്കൂ

ചേരുവകൾ

• തൈര്- 1 കപ്പ്
• പനീർ- 200 ഗ്രാം
• ഉപ്പ്- ആവശ്യത്തിന്
• മുളകുപൊടി- 1 ടീസ്പൂൺ
• മഞ്ഞൾപ്പൊടി- 1/2 ടീസ്പൂൺ
• മല്ലിപ്പൊടി- 1 ടീസ്പൂൺ
• ഗരംമസാല- 1/2 ടീസ്പൂൺ
• വെളിച്ചെണ്ണ- 2 ടേബിൾസ്പൂൺ
• ജീരകം- 1/2 ടീസ്പൂൺ
• വെളുത്തുള്ളി- 5 അല്ലി
• സവാള- 1 
• മല്ലിയില- ആവശ്യത്തിന്

Also Read:ഒരു തുള്ളി എണ്ണ ചേർക്കാതെ ചപ്പാത്തി സോഫ്റ്റായി ചുട്ടെടുക്കാം, ഈ പൊടിക്കൈ ട്രൈ ചെയ്യൂ

View this post on Instagram

A post shared by Megha Mahindroo | Recipe Video Creator (@plumsandpickle)

Also Read: കിടിലൻ​ രുചിയിൽ ഒരു സിംപിൾ അവൽ മിൽക്ക്, നാവിൽ കപ്പലോടും

തയ്യാറാക്കേണ്ട വിധം

• ഒരു ചെറിയ ബൗളിൽ ഒരു കപ്പ് തൈരെടുക്കാം.
• അതിലേയ്ക്ക് ഉപ്പ്, മുളകുപൊടി, മഞ്ഞൾപ്പൊടി, മല്ലിപ്പൊടി, ഗരംമസാല എന്നിവ ചേർത്തിളക്കി യോജിപ്പിച്ച് മാറ്റി വയ്ക്കാം.
• അടികട്ടിയുള്ള ഒരു പാത്രം അടുപ്പിൽ വയ്ക്കാം.
• അതിലേയ്ക്ക് വെളിച്ചെണ്ണ ഒഴിച്ചു ചൂടാക്കാം.
• ശേഷം ജീരകം ചേർത്തു പൊട്ടിക്കാം.
• ഇതിലേയ്ക്ക് ചെറുതായി അരിഞ്ഞ വെളുത്തുള്ളി, ബെൽപെപ്പർ, സവാള കട്ടി കുറച്ച് അരിഞ്ഞത് എന്നിവ ചേർത്ത് രണ്ടു മിനിറ്റ് വഴറ്റാം.
• ആവശ്യത്തിന് ഉപ്പ് ചേർക്കാം. ഇതിലേയ്ക്ക് പനീർ ചേർത്തു വേവിക്കാം.  
• ഇവ വെന്തു കഴിയുമ്പോൾ മസാല ചേർത്ത തൈര് ഒഴിക്കാം.
• അധികം ഇളക്കാതെ അടുപ്പണയ്ക്കാം. മുകളിൽ മല്ലിയില ചേർത്ത് ചൂടോടെ ചോറിനൊപ്പം വിളമ്പി കഴിച്ചു നോക്കൂ.

Read More: റവ ഇല്ലെങ്കിലും ഉപ്പുമാവ് ഇനി രുചികരമാക്കാം, ഇവ ചേർത്തു നോക്കൂ