ഇല മാത്രമല്ല ഈ ചെടിയുടെ വിത്തുകൾ ഉപയോഗിച്ചും കറി തയ്യാറാക്കാം, ഇതാ ഒരു സിംപിൾ ഹെൽത്തി റെസിപ്പി

"അത്ഭുത വൃക്ഷം" എന്ന് പലപ്പോഴും വാഴ്ത്തപ്പെടുന്ന മുരിങ്ങ അതിന്റെ അസാധാരണമായ പോഷക ഗുണത്താൽ ശ്രദ്ധേയമാണ്. മുരിങ്ങയിലയും, മുരിങ്ങക്കായും മാത്രമല്ല അതിൻ്റെ വിത്തുകളും കറികളിൽ ഉപയോഗിക്കാം. അവശ്യ വിറ്റാമിനുകൾ, ധാതുക്കൾ, ആന്റിഓക്‌സിഡന്റുകൾ എന്നിവയുടെ സമ്പന്നമായ ഉറവിടാണ് ഈ വിത്തുകൾ

Also Read: സ്ഥിരമായി സാലഡ് കഴിക്കുന്നവരാണോ? എങ്കിൽ ഇക്കാര്യം അറിയാതെ പോകരുത്

മുരിങ്ങ വിത്തിൻ്റെ ഗുണങ്ങൾ

• രോഗപ്രതിരോധ ശേഷി വർധിപ്പിക്കുന്നു: മുരിങ്ങ വിത്തുകളിലെ വിറ്റാമിനുകൾ, ധാതുക്കൾ, ആന്റിഓക്‌സിഡന്റുകൾ എന്നിവയുടെ ശക്തമായ സംയോജനം രോഗപ്രതിരോധ ശേഷി ശക്തിപ്പെടുത്താനും അണുബാധകളിൽ നിന്ന് സംരക്ഷിക്കാനും സഹായിക്കുന്നു.
• ദഹനാരോഗ്യം: അമിതമായ ഉപഭോഗം ദഹനപ്രശ്നങ്ങൾക്ക് കാരണമാകുമെങ്കിലും, മുരിങ്ങ വിത്തുകൾ പൊതുവെ നന്നായി ദഹിക്കുകയം ദഹനപ്രക്രിയയെ പിന്തുണയ്ക്കുകയും ചെയ്യും.
• ഹൃദയാരോഗ്യം: മുരിങ്ങ വിത്തുകളിലെ ഒമേഗ-3 ഫാറ്റി ആസിഡുകളുടെയും ആന്റിഓക്‌സിഡന്റുകളുടെയും സാന്നിധ്യം വീക്കം കുറയ്ക്കുകയും കൊളസ്ട്രോൾ കുറയ്ക്കുകയും ചെയ്യുന്നതിലൂടെ ഹൃദയാരോഗ്യത്തിന് സഹായിക്കുന്നു.
• ആന്റിഓക്‌സിഡൻ്റ്: മുരിങ്ങ വിത്തുകളിൽ ആന്റിഓക്‌സിഡന്റുകൾ അടങ്ങിയിട്ടുണ്ട്, ഇത് ഓക്‌സിഡേറ്റീവ് സമ്മർദ്ദത്തെ ചെറുക്കാനും കോശങ്ങളെ കേടുപാടുകളിൽ നിന്ന് സംരക്ഷിക്കാനും സഹായിക്കുന്നു.

Also Read: സവാള അരിയേണ്ട മസാലകളും വേണ്ട, ചിക്കൻ കറി സിംപിളും രുചികരവുമാക്കാൻ ഇതാ ഒരു പൊടിക്കൈ

ചേരുവകൾ

• മുരിങ്ങയ്ക്ക
• തേങ്ങ
• പച്ചമുളക്
• കറിവേപ്പില
• കടുക് 
• വറ്റൽമുളക്
• മഞ്ഞൾപ്പൊടി
• മുളുകുപൊടി
• ഉപ്പ്
• വെളിച്ചെണ്ണ

Also Read: ചീര മാത്രമല്ല ഈ ഇലയും തോരൻ തയ്യാറാക്കാൻ ബെസ്റ്റാണ്, ഇനി ഉച്ചയൂണ് പോഷകസമ്പുഷ്ടമാകും

തയ്യാറാക്കുന്ന വിധം

• മുരിങ്ങയ്ക്ക കഴുകി രണ്ടായി പിളർന്ന് ഉള്ളിലെ വിത്തും മാംസളഭാഗവും പ്രത്യേകം എടുക്കാം. ഒരു പാൻ അടുപ്പിൽ വച്ചു ചൂടാക്കി വെളിച്ചെണ്ണ ഒഴിക്കാം.
• എണ്ണ ചുടായതിലയേക്ക് കടുക് ചേർത്തു പൊട്ടിക്കാം.
• ഇതിലേയ്ക്ക് കറിവേപ്പില, വറ്റൽമുളക് എന്നിവ ചേർത്തു വഴറ്റാം.
• ചിരകിയെടുത്ത തേങ്ങയിലേയ്ക്ക് പച്ചമുളകും ആവശ്യത്തിന് ഉപ്പും ചേർത്ത് അരയ്ക്കാം.
• പാനിലേയ്ക്ക് ഇതു ചേർത്തിളക്കി യോജിപ്പിക്കാം.
• മുരിങ്ങ വിത്തും ഒരു നുള്ള് മഞ്ഞൾപ്പൊടിയും ചേർത്തിളക്കി അടച്ചു വച്ച് വേവിക്കാം.
• ആവശ്യമെങ്കിൽ കുറച്ച് വെള്ളം ഒഴിക്കാം. വെള്ളം വറ്റി വെന്തെന്ന് ഉറപ്പായതിനു ശേഷം അടുപ്പണയ്ക്കാം. ഇനി ചൂടോടെ ചോറിനൊപ്പം വിളമ്പി കഴിച്ചു നോക്കൂ.

Read More: ചമ്മന്തിയല്ല ഇനി മാങ്ങ കിട്ടിയാൽ ഈ പാലക്കാടൻ വിഭവം ട്രൈ ചെയ്യൂ