സദ്യയ്ക്കു വിളമ്പാൻ നല്ലൊരു പുളിശ്ശേരി വേണോ? ഇങ്ങനെ ഉണ്ടാക്കി നോക്കൂ

ഊണിന് തയ്യാറാക്കാൻ സാധിക്കുന്ന ഏറ്റവും എളുപ്പമുള്ള കറിയാണ് മോര്, തൈരിലേയ്ക്ക് അൽപ്പം മഞ്ഞൾപ്പൊടിയും, ഉപ്പും, വെളുത്തുള്ളിയു ചേർത്ത് തിളപ്പിച്ച് കടുക് വറുത്തതു കൂടി ഒഴിച്ചെടുത്താൻ കൂട്ടാൻ റെഡി. പാകം ചെയ്തു സൂക്ഷിച്ചാൽ കുറച്ചധികം നാൾ ഉപയോഗിക്കാം എന്നതാണ് ഈ കറിയുടെ രഹസ്യം. എന്നാൽ മോര് കറിയുടെ രുചികരമായ മറ്റൊരു ഭാവമാണ് പുളിശ്ശേരി.

Also Read: കടയിൽ നിന്നു വാങ്ങുന്നതിനേക്കാൾ രുചിയിൽ വീട്ടിൽ വറുത്തെടുക്കാം ചീട, ഈ 5 ചേരുവകൾ മതി

പഴുത്ത നേന്ത്രപ്പഴ വേവിച്ചതിലേയ്ക്ക് തേങ്ങ അരച്ചു ചേർത്ത് തൈരൊഴിച്ച് ഇളക്കി യോജിപ്പിച്ച് കടുക് വറുത്തത് കൂടി ചേർത്താൽ അസാധ്യ രുചിയിൽ പുളിശ്ശേരി തയ്യാർ. ലേഖ വേണുഗോപാൽ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• നേന്ത്രപ്പഴം- 2
• പച്ചമുളക്- 2
• മഞ്ഞൾപ്പൊടി- 1/2 ടീസ്പൂൺ
• മുളകുപൊടി- 1/2 ടീസ്പൂൺ
• കറിവേപ്പില- ആവശ്യത്തിന്
• വെള്ളം- ആവശ്യത്തിന്
• തൈര്- 1 കപ്പ്
• ഉപ്പ്- ആവശ്യത്തിന്
• തേങ്ങ- 1 കപ്പ്
• ജീരകം- 1 ടീസ്പൂൺ
• കടുക്- 1/2 ടീസ്പൂൺ
• വറ്റൽമുളക്- 2 എണ്ണം
• കറിവേപ്പില-  ആവശ്യത്തിന്
• വെളിച്ചെണ്ണ- 1 ടേബിൾസ്പൂൺ

Also Read: സദ്യ സ്റ്റൈലിൽ കൂട്ടകറി തയ്യാറാക്കാം ഇനി സിംപിളായി, ഇവ കൂടി ചേർത്തു വേവിക്കൂ

View this post on Instagram

A post shared by Lekha L V | Kochussimplyrecipes (@kochussimplyrecipes)

Also Read: അച്ചാർ കിടിലൻ രുചിയിൽ തയ്യാറാക്കാം, ഈ മസാലക്കൂട്ട് ചേർത്തു നോക്കൂ
തയ്യാറാക്കുന്ന വിധം

• നന്നായി പഴുത്ത രണ്ട് നേന്ത്രപ്പഴം ചെറിയ കഷ്ണങ്ങളായി അരിഞ്ഞെടുക്കാം.
• അടി കട്ടിയുള്ള ഒരു പാത്രം അടുപ്പിൽ വെച്ച് ആവശ്യത്തിന് വെള്ളം ഒഴിച്ച് നേന്ത്രപ്പഴം കഷ്ണങ്ങളും, അര ടീസ്പൂൺ മഞ്ഞൾപ്പൊടിയും അര ടീസ്പൂൺ മുളകുപൊടിയും, രണ്ട് പച്ചമുളക് നടുവെ കീറിയതും, ആവശ്യത്തിന് ഉപ്പും ചേർത്ത് അടച്ചു വെച്ച് വേവിക്കാം.
• ഒരു കപ്പ് ചിരകിയ തേങ്ങയിലേയ്ക്ക് ഒരു ടീസ്പൂൺ ജീരകം ചേർത്ത് ആവശ്യത്തിന് വെള്ളവും ഒഴിച്ച് അരച്ചെടുക്കാം.
• വെന്തു വന്ന പഴത്തിലേയ്ക്ക് ആ അരപ്പു കൂടി ചേർത്ത് യോജിപ്പിക്കാം.
• തിളച്ചു വരുമ്പോൾ ഒരു കപ്പ് തൈര് ചേർത്ത് അടുപ്പണയ്ക്കാം.
• ഒരു പാൻ അടുപ്പിൽ വെച്ച് ഒരു ടേബിൾസ്പൂൺ വെളിച്ചെണ്ണയൊഴിച്ച് അര ടീസ്പൂൺ കടുക് ചേർത്തു പൊട്ടിക്കാം.
• രണ്ട് വറ്റൽമുളകും, ആവശ്യത്തിന് കറിവേപ്പിലയും ചേർത്ത് വറുത്ത് പുളിശ്ശേരിയിലേയ്ക്ക് ചേർത്തിളക്കി യോജിപ്പിക്കാം

Read More: സദ്യയ്ക്കു വിളമ്പാൻ നാരങ്ങ അച്ചാർ കയ്പില്ലാതെ തയ്യാറാക്കാം, ഈ മസാക്കൂട്ട് ചേർത്തു നോക്കൂ