Onam 2025 Sadya: ഒരു പിടി തേങ്ങ പോലും വേണ്ട, ഓണ സദ്യയ്ക്ക് ബീറ്റ്റൂട്ട് പച്ചടി ഇങ്ങനെ പാകം ചെയ്യാം

Onam 2025 Sadya: മലയാളികളുടെ സദ്യയിൽ സ്ഥിരമായി കണ്ടു വരുന്നതാണ് പച്ചടി. എരിവും പുളിയും ചേർന്ന കേരളസ്റ്റൈൽ പച്ചടിയും ചൂടു ചോറും അസാധ്യ രുചിയാണ്. സദ്യയിലെ പ്രധാനപ്പെട്ട വിഭവമാണിത്. അതു കൊണ്ടാണാണ് ഇലയിൽ ആദ്യം തന്നെ ഇതിനു സ്ഥാനം കൊടുത്തിരിക്കുന്നത്. തേങ്ങ അരച്ചതിൽ കടുക് കൂടി ചേർത്താണ് സാധാരണ പച്ചടിയുടെ പാചക രീതി.

Also Read: ബോളി ഇതുപോലെ സോഫ്റ്റും രുചികരവുമായി തയ്യാറാക്കിയാൽ വീണ്ടും കഴിക്കാൻ കൊതിക്കും

വെള്ളരിക്ക, പൈനാപ്പിൾ, ഇവയും ഇതിലെ ചേരുവകളായി  വരുന്നുണ്ട്. ഓണം ഇങ്ങ് അടുക്കാറായി. സദ്യയ്ക്കുള്ള വട്ടങ്ങളിൽ പച്ചടി എന്തായാലും ഒഴിവാക്കില്ല . പക്ഷേ അതിനു വേണ്ട തേങ്ങ ഇല്ല എന്നാണെങ്കിൽ വിഷമിക്കേണ്ട, തേങ്ങയില്ലാതെയും പച്ചടി തയ്യാറാക്കാം. അതെങ്ങനെയെന്ന് പരിചയപ്പെടുത്തി തരികയാണ് അന്നൂസ് തൻ്റെ ഇൻസ്റ്റഗ്രാം പേജിലൂടെ.

Also Read: കിടിലൻ രുചിയിൽ കിച്ചടി തയ്യാറാക്കാം വെണ്ടയ്ക്ക ചേർത്ത്, ഇത്തവണ​ ഓണ സദ്യയ്ക്ക് ഇത് ട്രൈ ചെയ്യൂ

ചേരുവകൾ

• തൈര്
• കടുക്
• ഉപ്പ്
• ബീറ്റ്റൂട്ട്
• എണ്ണ
• ചുവന്നുള്ളി
• ഇഞ്ചി
• വെളുത്തുള്ളി
• കറിവേപ്പില

Also Read: വാഴക്കായ കൊണ്ട് ഉപ്പേരി ഇനി ഒരു തവണ ഇങ്ങനെ വറുത്തെടുക്കൂ, കൂടുതൽ ക്രിസ്പിയായി കിട്ടും

View this post on Instagram

A post shared by Annoos Recipes (@annoosrecipes)

Also Read: ഒട്ടും കയ്പില്ലാതെ അസാധ്യ രുചിയിൽ തയ്യാറാക്കാം വടുകപുളി അച്ചാർ, ഇവ ചേർത്തു നോക്കൂ

തയ്യാറാക്കുന്ന വിധം

• ഒരു ബൗൾ തൈരിലേയ്ക്ക് അൽപ്പം ഉപ്പും, കടുക് പൊടിച്ചതും ചേർത്തിളക്കി മാറ്റിവെയ്ക്കാം. ഒരു ബീറ്റ്റൂട്ട് ചെറുതായി അരിയുക അല്ലെങ്കിൽ ഗ്രേറ്റ് ചെയ്യാം.
• അടി കട്ടിയുള്ള ഒരു പാത്രം അടുപ്പിൽ വെച്ച് അൽപം എണ്ണയൊഴിച്ചു ചൂടാക്കി അഞ്ചോ ആറോ ചുവന്നുള്ളി ചെറുതായി അരിഞ്ഞത്, ഇഞ്ചി അരിഞ്ഞത്, പച്ചമുളക് അരിഞ്ഞത്, കറിവേപ്പില എന്നിവ വഴറ്റിയെടുക്കാം.
• അതിലേയ്ക്ക് അരിഞ്ഞു വെച്ചിരിക്കുന്ന ബീറ്റ്റൂട്ട് കൂടി ചേർത്ത് വേവിക്കാം. ബീറ്റൂട്ട് നന്നായി വെന്തതിനു ശേഷം തൈരിലേയ്ക്കു ചേർത്തിളക്കാം.

Read More: ഒരു കപ്പ് ഉണക്കലരി ഉണ്ടോ? എങ്കിൽ പിങ്ക് നിറത്തിൽ നാവിൽ കൊതിയൂറുന്ന പായസം മിനിറ്റുകൾക്കുള്ളിൽ തയ്യാറാക്കാം