ബോളി ഇതുപോലെ സോഫ്റ്റും രുചികരവുമായി തയ്യാറാക്കിയാൽ വീണ്ടും കഴിക്കാൻ കൊതിക്കും

തിരുവനന്തപുരത്തുകാരുടെ സദ്യയിൽ ഒഴിച്ചു കൂടാനാവാത്ത ഒന്നാണ് ബോളി. തമിഴ് നാട്ടിലെ പ്രത്യേകിച്ച് നാഗർകോവിൽ ഭാഗങ്ങളിലാണ് ഇത് പ്രചാരത്തിലുള്ളത്. തിരുവന്തപുരത്തിന് ആ സ്ഥലവുമായുള്ള  ബന്ധമാകാം കേരളത്തിലേയ്ക്ക് ഇത് എത്തിച്ചേരാൻ കാരണമായത്.

Also Read: സദ്യ സ്റ്റൈലിൽ കൂട്ടുകറി തയ്യാറാക്കാം ഇനി സിംപിളായി, ഇവ കൂടി ചേർത്തു വേവിക്കൂ

വെറുതെ കഴിക്കാൻ മാത്രമല്ല വ്യത്യസ്ക കോമ്പിനേഷനും ഇതിനുണ്ട്. പാൽപായസം, പാലടപ്രഥമൻ, എന്നിവയോടൊപ്പം ട്രൈ ചെയ്യാവുന്നതാണ്. പരിപ്പ് ചേർക്കുന്നതിനാൽ പെട്ടെന്ന് കേടായി പോകാനുള്ള സാധ്യതയുണ്ട്. അതിനാൽ അധിക ദിവസം ഇത് സൂക്ഷിച്ചു വെയക്കാനാവില്ല. ബോളി മാവ് തയ്യാറാക്കുന്നതിനും ഏറെ ശ്രദ്ധ വേണം മൈദ നന്നായി കുഴയ്ക്കണം. എത്രത്തോളം നല്ല രീതിയിൽ കുഴയ്ക്കുന്നുവോ അത്രത്തോളം ബോളി സോഫ്റ്റാകും. കട്ടി കുറച്ച് മാവ് പരത്താനും ശ്രദ്ധിക്കണം. കോയാസ് റെസിപ്പി എന്ന ഇൻസ്റ്റഗ്രാം പേജാണ് ബോളി തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• കടല പരിപ്പ്- 1 കപ്പ്
• മൈദ- 1 1/2 കപ്പ്
• മഞ്ഞൾപ്പൊടി- 1/4 കപ്പ്
• ഉപ്പ്- ആവശ്യത്തിന്
• നല്ലെണ്ണ- 2 ടേബിൾസ്പൂൺ
• നെയ്യ്- 2 ടേബിൾസ്പൂൺ
• ഏലയ്ക്ക- 2
• പഞ്ചസാര- 1/4 കപ്പ്
• ശർക്കര- 2 ടേബിൾസ്പൂൺ

Also Read: സദ്യയ്ക്കു വിളമ്പാൻ നാരങ്ങ അച്ചാർ കയ്പില്ലാതെ തയ്യാറാക്കാം, ഈ മസാക്കൂട്ട് ചേർത്തു നോക്കൂ

View this post on Instagram

A post shared by Koya's Recipe (@koyas_recipe_)

Also Read: സദ്യയ്ക്കു വിളമ്പാൻ നല്ലൊരു പുളിശ്ശേരി വേണോ? ഇങ്ങനെ ഉണ്ടാക്കി നോക്കൂ

തയ്യാറാക്കുന്ന വിധം

• ഒന്നര കപ്പ് മൈദയിലേയ്ക്ക്  കാൽ ടീസ്പൂൺ മഞ്ഞൾപ്പൊടിയും, ആവശ്യത്തിന് ഉപ്പും, കാൽ ടീസ്പൂൺ മഞ്ഞൾപ്പൊടിയും ചേർത്തിളക്കാം.
• കുറച്ച് വെള്ളം ഒഴിച്ച് മാവ് കുഴച്ച് മുകളിലായി രണ്ട് ടേബിൾസ്പൂൺ നല്ലെണ്ണ ഒഴിച്ച് 2 മുതൽ 3 മണിക്കൂർ വരെ മാറ്റി വെയ്ക്കാം.
• ഒരു കപ്പ് കടലപരിപ്പ വേവിച്ചത് അരച്ചെടുക്കാം.
• ഒരു പാൻ അടുപ്പിൽ വെച്ച് രണ്ട് ടേബിൾസപൂൺ നെയ്യ് ഒഴിച്ച് പരിപ്പ് അരച്ചത് ചേർത്തിളക്കാം.
• രണ്ട് ടേബിൾസ്പൂൺ​ ശർക്കര പൊടിച്ചത് അതിലേയ്ക്കു ചേർക്കാം.
• കാൽ കപ്പ് പഞ്ചസാര, രണ്ട് ഏലയ്ക്ക് എന്നിവ കൂടി ചേർത്തിളക്കി അടുപ്പണയ്ക്കാം.ചൂടാറിയതിനു ശേഷം പരിപ്പ് ഉടച്ചത് ചെറിയ ഉരുളകളാക്കാം.
  മാറ്റി വെച്ചിരിക്കുന്ന മൈദ മാവിൽ നിന്നും കുറച്ചു വീതം എടുത്ത് ഉള്ളിലേയ്ക്ക് പരിപ്പ്
• കൊണ്ടുള്ള ഉരുളകൾ വെച്ച് പരത്താം.
• ഒരു പാൻ അടുപ്പിൽ വെച്ച് ചൂടാക്കി ഇവ ചുട്ടെടുക്കാം.

Read More: കിടിലൻ രുചിയിൽ കിച്ചടി തയ്യാറാക്കാം വെണ്ടയ്ക്ക ചേർത്ത്, ഇത്തവണ​ ഓണ സദ്യയ്ക്ക് ഇത് ട്രൈ ചെയ്യൂ